TAHIUL᷊E 13:16 - WUKE SUSI WATTI'U AL᷊AL᷊USASSA

¹⁶ Anambon darotongngu tumana'u soa udde ṛinone ihemonna wuṛṛu iombo su leta'a mal᷊alangnga, ana see soa wuṛṛu darotongnge ṛinone tutunganna maola'a sasamba su Mawu Ruatanu. Wua'udde sarangkanambone udde ṛinone itantangnga maola'a tuidda wuṛṛu imbaṛṛangnga olaanna apia.

TAHIUL᷊E 13:16 Iomraidhean Croise

SASABANGNGA 22:19

Taumata apan nassawa winatangnga ṛinone pateanna.

YESAYA 17:1

Mawu nabbisara, “Damsyik tate lai maola'a soa, arawe tumba'u aombuannu manga tuiddu wal᷊en nangkaṛṛa'a.

YESAYA 25:2

Soa udde buatte niṛṛimunsang-Ngu; soa apan pia tanda batune nabbal᷊i winalal᷊anna. Wal᷊en araratuanna apan niola'u taumata raho nahohakke, wuṛṛu tate olaanna apia saran mal᷊annu-l᷊annu.

YEREMIA 49:2

Arawe sarun a'omanna tempone i Ya'u ma'ola'a tumana'u Raba, inangngu soa Amon udde, maaringikka hahuressan pangalo. Soa udde maola'a winal᷊alanna wuṛṛu manga soa maranine masoṛṛobba abbi. Wua'udde Israel sarun mangul᷊e apia letangnge wuassu manga taumata apan dorone nangaṛṛo.

YEHEZKIEL 26:14

Apan Ta'u itantangnga tumba'u sambau watu apan lol᷊okka, tampa manga samakka mammatin soma mangitou. Soa udde ta'e iapararisikka apia. I Ya'u, Mawu Apan Atanggaṛṛanne buatte nabbisara.”

MIKHA 1:6

Ana waugu udde Mawu nabbisara, “I Ya'u sarun ma'ola'a Samaria ombon winal᷊alanna su wadda'a, wuṛṛu tampan taumata massuannu punnu anggore. Winal᷊alannu soa udde sarun Ta'u iramme watukku wawal᷊anne, wuṛṛu manga rapappakke sarun isongkakka.

TAHIUL᷊E 7:25

Tambuna'e manga paal᷊uanna apan sassubbanni mangitou. Arie umanggangu sal᷊a'a ara'e wul᷊awanna apan ua'ele si tou wuṛṛu imbaṛṛangnga manganu hunanu sassane. Amungkangngu i yamiu lumawangnga parenta udde i yamiu sarun mate, ana waugu Mawu Ruatanu udde maddantinnu pasasubba paal᷊uanna.

TAHIUL᷊E 7:26

Imbaṛṛangnga mangaddon sambau paal᷊uanna sulal᷊ummu wal᷊enu, tadea'u wontoga apan maṛṛia'a si tou tawe maṛṛia'a lai si yamiu. Olangnge udde ṛinone ia'atantinni yamiu wuṛṛu a'adio'a, ana waugu buatte niwontohannu Mawu Ruata.”

YOSUA 6:21

Sarangkanambone apan sulal᷊ummu soa udde, timmade dario'a, esakka wawine, nipaten hal᷊ele. Al᷊awo'u winatanga sapi, domba wuṛṛu keledai lai nipate.

YOSUA 6:24

Wua'udde tantara Israel nanutungnga ahewallu soa udde su sambau ringannu lal᷊oṛṛone sulal᷊umme na'oman sara nasue, nallambe manga saranapa wul᷊awanna, sal᷊a'a, witu'a wuṛṛu atta'a. Manga saranapa udde nianu mangitou wuṛṛu niapidda su tampa pangangadoannu darotongnga pussa'a Mawu.

YOSUA 6:26

Su tempo udde i Yosua napaasabangu sasingadda indi, “Suapan isai apan pia apulu mapararisikku apia soan Yerikho indi, sarun aṛṛinoannu wawontogu Mawu. Isai apan mangaddon rapappake sarun awul᷊iannu ana'a pahul᷊une wuṛṛu isai apan mangele manga ngarane sarun awul᷊iannu ana'a ṛembonne.”

YOSUA 8:28

I Yosua nanutungnga Ai, wuṛṛu niwala tuidde ara'e lannangnge wal᷊en nahoakka sara orassa indi.