TAHIUL᷊E 17:3 - WUKE SUSI WATTI'U AL᷊AL᷊USASSA

³ wuṛṛu parenta-Ne ringannu massubba wuṛṛu massuṛṛubawa su manga Mawu waine ara'e su matannallo, wul᷊anna ara'e manga anumpitanna,

TAHIUL᷊E 17:3 Iomraidhean Croise

PANDARIADDI 2:1

Ne nuddusse pandariaddi ahewallu ul᷊il᷊in pati'uppa.

2 MARARATU 21:3

Manga tampa pasasubbanna monganna apan buatte nihohakki Hizkia iamange niapararisikki tou apia. I tou na'ola'a manga mezbah patataṛṛamawuanna si Baal, wuṛṛu nallanginnu paal᷊uannu Monganni Asyera, ere buatte niola'i Ahab ratun Israel. I Manasye lai massubba manga anumpitanna.

SASABANGNGA 22:20

Isai apan mangonggolu sasamba su manga Mawu waine, tabbene'e si Ya'u, Mawu, ṛinone iṛṛuumanna pateanna.

YEREMIA 19:5

I mangitou napararisikku mezbah si Baal tadea'u pangonggol᷊annu manga ana'i mangitou maola'a sasamba itattambunna, sumbal᷊i Ya'u tawe saran paassa nandolokki mangitou ma'ola'a inolaanna udde, ewe'e lai tawe saran paassa olangnge ereudde lumapputta sulal᷊ummu ṛingirang-Ku.

YEREMIA 32:35

I mangitou napararisikku manga mezbah hunam Baal su Wawal᷊annu Hinom, wuṛṛu nangonggollu manga ana'i mangitou si Dewa Molokh. Sumbal᷊i, i Ya'u taambe saran paassa nandolokki mangitou ma'ola'a inolaanna udde, ewe'e lai tawe nilumapputa sulal᷊ummu ṛingirang-Ku manungku i mangitou ma'ola'a inolaanna al᷊al᷊eone udde wuṛṛu naarosa taumatan Yehuda.”

YEREMIA 7:31

Sambau mezbah aranne Tofet buatte niaparisikki mangitou su Wawal᷊annu Hinom tadea'u pangonggol᷊annu al᷊aṛṛana'i mangitou maola'a sasamba itattambunna. Sumbal᷊i Ya'u taambe saran paassa nandolokki mangitou ma'ola'a olangnge udde, ewe'e lai taambe saran paassa olangnge ereudde sinumabbangnga wuassu ṛingirang-Ku.

YEREMIA 8:2

wal᷊ine tadea'u iammulla wuṛṛu ilabbingnga apia ewe'e iawala su leta'a maola'a sapadda. Duṛṛi manga taumata udde sarun iwati su saruannu matannallo, wul᷊anna wuṛṛu manga anumpitanna apan sassubbanni mangitou, a'imbeanna, sassubbanna, wuṛṛu paddoronganna tatantiro.

YEHEZKIEL 8:16

I ya'u niapid-De watukku rallakka sulal᷊ummu Wal᷊en Mawu. Marani ngara sasuttanna watukku wabbo'a susi, suwallattu mezbah wuṛṛu lal᷊anna, pia duan pul᷊o l᷊ima su atoune taumata. I mangitou uatal᷊iudda wabbo'a na'ukkassa, wuṛṛu ual᷊intudda watukku ra'i massubba matannallo sumabbangnga.

TAHIUL᷊E 11:16

Imbaṛṛangnga i yamiu iaparau wuassu Mawu wuṛṛu inai massubba wuṛṛu mattaṛṛamawu su manga Mawu waine.

TAHIUL᷊E 17:4

ne i yamiu ṛinone manutukka ringannu maadunna. Unnu wisara al᷊al᷊eo udde atonna-tonna buatte nariaddi su Israel,

TAHIUL᷊E 4:19

Ariete i yamiu marosa ana waugu massubba wuṛṛu mattaṛṛamawu su al᷊awo'u apa apan niasiloanni yamiu su langitta; matannallo, wul᷊anna wuṛṛu manga anumpitanna. Mawu Ruatanu namalan manga walahanna waine massubba manga saranapa udde.

YOSUA 23:16

Napawe i yamiu lumawanna pa'aire apan buatte nirolokku Mawu Ruatanu tadea'u sidutu tattuṛutanna, wuṛṛu i yamiu inai mattaṛṛamawu su manga Mawu waine see lai massubba manga Mawu udde, ne Mawu sarun masa'u, wuṛṛu maṛṛuumanni yamiu. Su lal᷊ummu tempo apan mal᷊ihakka i yamiu sarangkanambone sarun mawul᷊i wuassu wanua apan mapia indi, apan nionggolu Mawu si yamiu.”