TAHIUL᷊E 17:18 - WUKE SUSI WATTI'U AL᷊AL᷊USASSA

¹⁸ Amungkangngu sangkatou itenega maola'a ratu, i tou ṛinone onggol᷊annu sambau wuke lal᷊oṛṛoannu manga titan Duata apan nial᷊inna wuassu wuke tutune apan sasahipunannu manga imam Lewi.

TAHIUL᷊E 17:18 Iomraidhean Croise

1 MARARATU 2:3

Pammanarate apa apan niparentan Mawu Ruatanu si'o. Paatuṛṛutte su anambon manga tita wuṛṛu manga parenta-Ne apan uawoṛṛetta sulal᷊ummu Wuke Musa, tadea'u watukkuapa i'o inai i'o sarun mahessi sulal᷊umu al᷊awo'u manaranu.

2 MARARATU 11:12

Wua'udde i Yoyada nangapiddi Yoas su liudde, ana see nangaddon araposan araratuanna su puane, wuṛṛu nanantilla si tou wuke Titan Mawu Ruata. I Yoas nitenega naola'a ratu wuṛṛu olange udde nial᷊iata su anambon tumana'u soa. Sarangkanambone nattal᷊o'appa wuṛṛu naggahio, “Wiakke ratu!”

2 MARARATU 22:8

I Safan namasingkattu parentan datu si Hilkia, ana see i Hilkia nabbatti'a si Safan manungku i tou buatte naasomba wuke manga titan Mawu su Wal᷊en Mawu. I Hilkia nangonggolu wuke udde si Safan, ne i Safan nabbasate.

2 TAWARIKH 34:15

Hilkia nabbisarate si Safan, “I ya'u naasangkalla wuke Titan Mawu su Wal᷊en Mawu,” ana see wuke udde nionggoli tou si Safan.

TAHIUL᷊E 31:9

Ana see i Musa namoṛṛettu Titan Mawu Ruata wuṛṛu nionggola su manga imam Lewi apan niapamanara ual᷊u'adda Wantallu Pa'aire, wuṛṛu su manga piaṛṛa'u Israel.

YOSUA 1:8

Wuken tita udde ṛinone masokka iwasanu su al᷊aṛṛana'-U. Wasa'e wuke udde allo wuṛṛu ṛabbi, tadea'u i'o sidutu tuttuṛṛuta manga tita apan uawoṛṛetta sul᷊alumme. Amungkangu i'o tuttuṛṛuta sarangkanambone udde, ne wiakku sarun mal᷊uassa wuṛṛu maaola'a sarangkanambone.