SONDAPPA 9:7 - WUKE SUSI WATTI'U AL᷊AL᷊USASSA

⁷ Awa'u saṛṛappalanna udde naal᷊ihidda awal᷊o apan uasaddia inai mappangalo. Su pua mangitou aellehanna pia sambau naal᷊ihidda araposan aratuanna wul᷊awanna. Hati mangitou naal᷊ihidda hatin taumata.

SONDAPPA 9:7 Iomraidhean Croise

DANIEL 7:4

Iapa paarorone lihidde ere singa, erawe i tou uatahuanna papaiddu manu'a garuda. Sutempo i ya'u ma'ellega si tou, inaṛṛombanganne papaidde nasawutta wuṛṛu napallossa; i tou nawengketta wuassu leta'a wuṛṛu niaparisikka su leddane ruan ba'a ere taumata wua'udde nionggol᷊annu ringiddu taumata.

DANIEL 7:8

Tantal᷊anna i ya'u mannutukka manga tandungnge, inaṛṛombanganne sambau tandu'a waine tinumuwo suwallanne. Tandu'a udde addio'a, arawe wotongnge manesse'a wuṛṛu manawutta tallun bua suwallattu manga tandu'a paarorone udde. Tandu'a addio'a udde pia matane ere taumata wuṛṛu moṛṛongnga apan mattal᷊imoṛṛonganna ringannu mawunga.

NAHUM 3:17

Manga tembonanne wuṛṛu mamanaran araratuannu naal᷊ihidda ammul᷊annu saṛṛappalanna apan uasirungnga su manga tanda'a watu sutempo masunge. Arawe napawe matannallo sinumabbangke, i mangitou tinumalla'e nawul᷊i; tawe saran sangkatou apan masingkatta watukku apa i mangitou tinumalla'a.

SONDAPPA 6:2

Ne i ya'u naasilo, see niasiloanna sambau awal᷊o mawira. Sumasa'ene uaaggasa sambau anaanna wuṛṛu i tou nionggol᷊annu sambau mahkota. I tou u'amatta ere sangkatou apan naauntunga inai mangaṛṛo auntunganna.

SONDAPPA 9:3

See wuassu lal᷊ummu timbula udde sinumabbangke manga saṛṛappalanna apan sinumossoka watukku runia. Manga saṛṛappalanna udde nionggol᷊annu taṛṛino apan uasul᷊ungnga ere lai nionggolla su kalajengking.