TAHIUL᷊E 16:21 - WUKE SUSI WATTI'U AL᷊AL᷊USASSA

²¹ Amungkangngu i yamiu ma'ola'a mezbah Mawu Ruatanu, imbaṛṛangnga mangaddon paal᷊uanna sassubbanna wuassu alu hahambaranni Asyera su sambaane,

TAHIUL᷊E 16:21 Iomraidhean Croise

1 MARARATU 14:15

Mawu sarun makkuumannu Israel ma'oman sara umio'a ere nammalo sulal᷊ummu ua'e. Mawu sarun manawutta tumana'u Israel wuassu wanua apan mapia indi apan nionggollu Mawu su al᷊amonan mangitou. I tou sarun manal᷊iawukki mangitou watukku samba'an Sal᷊ukku Efrat, ana waugu i mangitou napaasopan asasa'u-Ne ringannu na'ola'a manga paal᷊uanni monganna Asyera.

1 MARARATU 16:33

I tou na'ola'a lai pa'al᷊uanni Monganna Asyera. I tou na'ola'a lembon manambo rosa wuassu apa apan niola'u anambon ratun Israel apan namarenta dorone wuassi tou. Ana waugu udde i tou nandantan asasa'un Mawu, Ruata apan ṛinone subbannu taumatan Israel.

2 MARARATU 17:16

I mangitou nilumawanga anambon titan Mawu, Ruatan mangitou, wuṛṛu na'ola'a darua sapi wuassu logam subbanni mangitou. I mangitou nallanginnu paal᷊uannu Monganni Asyera, massubba manga winatanga wuṛṛu mattaṛṛamawu Mongannu Baal.

2 MARARATU 21:3

Manga tampa pasasubbanna monganna apan buatte nihohakki Hizkia iamange niapararisikki tou apia. I tou na'ola'a manga mezbah patataṛṛamawuanna si Baal, wuṛṛu nallanginnu paal᷊uannu Monganni Asyera, ere buatte niola'i Ahab ratun Israel. I Manasye lai massubba manga anumpitanna.

2 MARARATU 21:7

Hambarannu Monganni Asyera niaddo su Wal᷊en Mawu, sumbal᷊i su ola'u tampa udde Mawu buatte nabbisara si Daud wuṛṛu si Salomo anangnge, “Wal᷊e-U wuṛṛu soan Yerusalem indi, buatte Ta'u nipile wuassu wallatu leta'u siri mapul᷊o dua ruangannu Israel, eteudde tampa apan nipile-U, maola'a tampa patataṛṛamawuanna si Ya'u.

2 TAWARIKH 33:3

Manga tampa pasasubbanna paal᷊uanna apan buatte nihohakki Hizkia, iamangnge, niolangnge apia. I tou nallanginnu manga mezbah passubbanna si Baal, wuṛṛu nallanginnu manga paal᷊uanni Asyera, ana see lai massubba manga anumpitanna.

SASABANGNGA 34:13

Nariaddi, imbaṛṛangnga ma'ola'a aroddi, arawe paṛṛaa'a manga mezbah mangitou, ṛimunsa'a manga palem paal᷊uanni mangitou wuṛṛu tuwangke manga diṛṛin Asyera, monganni mangitou.

IMAMATTA 26:1

Mawu nabbisara, “Imbaṛṛangnga ma'ola'a monganna ara'e mallanginnu paal᷊uanna ara'e diṛṛi watu apan niuitta ana see subbanna. Ete i Ya'u Ruatanu.

TAHIUL᷊E 7:5

Ana waugu udde, hogaṛṛa'e manga mezbah manga walahanna udde, ṛimunsa'a manga diṛṛi watu apan sassunnanni mangitou maṛṛaubba, watanga'a manga waneṛṛan Asyera, wuṛṛu tambuna'e manga paal᷊uanna apan sassubbanni mangitou.

MAL᷊AṚṚUUNGNGA 3:7

Walahannu Israel narosate su Mawu, Ruata mangitou. I mangitou naabul᷊iten Mawu na'oman sara i mangitou nassubbate manga paal᷊uanni Baal wuṛṛu Asyera.