TAHIUL᷊E 1:8 - WUKE SUSI WATTI'U AL᷊AL᷊USASSA

⁸ I Ya'u, Mawu, buatte naddiandin ahewallu leta'a udde su al᷊amonanu i Abraham, i Ishak wuṛṛu i Yakub see lai papapulunni mangitou. Nariaddi roote pamanua su leta'a udde.’ ”

TAHIUL᷊E 1:8 Iomraidhean Croise

PANDARIADDI 12:7

Mawu naipasilon batangan-Ne si Abram wuṛṛu nabbisara si tou, “Ete indi wanua apan Ta'u ionggolla su papapulunnu.” Ana see i Abram napararisikku sambau mezbah hunan Mawu apan buatte naipabilon batangan-Ne si tou.

PANDARIADDI 15:16

Napawe nal᷊iute papapulunnu su aippatu ṛawanne, papapulunnu sarun mabelengnga apia isindi, ana waugu i Ya'u tawe mallimbuakka taumatan Amori tantal᷊anna i mangitou taambe naola'a aroddi al᷊aleone ma'oman sara wotongnge iṛṛuumanna.”

PANDARIADDI 15:18

Su tempo udde lai Mawu na'ola'a pa'aire ringanni Abram. Mawu nabbisara, “I Ya'u maddiandi sarun mangonggolla su papapulunnu ahewallu leta'a indi, manattakka wuassu passarannu wanua Mesir maddatingngu sal᷊ukku Efrat,

NEHEMIA 9:15

Sutempo i mangitou mal᷊unussa wuṛṛu niasueannu anna, roti wuassu langitta I'o nanossokka. Wuṛṛu wuassu watu napene, matohassa wuṛṛu maattikka ua'e aul᷊e rou niapa'elek-Ku ringannu masassagga I'o nandolokki mangitou mamanua su leta'a apan nipa'ire-Nu si tou ringannu sasalu.

SASABANGNGA 23:31

Manga passarannu wanuannu sarun Ta'u iatokka wuassu Tongokku Akaba maddatingngu Sal᷊ukku Efrat, wuṛṛu wuassu Tahal᷊oangngu Tangngane maddatingngu wadda'a lol᷊okka. I yamiu Ta'u onggol᷊annu taṛṛino su tumana'u wanua udde, na'oman sara i mangitou wotongnge limbuaṛṛanni yamiu su tempo i yamiu inaite mangaṛṛo leta'a udde.

SASABANGNGA 33:1

Ana see Mawu nabbisara si Musa, “Tatanga'e tampa indi wuṛṛu roote suadio'a ringannu walahanna apan niapiddu wuassu Mesir udde watukku wanua apan Ta'u pina'ire si Abraham, si Ishak wuṛṛu si Yakub see lai papapulunni mangitou.

YEREMIA 32:22

Wanua apan mapia wuṛṛu masuwukka indi Ta'u ionggolla si yamiu ere buatte pina'ire-Ku su al᷊amona mangitou.

YEHEZKIEL 47:14

I Ya'u buatte nassalu manungku leta'a udde sarun Ta'u ionggolla su iupungngu al᷊amonanu. Ana waugu udde, anute leta'a udde wuṛṛu tahiate ringannu matul᷊idda suwallatti yamiu.

REENGANNA 14:23

Tawe! I mangitou tawe maasutta su wanua udde. Wuassu wallati mangitou apan lullawangnga si Ya'u, tawe saran sangkatou apan maasal᷊idanna wanua udde.

TAHIUL᷊E 1:11

Antimanna Mawu, Ruatan iupungngu al᷊amonanu sidutu mannamba anambonu ma'oman sara paasaṛṛiwu lappuanna anambone, wuṛṛu ma'ola'a si yamiu walahanna apan ala ere lai buatte nipa'ire-Ne!

TAHIUL᷊E 1:35

‘Tawe saran sangkatou wuassu ammul᷊annu taumata indi apan maasutta su wanua masuwukka apan Ta'u pina'ire su iupungngu al᷊amonanu.

TAHIUL᷊E 10:11

Ana see i ya'u nirolokki Tou inai mamiaṛṛa'i yamiu tadea'u i yamiu wotongnge manahuanna leta'a apan pina'ire-Ne su iupungngu al᷊amonanu.”

TAHIUL᷊E 11:24

Suapan wageangngu leta'a apan amatanni yamiu sarun mabbal᷊i pussaanu. Letangngu mawannadda wuassu wadda'a su samba'an timukka maddatingngu Panenteannu Libanon su samba'an sawannakka, wuṛṛu wuassu Sal᷊ukku Efrat su samba'an da'i maddatingngu Tahal᷊oangngu Tangngane su samba'an baṛṛatta.

TAHIUL᷊E 11:9

Wuṛṛu i yamiu sarun mabbiakka mal᷊annu su wanua apan ala wuṛṛu masuwukka, apan pina'iren Mawu su iupungngu al᷊amonanu wuṛṛu su papapulunni mangitou.

TAHIUL᷊E 2:29

ma'oman sara yami lumewessa Sal᷊ukku Yordan inai sumutta watukku wanua apan nionggolu Mawu Ruatan kami si yami. Papapulunni Esau apan uatana'a su Edom wuṛṛu taumatan Moab apan uatana'a su Ar buatte lai namalan kami sumabbi leta'i mangitou.’

TAHIUL᷊E 26:15

Wuassu tampa-Nu apan na'ukkassa su surga sal᷊andeanna I'o mangintanno mata-Nu wuṛṛu mangal᷊amatta Israel; al᷊amate lai wanua apan ala wuṛṛu masuwukka apan buatte nionggolu Mawu si yami ere lai su paaire-Nu su iupungngu al᷊amonan kami.’ ”

TAHIUL᷊E 26:3

Roote ringannu imam apan mammanara orassa udde wuṛṛu wal᷊oa'a si tou, ‘I ya'u mamasingkatta Mawu Ruatanu manungku i ya'u na'omate su wanua apan buatte nipa'ire-Ne su iupungngu al᷊amonan kite apan ionggola si ite.’

TAHIUL᷊E 28:11

I yamiu sarun onggol᷊annu manambo ana'a. Winatangnga papadul᷊ianannu manambo wuṛṛu hessin letangngu nilumambalanna su wanua apan nipa'iren Mawu su iupungngu al᷊amonanu apan ionggola si yamiu.

TAHIUL᷊E 29:12

Mawu Ruatanu na'ola'a pa'aire ringanni yamiu, wuṛṛu i yamiu sarangkanambone uasemodda isindi nabaiddu pa'aire udde ana see nanengkamma manga manara apan ala'anna.

TAHIUL᷊E 30:20

Pandangngute Mawu Ruatanu, paatuṛṛutta si Tou, wuṛṛu paatammuda tumuṛṛutta si Tou. Ne i yamiu wuṛṛu papapulunnu sarun mabbiakka wuṛṛu uukka mal᷊o'engnga su wanua apan nipa'iren Mawu su iupungngu al᷊amonanu, i Abraham, i Ishak wuṛṛu i Yakub.”

TAHIUL᷊E 31:7

Ana see i Musa namago si Yosua, wuṛṛu su saruannu anambon walahannu Israel i tou nabbisara si Yosua, “Ṛinone naungngu matammudda wuṛṛu waṛṛani, Yosua! Ete i'o apan sarun mamiaṛṛa'u walahanna indi inai matana'a su wanua apan pina'iren Mawu su iupungngu al᷊amona mangitou.

TAHIUL᷊E 34:4

Ana see Mawu nabbisara si Musa, “Eteudde leta'a apan Ta'u pina'ire si Abraham, si Ishak wuṛṛu si Yakub apan tinantilla su papapulunni mangitou. I Ya'u namasilo si'o, Musa, arawe tawe mamalanu inai poiaroddi.”

TAHIUL᷊E 4:1

Ana see i Musa nabbisara su walahanna udde, “Paatuṛṛute anambon tita apan ta'u niaṛṛa'a si yamiu, tadea'u i yamiu wotongnge mabbiakka ma'oman sara mamanua su leta'a apan nionggolu Mawu Ruatan al᷊amonanu si yamiu.

TAHIUL᷊E 6:10

“Mawu Ruatanu naddiandi su iupungngu al᷊amonanu i Abraham, i Ishak wuṛṛu i Yakub manungku i Tou sarun mangonggolu wanua udde si yamiu. Manga soane wahewalla wuṛṛu ala, wuṛṛu wal᷊ine i yamiu napararisikku soa udde.

TAHIUL᷊E 7:12

“Amungkangngu i yamiu manutukka manga tita udde, wuṛṛu mapaamatta ringannu matammudda, ne Mawu Ruatanu lai sidutu matuṛṛutta su pa'aire-Ne apan niolang-Nge si yamiu. I Tou sarun mapal᷊iatta'u darangngu-Ne sidutu si yamiu, ere buatte nipa'ire-Ne su al᷊amonanu.

TAHIUL᷊E 7:13

I Tou sarun marangngu wuṛṛu mangal᷊amatta si yamiu, mao'man sara anangngu manambo, wuṛṛu reengannu a'atambanna. I Tou sarun mangal᷊amatta manga wawail᷊annu, na'oman sara maghesin gandumma, anggore wuṛṛu lanan zaitun. I Tou sarun mangal᷊amata si yamiu na'oman sara manambo sapi wuṛṛu ambinga dombanu. Anambon al᷊amatta udde sarun sengkamanni yamiu su wanua apan ionggolu Mawu si yamiu, uasul᷊ungngu paaire-Ne su iupungngu al᷊amonanu.

TAHIUL᷊E 7:8

Arawe Mawu namile si yamiu ana waugu i Tou marangngu si yamiu wuṛṛu mapulu manipussa pa'aire apan niola'i Tou ringannu iupungngu al᷊amonanu. Ana waugu udde i Tou buatte nanal᷊amatta si yamiu ringannu taṛṛino apan wahewalla wuṛṛu namallossi yamiu wuassu pattataṛṛuallanganna si ratun Mesir.

TAHIUL᷊E 8:1

“Anambon tita apan ta'u nionggola si yamiu allo indi ṛinone olaanni yamiu ringannu matuṛṛutta, tadea'u i yamiu sidutu wiakka, a'atambanna anambone wuṛṛu mamanua su leta'a apan pina'iren Mawu su iupungngu al᷊amonanu.

IBRANI 6:13

Su tempo Ruata na'ire si Abraham, i Tou nassalu manungku i Tou sarun mapaatipussu apa apan suete pina'ire-Ne. Wuṛṛu ana waugu tawedu mattanggaṛṛanne wuassu Ruata, ne i Tou nassalu ringannu aran-Ne sassane.

IBRANI 6:14

I Tou nabbisara, “I Ya'u ma'ire sarun mangal᷊amatta si'o wuṛṛu ma'ola'a walahannu mabbal᷊i manambo,”

YOSUA 1:6

Ṛinone i'o mangimanna wuṛṛu waṛṛani, ana waugu i'o sarun mamiaṛṛa'u walahanna indi ana waugu i mangitou matana'a su wanua apan Ta'u pina'ire su iupungu al᷊amona mangitou.

MAL᷊AṚṚUUNGNGA 2:1

Mala'ekattu Mawu inaite wuassu Gilgal watukku Bokhim wuṛṛu nabbisara su manga taumatan Israel, “Yai buatte napasabbangi yamiu wuassu Mesir, wuṛṛu nangapiddi yamiu watukku wanua apan buatte nipa'ire-U su iupungngu al᷊amonanu. Buatte lai Ta'u niapasingkatta si yamiu, ‘Pa'a'aukku pa'aire-U si yamiu tawe Ta'u wassutanna.