TAHIUL᷊E 1:39 - WUKE SUSI WATTI'U AL᷊AL᷊USASSA

³⁹ Ana see Mawu nabbisara si ite sarangkanambone, ‘Manga anangngu ta'e maradio'a wagga mapaddaṛṛalan suapa mapia wuṛṛu suapa lal᷊eo, al᷊aṛṛana'a apan tumuṛṛuttu wisaranu sarun sametannu manga seennu, ete si mangitou Ta'u ionggola leta'a udde, wuṛṛu i mangitou sarun matana'a su leta'a udde.

TAHIUL᷊E 1:39 Iomraidhean Croise

YUNUS 4:11

Tawe mariaddi i Ya'u tawe masusa maṛṛingiddu Niniwe, soa apan wahewalla udde. Ana waugu wal᷊ine wuassu manga winatangnge apan tawe iareengnga udde, isudde pia lai 120.000 su atoune al᷊aṛṛana'a apan ta'e wagga suapa mapia wuṛṛu suapa al᷊al᷊eo.”

REENGANNA 14:3

Ipa'ura Mawu nangapiddi ite watukku wanua udde? Tanne i ite mate sulal᷊ummu pangalo wuṛṛu manga awingngi ite see al᷊aṛṛana'i ite iasametti mangitou. Wal᷊inewe mappianne mabelengke su Mesir!”

REENGANNA 14:31

I yamiu buatte nabbisara manungku manga anangngu sarun sametanna. Arawe ete i mangitou apan sarun Ta'u iapidda watukku wanua apan ipaddiri udde, wuṛṛu wanua udde sarun maola'a leta'i mangitou.

ROMA 9:11

Tantal᷊anna ana'a darua udde taambe niasungkangnga, Ruata buatte nanantunnu al᷊aṛṛanang-Nge apan nipile manansunna. Pamamile Ruata udde tawe uaantimma apa apan wotongnge olaannu taumata, arawe uaantimma wawaggo Duata sassane. Ana waugu su tempo ana'i Ribka daruan katou esakka udde taambe maaola'a manara mapia ara'e lal᷊eo,

EFESUS 2:3

Dorone i ite sarangkanambone lai uasul᷊ungngi mangitou; i ite mabbiakka tuttuṛṛuta pallal᷊agun kite taumata wuṛṛu mammanara manara apan maal᷊uassa wadangnga wuṛṛu ṛingiṛṛanni ite. Su tempo udde i ite naola'a manga taumata apan niaṛṛiaannu asasa'un Duata, ere lai manga taumata waine.

YOSUA 5:7

Ana waugu udde anambon ana'i mangitou esakka taambe nisunatta. Ete al᷊aṛṛana'a wakku indi apan sunatanni Yosua.