TAHIUL᷊E 12:18 - WUKE SUSI WATTI'U AL᷊AL᷊USASSA

¹⁸ I yamiu wuṛṛu manga anangngu, suadio'a ringannu manga allangngu wuṛṛu manga taumatan Lewi apan utana'a su manga soanu, ṛinone umanna sasamba udde su saruannu Mawu Ruatanu, su tampa apan nipilen Mawu Ruatanu. Wuṛṛu su tampa udde i yamiu ṛinone lulluassa ana waugu al᷊awo'u inasaharannu.

TAHIUL᷊E 12:18 Iomraidhean Croise

DARALO 32:11

Ei manga taumata susi, lallala'e wuṛṛu lalluasse ana waugu apa apan buatte niola'u Mawu. Paggioten al᷊al᷊uassa, ei anambon taumata apan naungnge matul᷊idda!

DARALO 68:3

Ruata nallimbuakka si mangitou niapa'ingkata, naal᷊ihidda timbulla apan nitiuppu anginna ana see nawul᷊i. Naal᷊ihidda lilinna nonossa sulal᷊ummu putungnga, etearoddi taumata lal᷊eo nawul᷊i wuassu saruannu Ruata.

AMSAL 3:17

Asingkatta ma'ola'a wiakku masunge wuṛṛu matahul᷊andimma.

MANNANASE 3:12

I ya'u masingkatta manungku si ite taweddu mappianne wuassu lullala'a wuṛṛu mammendamma pabbiaṛṛanna su al᷊o'engngu uukki ite.

MANNANASE 5:18

Amungkangngu sangkatou manengkamma paa'ala wuṛṛu darotongnga wuassu Ruata, wuṛṛu iwala mappaattu paa'ala udde, i tou ṛinone maadiangkamanna wuṛṛu mattemma al᷊awo'u hessin manarane. Udde lai aonggollu Ruata.

YESAYA 12:3

Naal᷊ihidda ua'e masunge ma'al᷊uassa taumata marou, etearoddi lai i yamiu lullala'a ana waugu niapasal᷊amattu Ruata.”

WATTI'U MANGA RASUL 16:34

Wua'udde i tou nangapiddi Paulus wuṛṛu i Silas su wal᷊ene wuṛṛu itarua niapaante. I tou wuṛṛu lal᷊oṛṛon wal᷊ene mangke lulluassa ana waugu i mangitou orassa udde nangngimante Ruata.

WATTI'U MANGA RASUL 2:46

Miallo-miallo i mangitou sidutu uaammulla su Wal᷊e Mawu; lapiddu u'anna suadio'a, ringannu lulluassa wuṛṛu masaṛṛionto'a su manga wal᷊e mangitou.

1 KORINTUS 10:31

Al᷊awo'u apa apan a'olaanni yamiu – tuṛṛangnga umanna ara'e tuṛṛangnga ma'inumma – ola'e sarangkanambone udde ipamantuga Ruata.

GALATIA 5:22

Arawe, amungkangu manga taumata aehetannu Ghaṛṛahon Duata hessine eteudde: I mangitou uararangngu, i mangitou lulluassa, i mangitou pia atatammudu naungnga, i mangitou masabare wuṛṛu mapia su saruannu taumata waine, i mangitou matuṛṛuta,

TAHIUL᷊E 12:14

arawe tumba'u su tampa apan nipilen Mawu suwallatu sambau tampa wageangngu walahannu. Tumba'u isudde i yamiu ṛinone mangonggolu sasamba itattambunna wuṛṛu ma'ola'a manara wal᷊ine apan ta'u niparenta si yamiu.

TAHIUL᷊E 12:19

Paatehamma tadea'u arie i yamiu ma'oman sara mamalan ṛuanganni Lewi uawala aroddi tantal᷊anna i yamiu mabbiakka su wanua udde.

TAHIUL᷊E 12:5

Wuassu ahewallu wageangngu leta'u ṛuangannu Israel, Mawu Ruatanu sarun mamile sambau tampa tadea'u walahanni ite wotongnge rumanta su saruan-Ne wuṛṛu massubba si Tou.

TAHIUL᷊E 12:7

Isudde lai, su saruannu Mawu Ruatanu, i yamiu suadio'a ringannu amonannu ṛinone umanna wuṛṛu lulluassu inasaharannu apan pia gessine ana waugu nial᷊amatannu Mawu Ruatanu.

TAHIUL᷊E 14:23

Su saruannu Mawu Ruatanu, su tampa apan nipile maola'a tampa patataṛṛamawuanna, i yamiu ṛinone umanna sasamba sepere mapul᷊o wuassu gandumma, ua'e anggore, lanan zaitun see lai ana'u sapi wuṛṛu ambinga dombanu apan paarorone niasungkanga. Ola'e olangnge udde, tadea'u saran mal᷊annu-l᷊annu i yamiu masingkatta mangaddata Mawu Ruatanu.

TAHIUL᷊E 15:20

Suapan tonna i yamiu sangkamonanna ṛinone uminassa ṛemessa su saruannu Mawu Ruatanu, su tampa apan nipilen Mawu.

1 SAMUEL 1:4

Tumaniten suapan i Elkana mangonggollu sasamba, i Penine wuṛṛu al᷊aṛṛanangnge sangkatou-sangkatou onggol᷊annu samba'a wuassu ṛemessu sasamba udde.