TAHIUL᷊E 14:8 - WUKE SUSI WATTI'U AL᷊AL᷊USASSA

⁸ Arie pa'inassa wawi. Winatangnga udde palli, ana waugu salaiwe anuune nawa'a, i tou tawe malluta anna paarua. Ṛemenne arie pa'inassa, winal᷊unanne tawe wotongnge indinganna.

TAHIUL᷊E 14:8 Iomraidhean Croise

YESAYA 65:4

Sutempo ṛabbi i mangitou inaite watukku manga liangnga wuṛṛu lal᷊abbinganna maddorongnga tatantiro su manga ṛimuuddu taumata nate. I mangitou u'inassa wawi wuṛṛu ma'inumma sawon ṛemessa apan isassingadda.

YESAYA 66:17

Mawu nabbisara, “Anambon taumata apan mapaasusin batanganne tadea'u inai su manga wailla massubba manga monganna wuṛṛu mattaṛṛamawu si mangitou, sarun mawul᷊i suadio'a ringannu manga taumata apan u'inassa ṛemessu wawi wuṛṛu wal᷊awo see lai anna waine apan ma'arantinna.

YESAYA 66:3

Arawe walahanna udde ma'ola'a walate apulu mangitou; i mangitou mal᷊uassa mattaṛṛamawu ringannu atokke apan ma'arantinna. Si mangitou tawe paddaṛṛalanne: mangngonggollu sapi esakka wuṛṛu mangngonggollu taumata, mangngonggollu ana'u domba wuṛṛu mammaddi ullekkan asu; mangngonggollu gandumma wuṛṛu mangngonggollu daṛṛan bawi, mannambunnu amania wuṛṛu massubba pa'al᷊uanna.

IMAMATTA 5:2

Amungkangngu pia sangkatou nassal᷊a ana waugu ringannu tawe nipattatudda nabbal᷊i narosate, ana waugu buatte nangeṛetta sambau apan maarosa, ereinai winal᷊unannu winatangnga, wuṛṛu wua'udde naatutukka inolaane.

TAHIUL᷊E 14:7

I yamiu imbaṛṛangnga uminassa winatangnga apan anuune tawe nawa'a wuṛṛu tawe malluta anna paarua. Arie pa'inassa unta, kelinci ara'e marmot. Winatangnga udde palli ana waugu salaiwe i tou malluta anna paarua, arawe anuune tawe nawa'a.

TAHIUL᷊E 14:9

I yamiu wotongnge uminassa al᷊awo'u inassa apan pia papaidde wuṛṛu onamme.

2 PETRUS 2:22

Apa apan a'olaanni mangitou napal᷊iatta'u sasanato'a indi, “Asu sarun umanna apia anna apan buatte nimutane,” wuṛṛu “Wawi apan buatte nireno, sarun mabelengnga apia tumal᷊inggi su tona.”