TAHIUL᷊E 15:5 - WUKE SUSI WATTI'U AL᷊AL᷊USASSA

⁵ sawal᷊iate i yamiu matuṛṛutta su Mawu Ruatanu, wuṛṛu ringannu maadunna ma'ola'a al᷊awo'u manara apan ta'u irolokka si yamiu allo indi.

TAHIUL᷊E 15:5 Iomraidhean Croise

DARALO 19:11

Titan Mawu udde maareganne wuassu wul᷊awanna tutune, mattemanganna wuassu pul᷊a apianne.

TAHIUL᷊E 15:4

Mawu Ruatanu sarun mangal᷊amatta si yamiu su wanua apan nionggoli Tou si yamiu. Ne suwallatu walahannu tawe taumata asiangnga,

TAHIUL᷊E 15:6

Mawu Ruatanu sarun mangal᷊amatta si yamiu ere buatte nipa'ire-Ne. I yamiu sarun mapawallasu roitta su anambon balahannu, arawe i yamiu sassane tawe mabballasa; i yamiu uataṛṛino anambon balahanna, arawe i mangitou tawe taṛṛinone si yamiu.

TAHIUL᷊E 26:14

Wuassu sasamba udde tawe saran addio'a apan ta'u nianna su tempo i ya'u lullal᷊o, ara'e ta'u niapidda su liuddu wal᷊en su tempo i ya'u na'ola'a al᷊al᷊eo, ara'e ta'u nionggola maola'a wiakku taumata nate. I ya'u matuṛṛutta Si'o, oh Mawu; al᷊awo'u parenta-Nu buatte ta'u niola'a.

TAHIUL᷊E 4:9

Panutukke wuṛṛu naungete paapia-pia, tadea'u su al᷊o'engngu pabbiaṛṛannu i yamiu tawe maabul᷊i sarangkanambone apan buatte niasiloanni yamiu sassane. Wattia'e su anangngu wuṛṛu pulunnu

TAHIUL᷊E 6:2

Ṛinone i yamiu wuṛṛu papapulunnu su al᷊o'engngu pabbiaṛṛanna mangaddata Mawu Ruatanu wuṛṛu tuttuṛṛutta anambon tita-Ne apan ta'u niapasingkatta si yamiu tadea'u uukku malo'engnga mabbiakka su wanua udde.

FILIPI 1:27

Ne, apianne orassa indi eteudde manungku i yamiu mabbiakka mapia ere su ipaapulun Watti'u Al᷊al᷊uassa su ola'i Kristus udde. Ringannu aroddi tanne i ya'u wotongnge mappassomban kamiu ara'e tate, i ya'u sarun maaringikka manungku i yamiu siddutu uaaukka wuṛṛu mammanara suaddio'a tumba'u sambau pandumma wuṛṛu sambau apulu; eteudde hunan pangangimanna apan uasul᷊ungngu Watti'u Al᷊al᷊uassa wuassu Ruata udde.

YOSUA 1:7

Tumba'u ṛinone i'o atonna-tonna mangimanna wuṛṛu waṛṛani. I'o ṛinone uanaungnga tadea'u i'o tuttuṛṛuta anambon tita apan nionggoli Musa allang-Ku udde si'o, imbaṛṛangnga abul᷊ianannanu ne i'o sarun ma'aola'a sarangkanambone.