TAHIUL᷊E 15:9 - WUKE SUSI WATTI'U AL᷊AL᷊USASSA

⁹ Imbaṛṛangnga tawe mapawallasa si tou ringannu wisara manungku tonna pamamaekka awallasa maranite. Arie mamalan ṛingirannu dal᷊eo udde sumutta sulal᷊ummu naungngu. Amungkangngu i yamiu madiri mapawallasa, taumata udde sarun sumal᷊ande Mawu wuṛṛu mangalaen kamiu, ne i yamiu udde sasagoanne nassal᷊a.

TAHIUL᷊E 15:9 Iomraidhean Croise

AYUB 34:28

Waugu i mangitou taumata asiangnga sussal᷊iomanna lal᷊uain mangitou niaringiṛṛannu Ruata.

DARALO 101:3

al᷊al᷊eo tawe ta'u iwala. Ta'u ipaddantinna pallal᷊aghun taumata apekka, wuṛṛu maddirite masasangkapia mangitou.

DARALO 12:5

apan mabbisara, “I yamiu uataṛino ringannu lilan kami! Walate i yami mabbisara, wuṛṛu tawedu wotongnge manal᷊are!”

DARALO 9:12

Paddalote Mawu apan uaparenta su Sion! Wattia'e inolaan-Ne su manga walahanna!

SASABANGNGA 22:22

Imbaṛṛangnga ma'ola'a wawine wal᷊u ara'e ana'a asisitimpal᷊ussa ringannu walate apulu.

SASABANGNGA 22:23

Amungkangngu i yamiu mandal᷊eo si mangitou, i Ya'u, Mawu sarun maddaringikka si mangitou napawe i mangitou sumal᷊ande maiontolla si Ya'u.

SASABANGNGA 3:7

Ana see Mawu nabbisara, “I Ya'u naasilo al᷊aṛṛana'u uatataṛṛangnga su Mesir, wuṛṛu naaringikke i mangitou u'ui mai'ipallossa wuassu manga taumata apan mangngallangnga si mangitou. I Ya'u mangke masingkattu anambon asasusa mangitou.

AMSAL 14:21

Isai mallobbossa taumata waine, na'ola'a rosa; isai apan u'akkannu taumata asiangnga, sarun mabbiakka su lal᷊umanna'a.

AMSAL 21:13

Isai maddiri maddaringikka sasal᷊iomannu taumata apan awussa tawe daringiṛṛanna amungkangngu i tou sassane maiontolla.

AMSAL 23:6

Imbaṛṛangnga umanna ringannu taumata mapiikka. Imbaṛṛangnga lai numemma anne apan matemangnga.

AMSAL 24:9

Suapan hol᷊agu taumata woddo uddewe rosa. Taumata apan sidutu mappasal᷊an taumata waine, tawe aranguannu anambon taumata.

AMSAL 28:22

Taumata apan wal᷊iu apulune mal᷊ihakka maala; i tou wagga manungku paasiangnga mal᷊ihakke maṛṛia'e si tou.

AMSAL 4:23

Paariagai mapia-pia naungngu, ana waugu ete naungngu apan manantunnu lal᷊annu pabbiaṛṛannu.

YEREMIA 17:10

I Ya'u, Mawu, mannaṛṛassidda naungnga, naungngu taumata Ta'u i uji. Suapan taumata sarun Ta'u wal᷊isanna tumuṛṛuttu pallal᷊agune, wuṛṛu Ta'u olaanna uasul᷊ungngu inolaanne.”

YEREMIA 34:14

I Ya'u nabbisara manungku anambon allangngu Ibrani apan buatte nangimbe annummu tonna al᷊annune, ṛinone ipallossa su panginsueannu tonna appitune. Arawe al᷊amonanu maddiri mappandumma ara'e maddaringikka wisara-U udde.

MATIUS 15:19

Ana waugu wuassu naungnga sumabangnga manga ṛingiṛṛanna lal᷊eo, apan maaola'a taumata mammate, sussandaga, ma'ola'a al᷊al᷊eo, manna'o, mammahia, wuṛṛu ma'umbilangnga.

MATIUS 20:15

Anio i ya'u tawe wotongnge ma'ola'a apulu'u su rarotongku? Ara'e i'o mannaungnga lal᷊eo ana waugu i ya'u mandangngu?’ ”

TAHIUL᷊E 15:1

“Suapan panginsueannu tonna appitune ṛinone i yamiu mallaghun pamamaekka awallassa.

TAHIUL᷊E 24:15

Miallo-miallo tantal᷊anna matannallo taambe nattuppa i yamiu ṛinone mamaekka lal᷊antakke apan pinammanarane su allo udde; i tou uaantimma roitta udde ana waugu i tou mappandumma. Amungkangngu i yamiu tawe mamaekka lal᷊antakke, i tou sarun sumal᷊ande Mawu maiontolla ana waugu inolaanni yamiu, wuṛṛu i yamiu aranne taumata marosa.

TAHIUL᷊E 31:10

I tou nandolokki mangitou, “Suapan panginsueannu tonna appitune, sulal᷊ummu tonna pamapasanna utangnga su andeangngu Rasannu Rongnga,

YAKOBUS 4:17

Ana waugu udde, taumata apan masingkatu apapia apan ṛinone manaranne, arawe i tou tawe nammanara, taumata udde marosa.

YAKOBUS 4:5

Arie massunna manungku Wuke Susi tawe pinangiananne mabbisara, “Sulal᷊ummu wadangi ite Ruata nangaddon Ghaṛṛaho apan matohassa apulune.”

YAKOBUS 5:4

I yamiu tawe namaekka lal᷊antaku manga taumata apan mammanara su wawail᷊annu. Orassa indi paddaringikke sasal᷊iomanni mangitou! Manga taumata apan nangammullu wuan bawail᷊annu, mangngintul᷊i ma'iontolla wuṛṛu aintul᷊in mangitou na'omate su tal᷊ingan Duata, Ruata Lembon Mataṛṛino.

YAKOBUS 5:9

Arie sumamboṛṛe wuṛṛu mapapaṛṛansila, tadea'u i yamiu tawe irṛṛuumannu Ruata. Paanaunge! Mallaṛṛuungnga maranite, wuṛṛu nasaddiate rumanta.

1 PETRUS 4:9

Ṛinone i yamiu uasasal᷊oho sangkatou ringannu waine sulal᷊ummu wal᷊enu sambau-sambau, ringannu tawe sumamboṛṛe.