TAHIUL᷊E 17:12 - WUKE SUSI WATTI'U AL᷊AL᷊USASSA

¹² Isai-sai apan waṛṛani lumawangnga mallaṛṛuungnga ara'e imam apan mammanara orassa udde, ṛinone iṛṛuumanna pateanna; ringannu aroddi yamiu manginsue al᷊al᷊eo su Israel.

TAHIUL᷊E 17:12 Iomraidhean Croise

EZRA 10:8

Isai-sai apan tawe nirumanta sulal᷊ummu tallu allo, sarun anuanna anambon darotongnge wuṛṛu i tou tate lai iwal᷊i su reengannu tumanangnge. Wasiat udde niwartandannu manga piaṛṛa'u tumana'a.

DARALO 19:13

Taweddu maatutukka manungku watanganne nial᷊iwunete; Mawu, pallosaawe i ya'u wuassu pasasal᷊a apan awagananna.

AMSAL 21:11

Ṛuumanna su taṛṛa lobbossa maola'a al᷊aṛṛa'a su taumata apan tawe pangalamanne. Amungkangngu taumata mapia taguanna, i tou sarun aatambanna pande.

HOSEA 4:4

Mawu nabbisara, “Ei manga imam, arie piaddu mappaasal᷊a ara'e mamul᷊o uma-U, ana waugu ete i yamiu Ta'u iapasal᷊a!

ZAKARIA 3:7

“Amungkangngu i'o tumuṛṛutta manga tita-U wuṛṛu mappaamattu manga manara apan Ta'u nionggolla si'o, ne sarangkal᷊o'engnge i'o wotongnge mabbali piaṛṛa'a sulal᷊ummu Wal᷊e-U wuṛṛu mammaresi rallakke. I Ya'u sarun maddaringikka manga aal᷊iomannu, ere lai i Ya'u maddaringikka aal᷊iomannu mala'ekatta apan uatana'u marani-Ku.

REENGANNA 15:30

Arawe amungkangngu sangkatou taumatan Israel ara'e sangkatou taumata raho ringannu nipattatudda na'ola'a rosa, i tou nallobbossa Mawu. Taumata udde ṛinone pateanna,

REENGANNA 15:31

ana waugu i tou nilumawangnga Mawu wuṛṛu ringannu nipattatudda nilumawangnga parentan Mawu. Taumata udde mate ana waugu sal᷊ane sassane.

MATIUS 10:14

Amungkangngu pia bal᷊e ara'e soa apan madiri manarimmatti yamiu ara'e madiri maddaringikka si yamiu, tantanga'a tampa udde wuṛṛu tontonga'a awu su pal᷊adu leddanu.

LUKAS 10:16

See Mawu Yesus nabbisara manga mallal᷊aṛṛenggen-Ne, “Taumata apan madaringikka si yamiu, madaringikka lai si Ya'u. Taumata apan mannol᷊a'i yamiu, mannol᷊a-U lai. Wuṛṛu taumata apan mannol᷊a-U, mannol᷊a'i Tou lai apan nandolo-U.”

YOHANES 12:48

Taumata apan mannol᷊a-U wuṛṛu maddiri maddaringikka wisara-U, piate mallaṛṛuungnge. Wisara apan Ta'u iapaasingkatta, eteudde sarun ipamarikissa si tou su Allong Kiamatta.

YOHANES 20:23

Amungkangngu i yamiu mangampungnga rosan sangkatou taumata, Ruata lai mangampungnga rosane. Amungkangngu yamiu tawe mangampungnga rosan taumata waine, Ruata lai tawe mangampungnga rosane.”

TAHIUL᷊E 1:43

I ya'u mamasingkatta si yamiu wisaran Mawu, arawe i yamiu maddiri maddaringikka. I yamiu mannal᷊are parentan Mawu, wuṛṛu ringannu mawunga inai watukku wageangngu leta'u penenteanna udde.

TAHIUL᷊E 10:8

Su wowone udde Mawu naṛṛaen taumatan Lewi iapal᷊u'adda Wantallu Pa'aire wuṛṛu mangimbe Mawu, wuṛṛu mangal᷊amatta ringannu aran-Ne. Eteudde manaran mangitou sara orassa indi.

TAHIUL᷊E 13:11

Ne anambon balahannu Israel sarun maaringikka ola'u pamamate udde wuṛṛu mabbal᷊i mata'utta, ma'oman sara tawe saran sangkatou lai apan baṛṛani ma'ola'a al᷊al᷊eo udde.

TAHIUL᷊E 13:6

Napawe tuṛṛangngu ara'e anangngu esakka ara'e wawine, ara'e awingnga arangnguannu ara'e hawenu apianne, ringannu mal᷊anna-l᷊annaba massal᷊ongngu massubba manga Mawu waine apan awagananni yamiu wuṛṛu awaganannu al᷊amonanu, manga mawun balahanna apan uatana'a marani ara'e marau,

TAHIUL᷊E 17:13

Anambon taumata sarun maaringikka ola'u arariadianna udde wuṛṛu mata'utta, ma'oman sara tate sangkatou apan ma'ola'a inolaanna aroddi.”

TAHIUL᷊E 17:7

Manga matatialane ṛinone manuntungu watu paarorone su taumata udde, tatantalongannu anambon tumana'u soa. Ringannu aroddi yamiu mangnginsue al᷊al᷊eo.

TAHIUL᷊E 18:20

Arawe amungkangngu sangkatou nabi waṛṛani mamasingkattu sambau tanata wuassu arang-Ku sumbal᷊i Ya'u tawe nandolokki tou ma'ola'a aroddi, i tou ṛinone mate; aroddi lai suapan nabi apan mabbisara ringannu arannu manga Mawu waine udde ṛinone mate.’

TAHIUL᷊E 18:5

Wuassu anambon ṛuanganna su Israel, Mawu Ruatanu buatte namile ṛuanganni Lewi maola'a imam saran mal᷊annu-l᷊annu.

TAHIUL᷊E 18:7

i tou wotongnge mangimbe Mawu Ruatane maola'a sangkatou imam ere lai manga taumatan Lewi waine apan mammanara su tampa udde.

1 TESALONIKA 4:2

Ana waugu i yamiu suete naasingkata manga tatantiro apan suete nionggoli ami si yamiu sulal᷊ummu taṛṛino Mawu Yesus.

1 TESALONIKA 4:8

Taumata apan tawe madaringikka al᷊aṛṛa'a indi wal᷊inewe tawe madaringikka taumata, arawe tawe madaringikka Ruata apan nangonggollu Ghaṛṛaho-Ne susi si yamiu.

1 TIMOTIUS 5:20

Taumata apan ma'ola'a rosa, ṛinone tagguanna su saruannu anambon jamaatta, tadea'u ingana'a waine lai matta'utta.

YOSUA 1:18

Suapan taumata apan madiri umol᷊obba su taṛṛinonu, ara'e maddiri tumuṛṛuta parentanu, sarun iṛṛuumanna pateanna. Ṛinone i'o mangimanna wuṛṛu waṛṛani!”

MAL᷊AṚṚUUNGNGA 20:13

Tantil᷊a'e manga taumata lal᷊eo wuassu Gibea udde si yami tadea'u yami wotongnge mamate si mangitou, wuṛṛu ringannu aroddi yami napanginsue al᷊al᷊eo udde su pattangngannu Israel.” Arawe taumatan Benyamin tawe maddaringikka wisaran manga taumatan Israel waine udde.

1 SAMUEL 3:13

I Ya'u buatte namasingkatta si tou manungku amonanne sarun Ta'u iṛṛuumanna saran mal᷊annu-l᷊annu ana waugu al᷊aṛṛanangnge buatte nallobbossa si Ya'u. I Eli masingkattu manga rosan mangitou udde, arawe i mangitou tawe niwol᷊oanni Eli.