TAHIUL᷊E 14:22 - WUKE SUSI WATTI'U AL᷊AL᷊USASSA

²² “Suapan tonna i yamiu ṛinone manggaingnga sepere mapul᷊o wuassu anambon inasaharannu.

TAHIUL᷊E 14:22 Iomraidhean Croise

PANDARIADDI 28:22

Wuṛṛu i ya'u sarun mangonggolu samban wuassu mapulon kawageanganna su Mawu wuassu al᷊awo'a apan nionggolu Mawu si ya'u. Watu pananaunganna apan ta'u niapaarisikka indi sarun maola'a tampa patataṛṛamawuanna su Mawu.”

PANDARIADDI 47:24

Su tempon mangitingnga, i yamiu ṛinone mangonggolu wageangnge al᷊imane wuassu hessine su ratu. Lambene wotongnge ipaatti yamiu maola'a wualanna wuṛṛu wiakku amonanni yamiu.”

PANDARIADDI 47:26

Wua'udde olangnge udde niola'i Yusuf nabbal᷊i sambau atoranna su wanua Mesir, eteudde manungku wageangnge al᷊imane wuassu hessin pangangitingnga mabbal᷊i tatahuanannu ratu. Naddatingngu orassa indi atoranna udde ta'e iapa'amatta. Tumba'u leta'u manga imam tawe naola'a pussa'an datu.

NEHEMIA 10:37

I yami sarun mangapidda su manga imam su Wal᷊en Mawu taponna wuassu gandumma apan paarorone niitingnga suapan tonna, see lai manga sasamba waine erenai anggore, lanan zaitun wuṛṛu al᷊awo'u hatin wuan aaluanna. Sasamba sepere mapul᷊o wuassu hessin wawail᷊anni yami sarun iapiddi yami su manga taumatan Lewi apan malluṛṛu manga sasamba sepere mapul᷊o su manga soan pabbail᷊anna.

NEHEMIA 10:38

Arawe sangkatou imam papapulunni Harun ṛinone uaringanna manga taumatan Lewi udde napawe i mangitou malluṛṛu manga sasamba udde. Wuṛṛu sepere mapul᷊o wuassu anambon sasamba udde ṛinone iapiddu manga taumatan Lewi watukku wabbo'an bal᷊unna su Wal᷊en Mawu.

MALEAKHI 3:10

Apira'e sepeṛṛe mapul᷊onu sarangkanambone watukku Wal᷊e-U tadea'u pia anna manambo poiaroddi. Panal᷊u'ate si Ya'u, ne i yamiu sarun maasilo manungku i Ya'u namu'a manga ngaran surga wuṛṛu nangonggolla si yamiu al᷊awo'a apan mapia.

REENGANNA 15:20

Amungkangngu i yamiu mallol᷊o roti wuassu gandumma apan paarorone itinganna, roti udde ṛinone ionggola maola'a sasamba al᷊aṛṛaene su Mawu. Lal᷊anne mangonggola uasul᷊ungngu lai mangonggolu sasamba gandumma paarorone nihilingngi yamiu.

REENGANNA 18:21

Unnu Mawu si Harun, “Al᷊aawo'u sasamba sambau wuassu mapul᷊o apan nionggolu taumatan Israel Ta'u ionggola su manga taumatan Lewi. Eteudde wageangngu pussa'an mangitou wawaekku manara mangitou su Rasang-Ku.

REENGANNA 18:31

Lambene udde wotongnge annananni yamiu su al᷊awo'u tampa suadio'a ringannu lal᷊oṛṛon amonannu, maola'a lal᷊antakku manaranu su Rasannu Mawu.

TAHIUL᷊E 12:17

Su tampa wawanuannu imbaṛṛangnga i yamiu umanna sasamba sepere mapul᷊o wuassu inasaharannu eteudde gandumma, anggore, lanan zaitun, sapi ara'e ambinga dombanu apan paarorone niasungkangnga, sasamba ipamaekka riandinu, sasamba apulun naungngu ara'e sasamba waine.

TAHIUL᷊E 12:6

Watukku tampa uddewe i yamiu ṛinone mangapiddu manga sasamba itattambunna see lai manga sasamba waine, manga sasamba sepere mapul᷊o waussu inasaharannu see lai manga sasamba waine, sasamba wawaekka riandinu, sasamban tawe niwata'a wuṛṛu ana'u sapi wuṛṛu ambinga dombanu apan paarorone niasungkangnga.