TAHIUL᷊E 13:3 - WUKE SUSI WATTI'U AL᷊AL᷊USASSA

³ imbaṛṛangnga ma'ellega si tou. Mawu Ruatanu nappaattu taumata udde ipamono'a si yamiu, ipa'ellega tanne i yamiu atonna-tonna mandangngu Mawu ringannu ahewallu naungngu ara'e tawe.

TAHIUL᷊E 13:3 Iomraidhean Croise

1 MARARATU 13:19

Ne nabi wuassu Yehuda udde tinumantalongke watukku wal᷊en nabi timmade udde wuṛṛu niumante suaddio'a ringanni tou.

DARALO 119:2

Lal᷊umanna'a su taumata apan mappaamattu parenta-Ne, wuṛṛu ringannu ahewallu naungnge maddea'a ma'illal᷊a Mawu.

DARALO 66:10

Oh Ruata, I'o buatte nanal᷊u'atta si yami naal᷊ihidda taumata mannassala sal᷊a'a su putungnga.

DARALO 81:7

“I Ya'u buatte namasanna winabbawa wuassu wambangngu, wuṛṛu namallossu so'anna wuassu limanu.

SASABANGNGA 20:20

I Musa sinumimbakka, “Arie pa'ata'utta. Ruata dirumanta tumba'u manal᷊u'atta si yamiu tadea'u i yamiu sidutu matuṛṛutta, wuṛṛu tawe ma'ola'a rosa.”

YESAYA 8:20

Simbakke arendi, “Paddaringikke al᷊aṛṛa'u Mawu! Taumata apan tawe mabbisara uasul᷊ungngu al᷊aṛṛa'a udde, tawe antimma.”

MATIUS 24:24

Ana waugu sarun dumanta manga mananal᷊amatta awusu wuṛṛu manga nabi awusu. I mangitou sarun ma'ola'a al᷊awo'u inolaanna apan bahewalla, wuṛṛu manga al᷊aṛṛindu'a ipangawusu, amungkangngu wotongnge, al᷊aṛṛana'u Ruata lai.

WATTI'U MANGA RASUL 17:11

Manga taumata su Berea masaṛṛionto'a naungnge wuassu manga taumata su Tesalonika. Ringannu naungnga mal᷊uassa i mangitou madaringikka watti'u Mawu Yesus, wuṛṛu miallo-miallo i mangitou mannaṛṛassida lal᷊oṛṛon Wuke Susi tadea'u maasingkatta tanne al᷊aṛṛa'i Paulus udde atonna.

1 KORINTUS 11:19

Naṛṛinote amungkangu pia patatiakka su wallatti yamiu, tadea'u sarun asiloanna isai-sai taumatan Saṛṛani tutune.

2 KORINTUS 8:8

I ya'u tawe nandolokka udde maola'a sambau parenta. Arawe ringannu namasilo aroddi aṛṛimadde taumata waine mantul᷊ungngu taumata sansul᷊ungnge, i ya'u lai maapulu maasingkata na'oman sara suapa, darangngunu.

EFESUS 4:14

Ne i ite tate maola'a lai al᷊aṛṛana'a apan nial᷊iwune, wuṛṛu iaapiddu al᷊awo'u hatin al᷊aṛṛa'u manga taumata apan taṛṛa awusu. I mangitou mangngal᷊iwun taumata ringannu wawahian mangitou.

TAHIUL᷊E 6:5

Pandangngute Mawu Ruatanu ringannu ahewallu naungngu: Papal᷊iattaa'e udde sulal᷊ummu pabbiaṛṛannu wuṛṛu sulal᷊ummu inolaannu.

TAHIUL᷊E 8:16

Su wadda'a i Tou nangonggolu manna maola'a pabbawiakku, anna apan awaganannu iupungngu al᷊amonanu. Mawu na'ola'a udde tadea'u iapaannama si yamiu wuṛṛu ipamawo naungngu, tadea'u panginsueanne i Tou wotongnge ma'ola'a apapia si yamiu.

TAHIUL᷊E 8:2

Paanaungete! Appatu pul᷊o su tonnane al᷊annune Mawu Ruatanu uapiaṛṛa'i yamiu sulal᷊ummu amatanna marau sumabbi wadda'a. Amamatta udde pandumanne pa'annamannu Mawu si yamiu, tadea'u i Tou wotongnge maasilo apa apan uaraddo sulal᷊ummu naungngu wuṛṛu tanne i yamiu sarun tumuṛṛutta manga parenta-Ne.

2 TESALONIKA 2:11

Ana waugu udde Ruata napaarantan taṛṛino apan mangngal᷊iwun mangitou, na'oman sara i mangitou nangimanna watti'a apan nassal᷊a udde.

1 YOHANES 2:19

Manga seetti Kristus eteudde manga taumata apan suete nanantangi ite, ana waugu i mangitou su ṛinone wal᷊ine taumata su sambau ringanni ite. Amungkangu i mangitou taumata su sambau ringanni ite, i mangitou mangke uaammulla ringanni ite. Arawe i mangitou nanantangi ite, tadea'u matualage manungku tawe saran sangkatou wuassi mangitou apan atonna-tonna nasutta su reenganni ite.

1 YOHANES 4:1

Manga tuṛṛangnga apan arangnguanna! Arie pangimanna anambon taumata apan mangnga'u Ghaṛṛahon Duata, arawe annama'a asuene i mangitou tanne ghaṛṛaho mangitou udde niarantanne wuassu Ruata ara'e tawe. Ana waugu manambonabi awusu apan u'amatta su al᷊awo'u tampa.

1 YOHANES 4:4

Arawe Al᷊aṛṛana'u, i yamiu pussa'a Ruata. I yamiu suete napaaema'u manga nabi awusu, ana waugu Ghaṛṛaho apan tatahuananni yamiu lembon mataṛṛino wuassu ghaṛṛaho apan su taumata tatahuanannu runia indi.

SONDAPPA 13:14

Wuṛṛu anambon taumata apan mabbiakka su runia niawusuanne ringannu manga al᷊aṛṛindu'a apan botongnge olaanne su saruannu winatangnga apan paarorone udde. Wuṛṛu i mangitou sarangkanambone nirolokka mandarisikku sambau paal᷊uanna wuassu winatangnga apan suete nilessan hal᷊ele, arawe ta'e wiakka.

MAL᷊AṚṚUUNGNGA 2:22

I Ya'u sarun mappaattu manga walahanna udde ipanal᷊u'atta walahannu Israel, tadea'u i Ya'u maasingkatta tanne walahannu Israel mappulu tumuṛutta manga parenta-U ere lai iupungngu al᷊amonan mangitou, ara'e tawe.”

1 SAMUEL 26:19

Tuangnga paddaringikke sasubban allangngu indi. Unnu wisara Mawu buatte nandolokki Tuangnga niaparo'appa allangngu, udde maola'a sambau sasamba apan botongnge mapaasungen asasa'un Mawu su saruannu allangnge. Arawe unnu wisara apan nirolokki Tuangnga udde taumata, doronganna i mangitou wontohannu Mawu. Ana waugu wuassu inolaanni mangitou, allangngu buatte nilimbuaṛṛanna wuassu leta'a pussa'an Mawu wuṛṛu ringannu mawakkatta allangngu inaite su wanua waine suapa allangngu ṛinone mattaṛṛamawu monganna apan ta'e awagananna.