TAHIUL᷊E 1:11 - WUKE SUSI WATTI'U AL᷊AL᷊USASSA

¹¹ Antimanna Mawu, Ruatan iupungngu al᷊amonanu sidutu mannamba anambonu ma'oman sara paasaṛṛiwu lappuanna anambone, wuṛṛu ma'ola'a si yamiu walahanna apan ala ere lai buatte nipa'ire-Ne!

TAHIUL᷊E 1:11 Iomraidhean Croise

PANDARIADDI 15:5

Mawu nangapiddi Abram su liudde ana see nabbisara si tou, “Paningngarate langitta, wuṛṛu annama'o pandeengngu manga anumpitanna; i'o sarun manahuanna papapulunna anambone ere manga anumpitanna udde.”

PANDARIADDI 22:17

i Ya'u sarun mangal᷊amatta si'o ringannu lumambalanna wuṛṛu ma'ola'a papapulunnu anambone naal᷊ihidda anumputanna su langitta wuṛṛu anambone naal᷊ihidda anne su apannu tahal᷊oangnga. Anangngu pulunnu sarun malluṛṛugu manga seetti mangitou.

PANDARIADDI 26:4

I Ya'u sarun mangonggola si'o ana'a papapulunna anambone ere anumpitanna su langitta, wuṛṛu ahewallu leta'a indi sarun Ta'u ionggola si mangitou. Anambon balahanna su runia sarun sumal᷊ande si Ya'u tadea'u i Ya'u mangal᷊amatta si mangitou ereapa i Ya'u buatte nangal᷊amatta papapulunnu.

PANDARIADDI 49:25

Ruatan iamangngu nantul᷊ungngu; Apan Lembon Taṛṛino nangal᷊amatta si'o ringannu uranna wuassu langitta wuṛṛu ua'e wuassu wantan leta'a. Ringannu ana'a wuṛṛu sapi,

2 SAMUEL 24:3

Arawe i Yoab nabbisara ratu, “Antimanna Mawu Ruatan Tuangnga mapaanambon tumana'u Israel ma'oman sara paaṛṛasutta wuassu anambon mangitou orassa indi, wuṛṛu doronganna i Tuangnga ta'e wiakka, tadea'u wotongnge maasilo udde. Arawe ipa'ura i Tuangnga ma'ola'a pandareengnga indi?”

1 TAWARIKH 21:3

I Yoab sinumimbakka, “Antimanna Mawu mapaanambon tumana'u Israel ma'oman sara paaṛasutta anambone wuassu reenganni mangitou orassa indi. Apan Awantuhanne, wal᷊inewe natualage manungku i mangitou uasuṛṛubawa lai si Tuangnga? Anio ma'ola'a lai pandareengnga? Sal᷊immurine, ana waugu pasasal᷊a udde anambon walahanna pandansilananne!”

DARALO 115:14

Antimanna Mawu mangonggolu manambo ana'a, si yamiu wuṛṛu papapulunnu.

SASABANGNGA 32:13

Naungete manga allangngu i Abraham, i Ishak wuṛṛu i Yakub. Naungete manungku I'o lai na'ire ringannu sasalu tadea'u mangonggolu papapulunna anambone ere anumpitanna su langitta, wuṛṛu lai manungku ahewallu leta'a apan pina'ire-Nu udde sarun maola'a pussa'a papapulunni mangitou saran mal᷊annu-l᷊annu.”

YEHEZKIEL 16:7

I Ya'u nanganu ua'e ana see Ta'u niukkassa daṛṛa wuassu waddangngu. Ta'u niraddassa awangngu ringannu lanan zaitun. Ta'u niwuwunna i'o ere sasuanna apan masuwukka. I'o tinumuwo mal᷊ihakka, sehatta wuṛṛu mal᷊angkassa, see naola'a sangkatou maṛṛuala. Susunu mannattakke tuttuwo wuṛṛu utangngu mal᷊o'engnga, arawe i'o tantol᷊e. Sutempo i Ya'u sinumabbi apia, i Ya'u naasilo manungku nia'omante tempone matatunanga. Ta'u niluṛṛe juba-U su waddangngu apan uatantol᷊e, wuṛṛu Ta'u pina'ire pattatunga-U si'o. Ore, i Ya'u na'ire paa'awingnga ringannu, wuṛṛu i'o mabbal᷊i tatahuanang-Ku. I Ya'u, Mawu Apan Atanggaṛṛanne buatte nabbisara.

REENGANNA 22:12

Mawu nabbisara si Bileam, “Imbaṛṛangnga i'o inai ringannu manga taumata udde, wuṛṛu imbaṛṛangnga mamontoga walahanna udde, ana waugu i mangitou buatte Ta'u nial᷊amatanna.”

REENGANNA 6:27

Wuṛṛu Mawu nabbisara, “Su tempo i mangitou managon arang-Ku maola'a al᷊amatta su walahannu Israel, i Ya'u sarun mangal᷊amatta si mangitou.”

TAHIUL᷊E 1:10

Mawu Ruatanu buatte na'ola'a reengannu a'atambana anambone ere anumpitanna su langitta.

TAHIUL᷊E 1:12

Arawe ereapa wotongnge i ya'u sassane mamasanna manara apan mawakkata su ipanginsue anambon hattonu?

TAHIUL᷊E 1:8

I Ya'u, Mawu, buatte naddiandin ahewallu leta'a udde su al᷊amonanu i Abraham, i Ishak wuṛṛu i Yakub see lai papapulunni mangitou. Nariaddi roote pamanua su leta'a udde.’ ”

TAHIUL᷊E 10:22

Su tempo iupungngu al᷊amonanu inaite watukku Mesir, reenganni mangitou tumba'u pitun pul᷊o su atoune. Arawe Mawu Ruatanu buatte na'ola'a reengannu anambone ere anumpitanna su langitta.”

TAHIUL᷊E 28:62

Salaiwe reengannu anambone erete anumpitanna su langitta, tumba'u matul᷊unga suwallatti yamiu apan ta'e wiakka, ana waugu i yamiu tawe tumuṛṛutta Mawu Ruatanu.