TAHIUL᷊E 12:31 - WUKE SUSI WATTI'U AL᷊AL᷊USASSA

³¹ Lalaghu manga walahanna udde massubba manga mawun mangitou, imbaṛṛangnga tannoanni yamiu ipassubba Mawu Ruatanu, ana waugu i mangitou massubba ringannu manga inolaanna lal᷊eo apan ia'arantinnu Mawu. Ewe'e lai manga ana'i mangitou sassane tutunganni mangitou su wowon mezbah maola'a sasamba su manga Mawu mangitou.

TAHIUL᷊E 12:31 Iomraidhean Croise

2 MARARATU 16:3

I tou mabiakka ere manga ratun Israel, manungku mangonggolu parinsine sassane maola'a sasamba su monganna, tumuṛṛuttu anaramanna lal᷊eo wuassu manga taumata apan bautte nilimbuaṛṛannu Mawu wuassu wanua Kanaan sutempo taumatan Israel namanuate su wanua udde.

2 MARARATU 17:31

taumatan Awa paal᷊uanni Nibhas wuṛṛu Tartak, wuṛṛu taumatan Sefarwaim mangonggolu al᷊aṛana'i mangitou maola'a sasamba itattambuna su Monganna Adramelekh wuṛṛu Anamelekh.

2 MARARATU 21:2

I Manasye na'ola'a rosa su Mawu, ana waugu nattanno manga inanaramanna lal᷊eo wuassu manga walahanna apan nilimbuaṛṛannu Mawu wuassu Kanaan sutempo taumatan Israel sinumutta su wanua udde.

2 MARARATU 3:27

Ana waugu udde i tou nanganu parinsine, ana see niaddo roso su darandungu soa maola'a sasamba su mongannu Moab. Ne manga taumatan Israel nata'utte, na'oman sara i mangitou napasoṛottu tantaran mangitou wuassu soa udde wuṛṛu napul᷊ete watukku wanuan mangitou.

2 TAWARIKH 33:2

I tou na'ola'a rosa su lantakku hatin Mawu, ana waugu nangaṛṛussa manga anaramma lal᷊eo wuassu walahanna apan nilimbuaṛṛannu Mawu wuassu Kanaan sutempo taumatan Israel sinumuttate su wanua udde.

2 TAWARIKH 36:14

Wal᷊ine wua'udde lai, Wal᷊en Mawu apan buatte niṛṛaen Mawu sassane hunan Tou, nil᷊al᷊eon manga piaṛṛa'u Yehuda, manga imam, wuṛṛu tumanangnge, ana waugu i mangitou lai suadio'a massubba paal᷊uanna wuṛṛu nangaṛṛussa ola'u pabbiaṛṛanna apan maarosa wuassu walahanna apan ual᷊indonganni mangitou.

DARALO 106:37

I mangitou nangonggolu manga ana'i mangitou, su manga paal᷊uannu Kanaan.

SASABANGNGA 23:2

Imbaṛṛangnga matatuṛṛutannu awada'alla amungkangngu i mangitou ma'ola'a sal᷊a ara'e mammengkollu tita ringannu mattiala awusu.

YEREMIA 32:35

I mangitou napararisikku manga mezbah hunam Baal su Wawal᷊annu Hinom, wuṛṛu nangonggollu manga ana'i mangitou si Dewa Molokh. Sumbal᷊i, i Ya'u taambe saran paassa nandolokki mangitou ma'ola'a inolaanna udde, ewe'e lai tawe nilumapputa sulal᷊ummu ṛingirang-Ku manungku i mangitou ma'ola'a inolaanna al᷊al᷊eone udde wuṛṛu naarosa taumatan Yehuda.”

YEREMIA 7:31

Sambau mezbah aranne Tofet buatte niaparisikki mangitou su Wawal᷊annu Hinom tadea'u pangonggol᷊annu al᷊aṛṛana'i mangitou maola'a sasamba itattambunna. Sumbal᷊i Ya'u taambe saran paassa nandolokki mangitou ma'ola'a olangnge udde, ewe'e lai taambe saran paassa olangnge ereudde sinumabbangnga wuassu ṛingirang-Ku.

YEHEZKIEL 20:31

Ewe'e naddatingngu orassa indi lai i yamiu mandantinnu watangannu ringannu nangapiddu sasamba wuṛṛu nanambunnu manga anangngu maola'a sasamba su manga paal᷊uanna. Ana see ta'e lai waṛṛani i yamiu maddorongnga tatantiro wuassia-U? Sulal᷊ummu arang-Ku, Ruata apan biakka, Mawu Apan Atanggaṛṛanne, i yamiu tawe Ta'u iwala madorongnga tatantiro wuassia-Ku.

YEHEZKIEL 23:27

Etearoddi i Ya'u sarun mapataallu apulun baddangngu wuṛṛu al᷊awo'u pasasandaga apan niolangnge ro'en i'o ta'e su Mesir. I'o tate lai maapangantimma su mongannu ara'e manaungnga Mesir.”

IMAMATTA 18:21

Imbaṛṛangnga manantillu wuassu sangkatou anangngu olaanna sasamba ipassubba si Molokh, ana waugu pallal᷊aghu udde mallobbossa arannu Ruata, Mawunu.

IMAMATTA 18:3

Imbaṛṛangnga mattanno inolaannu taumatan Mesir, su tampa i yamiu buatte natana'a, ara'e taumatan Kanaan, watukku apa orassa indi Ya'u mangapiddi yamiu.

IMAMATTA 20:2

mabbol᷊on olangnge indi su taumatan Israel, “Suapan taumata suwallati yamiu ara'e taumata raho apan uatana'a su wallati yamiu apan nangonggolu anangnge si Molokh, ṛinone anambon tumanangnge manuntungngu watu si tou.

MIKHA 6:7

Apa Mawu sarun mal᷊uassa amungkangngu i ite mangapidda ringanni Tou domba su ṛiwune ara'e lanan zaitun ete manambo-nambo? Apa ṛinone i ite mangongnggolla si Tou ana'i pahul᷊une maola'a wawaekku manga rosan kite?

TAHIUL᷊E 12:30

Napawe manga walahanna udde buatte nipate, paatehampe i yamiu arie ma'oman sara mattanno si mangitou massubba manga Mawu wal᷊ine, ana waugu inolaanna udde mandantan papate.

TAHIUL᷊E 12:4

Su tempo i yamiu massubba Mawu Ruatanu, ariewe mattanno ola'u manga taumata udde massubba manga monganni mangitou.

TAHIUL᷊E 20:18

Patete i mangitou, tadea'u i mangitou tawe maarosa si yamiu su saruannu Mawu Ruatanu wangu i mangitou mangaṛṛa'a si yamiu ma'ola'a manga inolaanna apan ma'arantinna wuassu manga mawun mangitou.

TAHIUL᷊E 9:4

Napawe Mawu Ruatanu buatte nallimbuakka si mangitou hunan kamiu, arie massunna manungku i yamiu niapiddi Tou inaiaroddi iapatahuanna leta'a udde ana waugu i yamiu tuttuṛṛutta apulun Mawu Ruatanu na'oman sara i yamiu suṛṛinone manengkamma leta'a. Mangke tawe! Mawu nallimbuakka manga walahanna udde hunan kamiu ana waugu i mangitou lal᷊eo. Mawu namalan kamiu manahuanna leta'i mangitou, ana waugu i Tou ma'apulu manipussu pa'aire-Ne su iupungngu al᷊amonanu i Abraham, i Ishak wuṛṛu i Yakub.