TAHIUL᷊E 10:9 - WUKE SUSI WATTI'U AL᷊AL᷊USASSA

⁹ Ana waugu udde ṛuanganni Lewi tawe nanengkamma leta'a pussa'a ere manga ṛuanganna wal᷊ine, ana waugu ete Mawu wageangnga pussa'an mangitou, ere buatte niwal᷊on Mawu Ruatanu si mangitou.)

TAHIUL᷊E 10:9 Iomraidhean Croise

YEHEZKIEL 44:28

Manga imam nanengkamma manara imam udde maola'a wageangnga si mangitou wuassuapa apan Ta'u nionggolla su Israel maṛṛana'a mappulunna. I mangitou imbaṛṛangnga manahuanna manga apa su Israel: Ete i Ya'u darotongngi mangitou.

REENGANNA 26:62

Esakka wuassu ṛuanganni Lewi apan uukke sambul᷊anna ire'e sarangakanambone 23.000 su atoune. I mangitou niwoṛṛetta ual᷊aṛṛae wuassu manga taumata sambalahanne, ana waugu i mangitou tawe naasomba leta'a pussa'a su Israel.

WATTI'U MANGA RASUL 8:21

I'o tawe maatantalongnga sulal᷊ummu manarang kami, ana waugu naungngu wengkola su saruannu Ruata.

TAHIUL᷊E 12:12

Lallala'e su saruannu Mawu Ruatanu, suadio'a ringannu manga anangngu, manga allangngu wuṛṛu manga taumatan Lewi apan uatana'a su manga soanu, ana waugu taumatan Lewi tawe naasomba wageangngu leta'a su wanuanu.

TAHIUL᷊E 14:27

Imbaṛṛangnga mamalan taumatan Lewi apa uawanua su manga soanu masusa; naungete manungku i mangitou udde tawe uatahuanna leta'a sassane.

TAHIUL᷊E 14:29

Anna udde wuattu taumatan Lewi ana waugu i mangitou tawe naatahuanna leta'a, wuṛṛu wuattu taumata raho, asisimpal᷊ussa wuṛṛu manga inawal᷊uanna apan mabbiakka su manga soanu. I mangitou wotongnge rumanta wuṛṛu mangal᷊appa sarangkanambone apan pappandumanni mangitou. Amungkangngu inolaanni yamiu aroddi, ne Mawu Ruatanu sarun mangal᷊amatta al᷊awo'u manaranu.”

YOSUA 14:3

Leta'a su samba'an ra'in Sal᷊ukku Yordan buatte nionggoli Musa su ṛuanganna darua mattangnga waine udde. (Ṛinone iwoṛṛetta isindi manungku papapulunni Yusuf, nattahia su lal᷊ummu ṛuanganna darua: Ṛuanganni Manasye wuṛṛu ṛuanganni Efraim.) Su ola'u ṛuanganni Lewi, tawe leta'a nionggoli Musa si mangitou. I mangitou tumba'u nionggol᷊annu manga soa tampa atatanaanna, ringannu manga wadda'a pabbuwunanna sapi wuṛṛu domba mangitou.