TAHIUL᷊E 10:8 - WUKE SUSI WATTI'U AL᷊AL᷊USASSA

⁸ Su wowone udde Mawu naṛṛaen taumatan Lewi iapal᷊u'adda Wantallu Pa'aire wuṛṛu mangimbe Mawu, wuṛṛu mangal᷊amatta ringannu aran-Ne. Eteudde manaran mangitou sara orassa indi.

TAHIUL᷊E 10:8 Iomraidhean Croise

1 MARARATU 8:6

Wua'udde manga imam nangapiddu Wantallu Paaire udde sulal᷊ummu Wal᷊en Mawu wuṛṛu niaddo su al᷊ungngu manga paal᷊uannu mala'ekatta sulal᷊ummu Wabbo'a Lembon Susi.

1 TAWARIKH 15:2

I Daud nabbisara, “Tumba'u taumatan Lewi wotongnge mamasanna Wantallu Paairen Mawu, ana waugu ete i mangitou apan nipilen Mawu iapapasanna Wantalla udde wuṛṛu mattaṛṛamawu si Tou saran mal᷊annu-l᷊annu.”

1 TAWARIKH 15:26

Pitu sapi esakka wuṛṛu pitu domba nionggola su Ruata ana waugu i Tou buatte nantul᷊ungngu taumatan Lewi apan namasanna Wantallu Pa'aire udde.

1 TAWARIKH 23:13

I Amram eteudde iamangngi Harun wuṛṛu i Musa. (I Harun wuṛṛu papapulunne saran mal᷊annu-l᷊annu buatte niṛṛa'e iapapadul᷊i manga saranapa patataṛṛamawuanna, manamlunnu amania hunan Mawu, mangngimbe Mawu, wuṛṛu mangngal᷊amatta tumana'u soa ringannu arannu Mawu.

1 TAWARIKH 23:26

Ana waugu udde, Rasannu Mawu wuṛṛu anambon saranapa apan ipappaatta ipattaṛṛamawu tate lai pasannanannu taumatan Lewi.”

2 TAWARIKH 29:11

Manga al᷊aṛṛana'u, ariete mallo'engnga allo, ana waugu ete nipilen Mawu iapataṛṛamawu wuṛṛu iapasubba si Tou lapiddu manambunnu amania wuṛṛu mamiaṛṛa'u tumanangnge mattaṛṛamawu.”

2 TAWARIKH 30:27

Manga imam wuṛṛu taumatan Lewi naddorongnga tadea'u Mawu mangal᷊amatta tumanang-Nge, wuṛṛu wuassu tampa atatanaan-Ne su surga Ruata maddaringikka aal᷊iomanni mangitou see lai manengkamma darorongngi mangitou.

DARALO 134:1

Aantarin patatembo. Wette, paddalote Mawu, ei anambon allangngu Mawu, sarangkanambone apan mattaṛṛamawu su Wal᷊en-Ne sutempo ṛabbi.

DARALO 134:2

Wattea'e limanu watukku tampa na'ukkassa, wuṛṛu paddalote Mawu!

DARALO 135:2

apan mattaṛṛamawu su Wal᷊en Mawu tatanaannu Ruatan kite.

YEREMIA 15:19

Mawu sinumimbakka, “Amungkangngu i'o mabbelengnga, i Ya'u sarun manarimmannu. I'o sarun maola'a allang-Ku apia. Amungkangngu i'o mabbatti'u manga inolaanna apan mahuna wuṛṛu wal᷊ine awusu, ne i'o wotongnge maola'a nabi-U apia. Manga taumata sarun dumanta apia ringannu, wuṛṛu i'o tate inai ringanni mangitou.

YEHEZKIEL 44:11

Sulal᷊ummu Wal᷊e-U, i mangitou tumba'u wotongnge mangimbe si Ya'u ere sangkatou mammamanara wuṛṛu mandariaga sasuttanna. I mangitou wotongnge mamototta manga winatangnga maola'a sasamba itattambunna wuṛṛu aonggolla, wuṛṛu i mangitou ṛinone sidutu mangngimbe si Ya'u.

YEHEZKIEL 44:15

Mawu Apan Atanggaṛṛanne nabbisara, “Sutempo walahannu Israel nanantang-Ku, manga imam Lewi wuassu papapulunni Zadok sidutu satia mangngimbe si Ya'u su Wal᷊e-U. Ana waugu udde ete i mangitou apan orassa indi ṛinone mangimbe si Ya'u wuṛṛu rumanta su saruang-Ku mangapiddu tawa wuṛṛu daṛṛan sapi wuassu manga sasamba.

IMAMATTA 8:9

Ana see i tou nama'issu paporongnga su puan i Harun, wuṛṛu su paporongnga udde i tou nangelen lal᷊ogakka wul᷊awanna, apan mattiala manungku i Harun naola'e pussa'an Mawu. Sarangkanambone udde niola'i Musa tumuṛṛuttu parentan Mawu si tou.

IMAMATTA 9:22

Napawe buatte nangonggolu anambon sasamba udde, i Harun namatten limane su wowon ṛuangannu Israel wuṛṛu nangal᷊amatta si mangitou, ana see i tou sinumossokke.

REENGANNA 3:31

I mangitou niapamanara mallu'adda Wantallu Pa'aire, medda, leddan sol᷊o, manga mezbah, manga saranapa apan ipappaatu manga imam su Wabbo'a Susi, wuṛṛu pampele apan uasara Wabbo'a Na'ukkassa. I mangitou niapamanara al᷊awo'u manara apan pia aukke ringannu manga saranapa udde.

REENGANNA 3:6

“Doloṛṛa'e ṛuangannu Lewi rumanta sumaruanna, wuṛṛu pilete i mangitou mabbal᷊i mangangimben i Harun.

REENGANNA 4:15

Mawu nabbisara si Musa wuṛṛu si Harun, “Su tempo i yamiu manggohakku paddasananna, i Harun wuṛṛu al᷊aṛṛanangnge ṛinone sumutta sulal᷊ummu Rasang-Ku wuṛṛu manaappa anambon saranapa wuṛṛu aolangnge apan uaraddo isudde. Napawe wua'udde, manga taumatan Kehat wotongngete rumanta mamasanna. Arawe tawe wotongnge i mangitou ma'ellega, mangundani ara'e mangindinga manga saranapa udde, ana waugu buatte niṛṛae huna-U. Amungkangngu udde olaanni mangitou lai, i mangitou sarun mate. Nariaddi tadea'u manga taumatan Kehat udde tawe mapappassa wuassu ṛuanganni Lewi, i Harun wuṛṛu al᷊aṛṛanangnge ṛinone mapamanaran sangkatou-sangkatou su wallati mangitou apan ṛinone iapiddi mangitou. Eteudde manaran taumatan Kehat su tempo Rasang-Ku iingkatta. I Eleazar ana'i Harun, uariaga ahewallu Rasang-Ku, lanan sol᷊o, amania, sasamba gandumma ia'imbe mamiallo, lanan lal᷊aghu wuṛṛu sarangkanambone apan uaraddo sulal᷊ummu Rasangku udde.”

YOHANES 15:16

Wal᷊ine i yamiu namile si Ya'u. Ete I Ya'u apan namile si yamiu, wuṛṛu nandolokki yamiu tadea'u mabua manambo – manga wua apan tawe mal᷊al᷊eo. Ne Iamangnga sarun mangonggolla si yamiu al᷊awo'u apa apan radoronganni yamiu si Tou sulal᷊ummu arang-Ku.

WATTI'U MANGA RASUL 13:2

Su tempo i mangitou tantal᷊anna mattaṛṛamawu su Mawu wuṛṛu mappuasa, Ghaṛṛahon Ruata nabbisara si mangitou, “Pamilete si Barnabas wuṛṛu si Saulus tumba'u hunane su manara-U, tadea'u i mangitou mammanara manara apan suete niapamanara-U si mangitou.”

ROMA 1:1

Manga tuṛṛangnga sarangkanambone su Roma apan arangnguannu Ruata wuṛṛu apan buatte niwagoannu Ruata maola'a al᷊aṛṛanang-Nge. Ruata buatte namile wuṛṛu i ya'u sassane niapaatenega mammasingkattu Watti'u Al᷊al᷊uassa wuassu Ruata.

ROMA 12:7

Taumata apan pia asingkatta ipantul᷊ungngu taumata waine, ṛinone atonna-tonna mantul᷊ungngu taumata waine. Taumata apan pia asingkatta mannantiro, ṛinone i tou atonna-tonna mannantiro.

2 KORINTUS 6:17

Ana waugu udde, tantanga'e manga taumata apan tawe maaillal᷊a Ruata udde, wuṛṛu pattingkaṛṛaeten batangannu wuassi mangitou. Arie paa'aukka ringannu apa apan maarantinna ne i ya'u sarun manengkamma si yamiu.

GALATIA 1:15

Arawe ana waugu apapian naungngu Ruata, i Tou namile si ya'u tantal᷊anna i ya'u taambe niasungkanga wuṛṛu namago si ya'u iapa'imbe si Tou.

TAHIUL᷊E 17:12

Isai-sai apan waṛṛani lumawangnga mallaṛṛuungnga ara'e imam apan mammanara orassa udde, ṛinone iṛṛuumanna pateanna; ringannu aroddi yamiu manginsue al᷊al᷊eo su Israel.

TAHIUL᷊E 18:5

Wuassu anambon ṛuanganna su Israel, Mawu Ruatanu buatte namile ṛuanganni Lewi maola'a imam saran mal᷊annu-l᷊annu.

TAHIUL᷊E 21:3

Ana see manga timmaddu soa maranine, ṛinone mamile sambau sapi wakku apan taambe nipaatta mammanara.

TAHIUL᷊E 21:5

Manga imam Lewi ṛinone lai inai isudde, ana waugu i mangitou ṛinone mangonggolu ṛaṛṛawessa sulal᷊ummu hatton pamamate udde. I mangitou nipilen Mawu Ruatanu tadea'u mattaṛṛamawu si Tou wuṛṛu massinaukku al᷊amatta sulal᷊ummu aran-Ne.

TAHIUL᷊E 31:9

Ana see i Musa namoṛṛettu Titan Mawu Ruata wuṛṛu nionggola su manga imam Lewi apan niapamanara ual᷊u'adda Wantallu Pa'aire, wuṛṛu su manga piaṛṛa'u Israel.