TAHIUL᷊E 14:29 - WUKE SUSI WATTI'U AL᷊AL᷊USASSA

²⁹ Anna udde wuattu taumatan Lewi ana waugu i mangitou tawe naatahuanna leta'a, wuṛṛu wuattu taumata raho, asisimpal᷊ussa wuṛṛu manga inawal᷊uanna apan mabbiakka su manga soanu. I mangitou wotongnge rumanta wuṛṛu mangal᷊appa sarangkanambone apan pappandumanni mangitou. Amungkangngu inolaanni yamiu aroddi, ne Mawu Ruatanu sarun mangal᷊amatta al᷊awo'u manaranu.”

TAHIUL᷊E 14:29 Iomraidhean Croise

DARALO 41:1

Su piaṛṛa'u mangangantari. Daralon Daud.

DARALO 41:2

Lal᷊umanna'a su taumata apan u'akkannu taumata lome; Mawu sarun mantul᷊ungngi tou sutempon asasusa.

DARALO 94:6

I mangitou mammate wawine wal᷊u wuṛṛu asisin timpal᷊ussa wuṛṛu taumata raho apan uatana'a su wanua indi.

AMSAL 11:24

Pia taumata mappulu mangonggolla, arawe aatambanna paa'alane, piaddu apulune mapiikka, arawe aatambanna lai paasiangnge.

AMSAL 19:17

Mantul᷊ungngu taumata asiangnga naal᷊ihidda ere nangonggollu awallassa su Mawu; ne ete Mawu lai apan sarun mabbal᷊issa.

YESAYA 1:17

pangurumpe ma'ola'a apapia. Pararisiṛṛa'e atatul᷊idda wuṛṛu illol᷊oa'e pangangallangnga; onggol᷊a'e su asisin timpal᷊ussa hakki mangitou samba'a ite hatton manga wawine wal᷊u.”

IMAMATTA 19:34

Ola'ewe i mangitou ere lai yamiu ma'ola'a manga taumata sambalahannu wuṛṛu pandangngute si mangitou ere lai yamiu mandangngu watangannu sassane. Paanaunge manungku i yamiu lai buatte nabbiakka ere taumata raho su Mesir. Ete i Ya'u Ruatanu.

REENGANNA 18:20

Mawu nabbisara lai si Harun, “I yamiu tawe maasomba pussa'a sarangkadio'a. Su wanua apan nipa'ire-U udde tawe santampa leta'a apan maola'a tatahuanannu. I Ya'u, Mawu, uddewe wageangngu pussa'anu.”

LUKAS 11:41

Apan sulal᷊ummu mangko wuṛṛu lamangngu udde, eteudde ṛinone ionggolli yamiu su taumata asiangnga. Ringannu olangnge aroddi, sarangkanambone sarun maola'a waresi hunane si yamiu.

LUKAS 6:35

Ṛinone wal᷊ine aroddi! Ewe'e i yamiu ṛinone umakkannu seetti yamiu wuṛṛu pia pallal᷊agu mapia si mangitou. I yamiu ṛinone mapawallassa wuṛṛu arie mangantimma mawelengnga apia. Amungkangngu aroddi, lal᷊antakku wahewa wuṛṛu i yamiu sarun maola'a al᷊aṛṛana'u Ruata Apan Atanggaṛṛanne. Ana waugu Ruata naungnge mapia su saruannu taumata apan waga ma'aidengkamanna, wuṛṛu su saruannu taumata lal᷊eo lai.

TAHIUL᷊E 10:9

Ana waugu udde ṛuanganni Lewi tawe nanengkamma leta'a pussa'a ere manga ṛuanganna wal᷊ine, ana waugu ete Mawu wageangnga pussa'an mangitou, ere buatte niwal᷊on Mawu Ruatanu si mangitou.)

TAHIUL᷊E 12:12

Lallala'e su saruannu Mawu Ruatanu, suadio'a ringannu manga anangngu, manga allangngu wuṛṛu manga taumatan Lewi apan uatana'a su manga soanu, ana waugu taumatan Lewi tawe naasomba wageangngu leta'a su wanuanu.

TAHIUL᷊E 14:27

Imbaṛṛangnga mamalan taumatan Lewi apa uawanua su manga soanu masusa; naungete manungku i mangitou udde tawe uatahuanna leta'a sassane.

TAHIUL᷊E 15:10

Onggol᷊a'e si tou ringannu naungnga mal᷊uassa wuṛṛu tawe iwata'a, ne Mawu Ruatanu sarun mangal᷊amatta al᷊awo'u inasaharannu.

TAHIUL᷊E 16:11

Su saruannu Mawu Ruatanu su tampa apan buatte nipile-Ne, i yamiu ṛinone lulluassa susampunna ringannu manga anangngu, manga allangngu wuṛṛu taumatan Lewi, taumata raho, ana'a asisitimpal᷊ussa wuṛṛu manga inawal᷊uanna apan uatana'a su manga soanu.

TAHIUL᷊E 16:14

Lallala'e suadio'a ringannu manga anangngu, manga allangngu, taumatan Lewi, taumata raho, ana'a asisitimpal᷊ussa, manga wawine wal᷊u apan uatana'a su manga soanu.

TAHIUL᷊E 23:21

Amungkangngu i yamiu maddiandin sambau saranapa su Mawu Ruatanu, imbaṛṛangnga isoṛṛotta manipussa riandi udde, ana waugu Mawu Ruatanu sidutu mannusi, wuṛṛu i yamiu narosate amungkangu tawe manipussa.

TAHIUL᷊E 28:8

Mawu Ruatanu sarun mangal᷊amatta inasaharannu wuṛṛu malloṛṛo wal᷊ingkakku ringannu gandumma. I Tou sarun mangal᷊amatta si yamiu su wanua apan nionggoli Tou si yamiu.

TAHIUL᷊E 6:11

Manga wal᷊ene napenen saranapa apan mapia, wuṛṛu wal᷊ine i yamiu nalloṛṛo. I yamiu sarun maasangkalla manga paṛṛihi, wuṛṛu wal᷊ine i yamiu naal᷊i. I yamiu sarun maasomba manga waillu anggore wuṛṛu zaitun, arawe wal᷊ine i yamiu nassuanna. Napawe Mawu mangapiddi yamiu watukku wanua udde, i yamiu sarun maatahuanna al᷊awo'u iapaapulun kamiu annananna,

IBRANI 13:2

Arie humago'a mapaatana'a su wal᷊enu manga taumata apan ta'e awagananni yamiu. Ana waugu ringannu ma'ola'a aroddi, piate taumata, ringannu tawe niatutukka suete napaatana'u mala'ekatta su wal᷊ene.

YAKOBUS 1:27

Tatuṛṛuta su agama apan waresi wuṛṛu tutune su aellegu Ruata Iamangnga eteudde: mantul᷊ungngu al᷊aṛṛana'a asisin pal᷊ussa wuṛṛu manga wawine wal᷊u apan susa, wuṛṛu uariagga wadangnge sassane tadea'u tawe lal᷊eoannu runia indi.