TAHIUL᷊E 12:6 - WUKE SUSI WATTI'U AL᷊AL᷊USASSA

⁶ Watukku tampa uddewe i yamiu ṛinone mangapiddu manga sasamba itattambunna see lai manga sasamba waine, manga sasamba sepere mapul᷊o waussu inasaharannu see lai manga sasamba waine, sasamba wawaekka riandinu, sasamban tawe niwata'a wuṛṛu ana'u sapi wuṛṛu ambinga dombanu apan paarorone niasungkangnga.

TAHIUL᷊E 12:6 Iomraidhean Croise

2 TAWARIKH 31:14

Kore ana'i Yimna, sangkatou taumatan Lewi apan naola'a tembonannu mandariaga su Ngara Wahewallu Ra'i su Wal᷊en Mawu, tinantil᷊annu manara mannengkamma manga aonggola apan ia'onggola su Mawu ana see i tou lai nattahiate.

2 TAWARIKH 7:12

Mawu naipasilon batangan-Ne apia si tou sutempo ṛabbi. Mawu nabbisara si tou, “Aal᷊iomannu buatte niraringiṛang-Ku wuṛṛu i Ya'u namarimmatu Wal᷊en indi maola'a tampa apan apianne pangonggol᷊annu sasamba si Ya'u.

EZRA 3:2

ana see Yesua ana'i Yozadak see ringanne manga imam wuṛṛu Zerubabel ana'i Sealtiel see manga tuṛṛangnge, na'ola'a apia mezbah Duatan Israel. Ringannu aroddi i mangitou wotongnge manambbunnu amania isudde, uasul᷊ungngu manga tatantiro apan uawoṛṛetta sulal᷊ummu buke Titan Musa allangngu Ruata.

NEHEMIA 10:36

I yami sarun mangapiddu ana'a esakki yami apan pahul᷊une su manga imam su Wal᷊en Mawu tadea'u itantilla su Ruata, uasul᷊ungngu atorannu Tita. I yami sarun manantillu lai ana'u sapi, ana'u domba ara'e ana'u ambinga i yami apan paarorone niṛṛana'a.

NEHEMIA 10:39

Tumana'u Israel wuṛṛu manga taumatan Lewi ṛinone mangapiddu sasumbala sidutu erenai gandumma, anggore wuṛṛu lanan zaitun watukku wabbo'an bal᷊unna tampa pangaddoannu manga saranapa su Wal᷊en Mawu. Isudde lai tampan tatatanaannu manga imam apan tantal᷊anna mammanara, manga mandariagga ngara wahewalla su Wal᷊en Mawu wuṛṛu manga mangangantari. I yami tawe maabul᷊i mammaresi Wal᷊en Mawu.

DARALO 116:17

I ya'u sarun mangapiddu sasamba aadiangkamanna Si'o, lapiddu manduittu aal᷊iomanna Si'o.

YEHEZKIEL 20:40

Ana waugu udde su leta'u Israel, su puiddu wowone-U apan na'ukkassa, i yamiu sarangkanambone walahannu Israel sarun massubba si Ya'u. Poiaroddi i Ya'u saru mal᷊uassa wuṛṛu mappulute manengkamma sasambanu, manga aonggolla apan apianne wuṛṛu manga darangngunu apan uaṛṛaete.

IMAMATTA 1:3

Amungkangngu nionggola udde sambau sapi, winatangnga udde ṛinone esakka wuṛṛu tawe sangkulle. Sapi udde ṛinone iapiddi tou watukku ngaran Dasannu Mawu, tadea'u Mawu mal᷊uassa su taumata udde.

MALEAKHI 3:10

Apira'e sepeṛṛe mapul᷊onu sarangkanambone watukku Wal᷊e-U tadea'u pia anna manambo poiaroddi. Panal᷊u'ate si Ya'u, ne i yamiu sarun maasilo manungku i Ya'u namu'a manga ngaran surga wuṛṛu nangonggolla si yamiu al᷊awo'a apan mapia.

MALEAKHI 3:8

Orasa indi i Ya'u maiwal᷊o si yamiu: Wotongngewe taumata mamahia Ruata? Asingka udde tawe. Arawe i yamiu namahia si Ya'u lai. I yamiu ma'iwal᷊o, ‘Ereapa?’ Sasimba-U: Sulal᷊ummu olangnge mammaekka sepeṛṛe mapul᷊o wuṛṛu mangngonggollu sasamba.

LUKAS 11:42

Nasilakate i yamiu manga taumatan Farisi! Wuan sinuanannu ere salasih wuṛṛu inggu wuṛṛu rampa-rampa waine, i yamiu mangngagillu sambageanganna su Ruata, arawe atatul᷊idda wuṛṛu darangngu su Ruata tawe ia'ola'i yamiu. Sumbal᷊i eteudde ṛinone olaanni yamiu, ringannu tawe manantangngu atoranna waine lai.

LUKAS 18:12

I ya'u paarua mappuasa sulal᷊ummu sangkamisa, wuṛṛu i ya'u mangngonggolu sambau wuassu mapul᷊o anambon asombangku!’

TAHIUL᷊E 12:17

Su tampa wawanuannu imbaṛṛangnga i yamiu umanna sasamba sepere mapul᷊o wuassu inasaharannu eteudde gandumma, anggore, lanan zaitun, sapi ara'e ambinga dombanu apan paarorone niasungkangnga, sasamba ipamaekka riandinu, sasamba apulun naungngu ara'e sasamba waine.

TAHIUL᷊E 26:2

ne hessi paarorone wuassu al᷊awo'u sasuanna apan niammuli yamiu wuassu letangngu ṛinone itaṛṛo su so'anna, wuṛṛu apira'i yamiu watukku tampa apan nipilen Mawu Ruatanu.

YOSUA 22:27

arawe udde maola'a tatiala si ite ruan ba'a, wuṛṛu su papapulunni ite su allo addantane, manungku atonna yami indi mattaṛṛamawu Mawu su Rasannu Daranta-Ne ringannu uaapiddu sasamba itattambunna, manga sasamba wuṛṛu sasamba pagahahawe. Ringannu aroddi papapulunni yamiu tawe mabbisara manungku papapulunni yami tawe pa'a'aukku ringannu Mawu.

1 SAMUEL 1:21

Nia'omante tempone i Elkana wuṛṛu amonanne inaite su Silo apia mangonggolu sasamban tonna su Mawu. Waine lai manungku i Elkana buatte naddiandi sarun mangonggolu sasamba apan apianne.

1 SAMUEL 1:24

Napawe i Samuel nila'asse, i tou niuntudden inangnge watukku Wal᷊en Mawu su Silo. Sutempo udde i tou ta'e addio'a. I Hana nangapiddu sapi esakka uukke tallu tonna, gandumma mapul᷊o su kilone, wuṛṛu sambau pato'a wuassu pisi apan napenen anggore.