TAHIUL᷊E 13:13 - WUKE SUSI WATTI'U AL᷊AL᷊USASSA

¹³ manungku manga pira taumata lal᷊eo wuassu walahannu buatte nangal᷊iwun tumana'u soa massubba manga Mawu apan awagananni yamiu.

TAHIUL᷊E 13:13 Iomraidhean Croise

2 SAMUEL 16:7

I Simei nandal᷊an Daud ringannu manga wisara, “Passal᷊iu! Passal᷊iu! Taṛṛa pate! Taumata lal᷊eo!

2 SAMUEL 20:1

Su soan Gilgal pia sangkatou taṛṛa sal᷊asa'a aranne i Seba. I tou ana'i Bikri, wuassu ruanganni Benyamin. Sutempo taumatan Daud nangelekka nirumanta, i Seba nattiuppa trompetta wuṛṛu nangintul᷊i, “I ite tawe paa'aukka ringanni Daud. Ipa'ura i ite tumantalongnga si tou? Ei taumatan Israel, wette i ite mapul᷊ete!”

2 SAMUEL 23:6

Arawe manga taumata apan tawe tumuṛṛutta Mawu naal᷊ihidda ṛoa'a apan niramme. Liman taumata tawe maagassa;

1 MARARATU 21:10

Doloṛṛa'a ruan katou taumata lal᷊eo ua'ianna uasaruanna si tou wuṛṛu mangansilla si tou manungku i tou buatte nantal᷊an Duata wuṛṛu ratu. Ana see apira'e i tou watukku liuddu soa, wuṛṛu tuntungken batu ma'oman sara mate!”

1 MARARATU 21:13

Ruan katou taumata lal᷊eo ua'ianna uasasaruanni Nabot, wuṛṛu su saruannu awadaalla itarua nangansilla si tou manungku i tou buatte nantal᷊an Duata wuṛṛu ratu. Ana waugu udde i tou niapidda watukku liuddu soa ana see tinuntungannu watu na'oman sara nate.

2 MARARATU 17:21

Napawe Mawu naṛṛaeten Israel wuassu Yehuda, taumatan Israel namile si Yerobeam ana'i Nebat naola'a ratun mangitou. Ana see i Yerobeam naaola'a si mangitou nanantangu Mawu wuṛṛu na'ola'e manga rosa apan bahewalla.

2 TAWARIKH 13:7

I tou nangammulu manga taumata lal᷊eo wuṛṛu namata'u apulun mangitou si Rehabeam ana'i Salomo, apan sutempo udde ta'e saṛṛen tumuwo tawe asingkatta manal᷊are.

YOHANES 8:44

Ete Setanna iamangngu, wuṛṛu i yamiu tuttuṛṛutta apulun iamangngu. Ro'en panataṛṛanne Setanna udde taṛṛa pate. I tou taambe saran paassa manamba'a apapia, ana waugu tawe apapia si tou. Amungkangngu i tou mangawusu, udde naṛṛino ana waugu ete aroddi pallal᷊agune. I tou taṛṛa awusu wuṛṛu punnu al᷊awo'u awusu.

2 KORINTUS 6:15

Tawe mariaddi Kristus maammulu Setanna. Apa sul᷊ungnge taumatan Saṛṛani wuṛṛu taumata wal᷊ine Saṛṛani?

TAHIUL᷊E 13:12

Napawe i yamiu matana'e su manga soa apan ionggolu Mawu Ruatanu si yamiu, asinungka tumelengke watti'a

TAHIUL᷊E 13:14

Amungkangngu maaringikka manga watti'a awusu ereudde, panutukke ringannu mapia-pia. Amungkangngu al᷊al᷊eo udde atonna-tonna mariaddi,

TAHIUL᷊E 13:2

ringannu pandumanna tadea'u i yamiu massubba massuṛṛubawa su manga Mawu apan awagananni yamiu, salaiwe riandine udde mariaddi,

TAHIUL᷊E 13:6

Napawe tuṛṛangngu ara'e anangngu esakka ara'e wawine, ara'e awingnga arangnguannu ara'e hawenu apianne, ringannu mal᷊anna-l᷊annaba massal᷊ongngu massubba manga Mawu waine apan awagananni yamiu wuṛṛu awaganannu al᷊amonanu, manga mawun balahanna apan uatana'a marani ara'e marau,

TAHIUL᷊E 17:4

ne i yamiu ṛinone manutukka ringannu maadunna. Unnu wisara al᷊al᷊eo udde atonna-tonna buatte nariaddi su Israel,

TAHIUL᷊E 4:19

Ariete i yamiu marosa ana waugu massubba wuṛṛu mattaṛṛamawu su al᷊awo'u apa apan niasiloanni yamiu su langitta; matannallo, wul᷊anna wuṛṛu manga anumpitanna. Mawu Ruatanu namalan manga walahanna waine massubba manga saranapa udde.

1 YOHANES 2:19

Manga seetti Kristus eteudde manga taumata apan suete nanantangi ite, ana waugu i mangitou su ṛinone wal᷊ine taumata su sambau ringanni ite. Amungkangu i mangitou taumata su sambau ringanni ite, i mangitou mangke uaammulla ringanni ite. Arawe i mangitou nanantangi ite, tadea'u matualage manungku tawe saran sangkatou wuassi mangitou apan atonna-tonna nasutta su reenganni ite.

1 YOHANES 3:10

Ete indi papaṛṛalane wuassu alaṛṛana'u Ruata wuṛṛu al᷊aṛṛana'u Setanna: suapan taumata apan tawe tumuṛṛutta apulun Duata, ara'e tawe mandangngu tuṛṛange, i tou wal᷊ine ana'u Ruata.

YUDAS 1:19

Ete i mangitou indi apan mapaarantam patatiakka. I mangitou tawe tataṛṛinoannu Ghaṛṛahon Duata, ewe'e tataṛṛinoannu pallal᷊agun dunia.

MAL᷊AṚṚUUNGNGA 19:22

Tantal᷊anna i mangitou mallal᷊umanna'a, inaṛombanganna wal᷊en udde papal᷊iwutanten manga taumata lal᷊eo wuassu soa udde. I mangitou namu'a ngara wuṛṛu nabbisara timmade udde, “Tantil᷊a'e si yami esakka apan niapiddu su wal᷊enu. Yami mappulu mappaatti tou!”

MAL᷊AṚṚUUNGNGA 20:13

Tantil᷊a'e manga taumata lal᷊eo wuassu Gibea udde si yami tadea'u yami wotongnge mamate si mangitou, wuṛṛu ringannu aroddi yami napanginsue al᷊al᷊eo udde su pattangngannu Israel.” Arawe taumatan Benyamin tawe maddaringikka wisaran manga taumatan Israel waine udde.

1 SAMUEL 10:27

Arawe manga pira taumata lal᷊eo nabbisara, “Ereapa wotongnge taumata indi pia gunane si ite?” I mangitou mangngadio'a si Saul wuṛṛu tawe mangapiddu aonggolla si tou. Arawe i tou mangngawusu wagga.

1 SAMUEL 2:12

Al᷊aṛṛana'i Eli tumaniten dal᷊eo atonna. I mangitou tawe maddaringikka Mawu

1 SAMUEL 25:17

Ana waugu udde, ṛingira'a paapia olangnge indi, wuṛṛu ṛawesa'e apa apan botongnge olaanni Mama. Ana waugu sarun dumanta wawal᷊inne si tuangngi ite wuṛṛu su anambon balahanne. I Tuangngi ite aroddi tawe maddaringikka na'oman sara i tou tawe a'aehanna maggahatto!”

1 SAMUEL 25:25

Ariewe i Tuangnga maṛṛingiddi Nabal, taumata apan tawe gunane udde! I tou taumata longonna – ere atappasannu aranne. Allangngu tawe naasilo manga daroloṛṛanna apan nirolokki Tuangku udde.