TAHIUL᷊E 15:17 - WUKE SUSI WATTI'U AL᷊AL᷊USASSA

¹⁷ apira'e i tou watukku ngaran bal᷊enu wuṛṛu loṛṛangke tal᷊ingane, ne i tou sarun maola'a allangngu su al᷊o'engngu pabbiaṛṛanne. Aroddi lai olaanna su allangnga wawine.

TAHIUL᷊E 15:17 Iomraidhean Croise

SASABANGNGA 21:5

Arawe unnu wisara allangnga udde namasingkatta manungku i tou marangngu awingnge, manga anangnge, wuṛṛu mawune, wuṛṛu maddirite ipallossa,

SASABANGNGA 21:6

ne mawune ṛinone mangapiddi tou watukku tampa patataṛṛamawuanna. Poiaroddi allangnga udde irolokka rumarisikka uasaṛṛadda su ngara ara'e su diṛṛin ngaran patataṛṛamawuanna, wuṛṛu mawune ṛinone mamebbetta tal᷊ingan allangnga udde. Ne i tou sarun mabbal᷊i allangnge su al᷊o'engngu pabbiaṛṛanne.

TAHIUL᷊E 15:16

Arawe amungkangngu allangnga udde maddiri mapul᷊e ana i tou marangngu si yamiu wuṛṛu amonannu wuṛṛu mal᷊uassa matana'a suadio'a, ṛingannu,

TAHIUL᷊E 15:18

Amungkangngu i yamiu mamallosu sangkatou allangnga, arie i yamiu sumassilla, ana waugu al᷊annune annummu tonna i tou buatte nammanara ringanni yamiu ana see lal᷊antakke tumba'u satengah haddin su sangkatou allangnga. Paatuṛṛutte su parenta udde, ne Mawu Ruatanu sarun mangal᷊amatta al᷊awo'u inasaharannu.”

1 SAMUEL 1:22

Arawe paassa indi i Hana tawe tinumantalongnga. I tou nabbisara awingnge, “Napawe nangaddoten pasasusu, i Samuel sarun ta'u iuntudda su Wal᷊en Mawu, wuṛṛu i tou sarun matana'a poiaroddi sarangkal᷊o'enge.”