TAHIUL᷊E 10:18 - WUKE SUSI WATTI'U AL᷊AL᷊USASSA

¹⁸ I Tou uasamba'a asisi timpal᷊ussa wuṛṛu inawal᷊uanna tadea'u i mangitou olaanna lai ringannu matul᷊idda; I Tou mandangngu taumata raho apan mabiakka suadio'a ringannu walahanni ite wuṛṛu nangonggolu anna wuṛṛu laubba si mangitou.

TAHIUL᷊E 10:18 Iomraidhean Croise

2 TAWARIKH 19:7

I yamiu ṛinone mata'uttu Mawu, wuṛṛu mammanara matammudda, ana waugu Mawu Ruatan kite maddantinnu taumata apan inolaanne mallinga, apan inolaanne mangngempe ara'e mannengkamma aongolla.”

DARALO 10:18

Ana'a asisi wuṛṛu taumata mallangnga I'o nanamba'a hattone, tadea'u tawe taumata apan maata'utta si mangitou.

DARALO 103:6

Mawu napaamattu tita wuṛṛu atatul᷊idda su anambon taumata apan niallangnga.

DARALO 145:9

I Tou masaṛṛionto'a su al᷊awo'u taumata, wuṛṛu marangngu anambon inariaddian-Ne.

DARALO 146:9

I Tou mannillumma manga taumata raho; i Tou nantul᷊ungngu manga inawal᷊uanna wuṛṛu asisin timpal᷊uassa, arawe nanal᷊are hol᷊agu taumata lal᷊eo.

DARALO 68:5

Pangantarite su Ruata, paddalote aran-Ne, saddiaite lal᷊anna mal᷊alangnga si Tou apan uasa'e winabbawa. Aran-Ne Mawu – lalluasse su saruan-Ne!

DARALO 68:6

Ruata apan uatana'a su Wal᷊en-Ne apan susi eteudde; iamangngu ana'a asisi wuṛṛu mananahekku wawine wal᷊u.

SASABANGNGA 22:20

Isai apan mangonggolu sasamba su manga Mawu waine, tabbene'e si Ya'u, Mawu, ṛinone iṛṛuumanna pateanna.

SASABANGNGA 22:21

Imbaṛṛangnga mangallangnga ara'e ma'inolaanna sal᷊a su saruannu taumata raho; naungete manungku dorone i yamiu lai taumata raho su Mesir.

SASABANGNGA 22:22

Imbaṛṛangnga ma'ola'a wawine wal᷊u ara'e ana'a asisitimpal᷊ussa ringannu walate apulu.

SASABANGNGA 22:23

Amungkangngu i yamiu mandal᷊eo si mangitou, i Ya'u, Mawu sarun maddaringikka si mangitou napawe i mangitou sumal᷊ande maiontolla si Ya'u.

YESAYA 1:17

pangurumpe ma'ola'a apapia. Pararisiṛṛa'e atatul᷊idda wuṛṛu illol᷊oa'e pangangallangnga; onggol᷊a'e su asisin timpal᷊ussa hakki mangitou samba'a ite hatton manga wawine wal᷊u.”

YEREMIA 49:11

Ei Edom! Tantanga'e manga asisinu si Ya'u, i Ya'u sarun mappadul᷊i si mangitou. Wala'e manga inawal᷊uanna pia pangangimanna si Ya'u.

HOSEA 14:3

Pabbelengke ringannu Mawu wuṛṛu apira'e aal᷊iomanna indi maola'a sasambanu si Tou, “Mawu, ampungewe al᷊awo'u rosan kami, wuṛṛu sengkampe aal᷊iomanni yami indi, ne i yami sarun maddalo Si'o ere buatte pina'ireng kami.

IMAMATTA 25:35

Amungkangngu taumata sambalahannu apan uatana'a su wallati yamiu nabbal᷊i susa wuṛṛu tawe maawiakka watanganne, i yamiu ṛinone massumbala si tou ere sangkatou taumata raho ara'e rumaranta, tadea'u i tou sidutu mabiakka su wallati yamiu.

REENGANNA 10:32

Napawe i'o tumantalongnga, ne al᷊awo'a apan mapia niola'u Mawu si yami, sarun olanni yami lai si'o.”

MATIUS 5:45

tadea'u i yamiu maola'a al᷊aṛṛana'u Iamangngi yamiu su surga. Ana waugu Ruata mapasabangngu matannallo su taumata apan mapia, wuṛṛu su taumata apan dal᷊eo lai. I tou napa'uranna su taumata apan ma'ola'a apapia wuṛṛu su taumata apan ma'ola'a al᷊al᷊eo lai.

WATTI'U MANGA RASUL 14:17

Arawe i Tou tawe maabul᷊i mangonggolu tatiala-Ne, eteudde ringannu ma'ola'a apapia. i Tou mangngonggolu uranna wuassu langitta wuṛṛu hessin leta'a su tempone. I Tou mangngonggolu anna si yamiu wuṛṛu malluassa naungngu.”

TAHIUL᷊E 27:19

‘Niawontohante taumata apan mangngaṛṛo pussa'an taumata raho, ana'a asisintimpal᷊ussa, wuṛṛu wawine wal᷊u.’ ‘Amin!’