TAHIUL᷊E 12:2 - WUKE SUSI WATTI'U AL᷊AL᷊USASSA

² Napawe nasuttate su wanua udde i yamiu ṛinone manggohakku manga tampa passubbanna su puiddu manga wowone matanggakka, su manga wuidda wuṛṛu su al᷊ungngu manga aaluanna masindumunna, tampan manga walahanna apan uatana'a isudde massubba manga monganni mangitou.

TAHIUL᷊E 12:2 Iomraidhean Croise

1 MARARATU 14:23

Su puiddu manga wuidda wuṛṛu su al᷊ungngu manga aal᷊uanna masallakka, i mangitou na'ola'a manga tampa pasasubbanna paal᷊uanna, wuṛṛu napararisikku manga diṛṛi see manga paal᷊uanni monganna Asyera tadea'u subbanna.

1 MARARATU 3:2

Ana waugu Wal᷊en Mawu taambe niwangunna sutempo udde, tumanangnge ta'e mangngonggollu sasamba su al᷊awo'u tampa.

2 MARARATU 11:18

Wua'udde tumanangnge tinumal᷊anga wuṛṛu nanggohakku kuilli Baal. Mezbah see lai manga paal᷊uanne niṛṛimunsa'a, wuṛṛu i Matan imammi Baal nipate su saruannu manga mezbah-mezbah udde. I Yoyada nangatokku mandariaga iapariaga Wal᷊en Mawu,

2 MARARATU 16:4

I Ahas nangonggolu sassamba wuṛṛu nanambunnu amania su manga tampa pasasubbanna monganna su manga wowone su al᷊ungu manga aaluanna apan masindumunna rongngane.

2 MARARATU 23:13

See lai manga mezbah su Yerusalem samba'an ra'i, su samba'a timukku Wuiddu Al᷊al᷊eo nisaparanna. Manga mezbah udde niaparisikki Ratu Salomo ipassubba manga monganna apan ma'arantinna – eteudde Asytoret mongannu walahannu Sidon, Kamos mongannu walahannu Moab, wuṛṛu Milkom mongannu walahannu Amon.

DARALO 78:58

I mangitou maannamma Ruata ringannu tampa passubbanna, wuṛṛu na'ola'a si Tou nasa'u ringannu manga paal᷊uanni mangitou.

SASABANGNGA 23:24

Imbaṛṛangnga massubba manga paal᷊uanna mallal᷊u'adda si mangitou wuṛṛu imbaṛṛangnga mattanno ola'i mangitou mattaṛṛamawu. Ṛimunsa'e manga paal᷊uanna mallal᷊u'addi mangitou udde wuṛṛu paddite manga diṛṛi watu apan nipaatti mangitou pattaṛṛamawuanna.

YESAYA 36:7

Wua'udde tembonannu tantaran Asyur udde nabbisara, “Ara'e asinungka i yamiu mabbisara manungku i yamiu uaantimma Mawu Ruatanu? Sutempo i Hizkia mammarenta tadea'u taumatan Yehuda wuṛṛu Yerusalem tumba'u mattaṛṛamawu su saruannu mezbah su Yerusalem, wal᷊inewe apan nihohakke udde mezbah wuṛṛu manga tampa passubbanna Mawu sassane?

YEREMIA 17:2

Manga taumatanu mattaṛṛamawu su manga mezbah wuṛṛu manga diṛṛin paal᷊uanna apan buatte nilanginna hunan Dewi Asyera su anambon aaluanna apan mapaṛṛampunga, su manga puiddu wuidda,

YEREMIA 2:20

Mawu nabbisara, “Mal᷊annute i'o maddiri mattaṛṛamawu si Ya'u; maddiri tumuṛṛutta ara'e massubba si Ya'u. Su wowon suapan buidda apan matanggakka wuṛṛu su al᷊ungngu manga a'aluanna apan masindumunna i'o massubba manga mongannu asasuwukka.

YEREMIA 3:13

Panga'ute manungku i'o nassala wuṛṛu buatte nilumawangnga su saruannu Mawu, Ruatanu. Panga'ute manungku su al᷊ungngu suapan punnu alu apan mappaṛṛampunga i'o buatte namatu'a apulunu su manga mawun balahanna waine, wuṛṛu tawe tumuṛṛutta manga parenta-U. I Ya'u, Mawu buatte nabbisara.”

YEREMIA 3:2

Annama'o paningngara, su manga puiddu wuidda! Tampa suapa apan taambe niddantannu inai sumandaga? Ere taumatan Arab su wadda'u anne, etearoddi lai i'o ua'ianna si winggin dal᷊anna uaṛṛaddo taumata apan uaa apulunu. I'o nalluhudda wanua indi ringannu sasandaga wuṛṛu al᷊al᷊eonu.

YEREMIA 3:6

Sutempo i Ratu Yosia uaparenta, Mawu nabbisara arendi si ya'u, “I'o naasilote inolaannu Israel, wawine apan mal᷊awangnga udde? I tou nanantang-Ku wuṛṛu mammanara sussandaga su puiddu anambon wuidda apan matanggakka wuṛṛu su al᷊ungngu suapan aaluanna apan mapaṛṛampunga.

HOSEA 4:13

Sumanga tampa pasasubbanna paal᷊uana su manga puiddu wuidda wuṛṛu wowone, i yamiu mangngonggollu sasamba, wuṛṛu mannambunnu manania su al᷊ungngu manga aaluanna wahahewalla wuṛṛu masindumunna ana waugu tampa udde mal᷊annabba. Arawe apa pangillul᷊eanne? Manga anangngu maṛṛuala nabbal᷊ite sumasandaga wuṛṛu manga mananambonu wawine maddea'a sawa waine!

REENGANNA 22:41

Su allo tiṛṛabbine i Balak nangapiddi Bileam sinuma'a wuiddu Bamot Baal. Wua'isudde i Bileam wotongnge maasilo sambageanganna wuassu taumatan Israel.

TAHIUL᷊E 7:5

Ana waugu udde, hogaṛṛa'e manga mezbah manga walahanna udde, ṛimunsa'a manga diṛṛi watu apan sassunnanni mangitou maṛṛaubba, watanga'a manga waneṛṛan Asyera, wuṛṛu tambuna'e manga paal᷊uanna apan sassubbanni mangitou.

MAL᷊AṚṚUUNGNGA 2:2

Ana waugu udde i yamiu tawe wotongnge ma'ola'a pa'aire ringannu tumana'u wanua indi. Manga meddan sasamban mangitou ṛinone ihohakki yamiu.’ Arawe i yamiu tawe tinumuṛutta parenta-U. I yamiu na'ola'a al᷊aṛaene!