TAHIUL᷊E 1:19 - WUKE SUSI WATTI'U AL᷊AL᷊USASSA

¹⁹ “Ana see uasul᷊ungngu parentan Mawu Ruatan kite, i ite manantangngu Wowon Sinai wuṛṛu umamatta sumabbi wadda'a apan mal᷊alangnga wuṛṛu masahadda mattuddan wageangngu panenteannu taumatan Amori. Su tempo i ite na'omate su Kades-Barnea,

TAHIUL᷊E 1:19 Iomraidhean Croise

YEREMIA 2:6

I Ya'u tate pandumanna; i Ya'u, apan buatte nangehetta si mangitou su lal᷊anna, wuṛṛu nangapiddi mangitou sinumabbangnga wuassu Mesir niumamattu wadda'u anne, wageangngu leta'a maṛṛasa apan manambo liobbongnge, see lai mamara wuṛṛu ma'asilaka – wadda'a apan taweddu uatana'a wuṛṛu tawe amatanna!

REENGANNA 10:12

Ana see taumatan Israel ualal᷊ol᷊osse mangingkatta manantangngu wadda'u Sinai, wuṛṛu winabbawa udde nattaala su tempo i mangitou na'omate su wadda'u Paran.

REENGANNA 13:26

wuṛṛu namasingkatta si Musa, si Harun wuṛṛu anambon ṛuangannu Israel apan tantal᷊anna uaammula su Kades, su wadda'u Paran. I mangitou nabbatti'u sarangkanambone apan buatte niasiloanni mangitou wuṛṛu namasilo manga wua apan uaapidda si mangitou.

REENGANNA 14:14

wuṛṛu i mangitou sarun mabbatti'a manga taumata su wanua indi, apan buatte na'aringikka manungku I'o, Mawu, uarundinganna si yami. I mangitou na'aringikke lai manungku I'o naipasilon batangannu si yami su tempo I'o u'amatta su saruanni yami sulal᷊ummu pal᷊iaṛṛannu winabbawa su tempo allo, wuṛṛu sulal᷊ummu pal᷊iaṛṛannu putungnga su tempo ṛabbi.

REENGANNA 32:8

Manga iamangngu inolaanne aroddi lai, su tempo i ya'u nandolokki mangitou watukku Kades-Barnea niapapal᷊intaddu wanua udde.

TAHIUL᷊E 1:2

Wuassu Wowon Sinai maddatingngu Kades-Barnea sumabbi wageangngu panenteannu Edom, amatanne mapul᷊o assa su allone al᷊annune.)

TAHIUL᷊E 1:20

i ya'u nabbisara: Orassa indi yamiu na'omate su wageangngu panenteannu taumatan Amori, leta'a apan nionggolu Mawu Ruatan kite wuṛṛu Ruata iupungngu al᷊amonan kite. Pa'ellega, su saruannu uawannadda leta'a udde. Roote pamanua ere buatte nirolokku Mawu. Imbaṛṛangnga mapapaddua ara'e mata'utta.

TAHIUL᷊E 1:7

Orassa indi hohaṛṛa'e paddasanannu wuṛṛu roote watukku wageangngu panenteannu taumatan Amori wuṛṛu su ahewallu wageangngu leta'a maranine, eteudde Wawal᷊annu Yordan, wageangngu wuidda wuṛṛu leta'a ratakke, wageangngu leta'a su samba'an timukka wuṛṛu su apannu Tahal᷊oangngu Tangngane. Inaite pamanua su leta'u Kanaan wuṛṛu Panenteannu Libanon maddatingngu sal᷊ukka wahewalla Efrat.

TAHIUL᷊E 2:7

Paanaungete ereapa Mawu Ruatanu buatte nangal᷊amatta si yamiu su al᷊awo'u manaran kamiu. I Tou nappaddul᷊i tantal᷊anna mammal᷊intaddu wadda'a apan mal᷊alangnga indi. I Tou ual᷊u'adda si yamiu al᷊annune appatu pul᷊o su tonnane indi, wuṛṛu nangonggolu saranapa apan pappandumanni yamiu.

TAHIUL᷊E 32:10

I Tou naaratingnga si mangitou tantal᷊anna lullalele su tampa apan mal᷊annaba su wadda'a mal᷊alangnga. Ana see i Tou nallu'adda wuṛṛu nappadul᷊i si mangitou wuṛṛu nandiaga si mangitou naal᷊ihidda pussaa-Ne.

TAHIUL᷊E 8:15

Mawu namiaṛṛa'i yamiu sinumabbi wadda'a apan mal᷊alangnga wuṛṛu ma'ata'utta, manambo atoanna mawisa, wuṛṛu kalajengking. Su leta'a apan mamara tawe ua'ene, i Tou na'ola'a ua'e mangngelekka wuassu watu, tadea'u i yamiu wotongnge ma'inumma walate apulun naungngu.

YOSUA 10:41

I Yosua namaddon manga wageangngu leta'a wuassu Kades-Barnea su samba'an timukka maddatingngu Gaza maranin apanne, nasutta lai ahewallu leta'u Gosyen, masal᷊a watukku Gibeon su sawannaka.