SONDAPPA 9:1 - WUKE SUSI WATTI'U AL᷊AL᷊USASSA

¹ See mala'ekatta al᷊imane nattiuppa trompeti tou, wuṛṛu i ya'u naasilo sambau anumpitanna nanawo wuassu langitta su wowon runia.

SONDAPPA 9:1 Iomraidhean Croise

YESAYA 14:12

Ei ratun Babel, dorone i'o anumpitanna aṛṛusuallo apan mal᷊ansiangnga, arawe orassa indi nundu'e su leta'a! Dorone i'o mammaddon manga walahanna, arawe orassa indi i'o nema'e su leta'a.

LUKAS 10:18

Mawu Yesus sinumimbakka, “I Ya'u naasilo Setanna nanawo wuassu langitta naal᷊ihida sawallo.

LUKAS 8:31

Manga ghaṛṛaho lal᷊eo udde sinumal᷊ande tadea'u Mawu Yesus tawe mallimbuakka si mangitou sulal᷊ummu Rampissu Papate.

ROMA 10:7

ara'e, ‘Isai apan sarun sumossokka su runian taumata nate?’ (atappasanne mappaawiakki Kristus wuassu papate).”

SONDAPPA 1:18

Ete i Ya'u i Tou apan wiakka! I Ya'u natete, arawe pa'elege, i Ya'u wiakka saran mal᷊annu-l᷊annu. I Ya'u uataṛṛino papate, wuṛṛu su wowon runian taumata nate.

SONDAPPA 1:20

Ete indi addapinga wuassu anumpitanna pitu apan niasiloannu su lima uanang-Ku, wuṛṛu wuassu pitu leddan sol᷊o wul᷊awanna udde: Anumpitanna pitu udde eteudde manga mala'ekatta su pitu jamaatta, wuṛṛu pitu leddan sol᷊o udde eteudde pitu jamaatta udde.”

SONDAPPA 11:7

Napawe i mangitou suete nabbatti'u watti'i mangitou, winatangnga apan sinumabanga wuassu rampisu papate sarun lumawanna si mangitou.

SONDAPPA 17:8

Winatangnga udde rorone suete nabbiakka, arawe orassa indi tate mabbiakka apia. Ete adio'a lai tou sumabbanga wuassu rampisu papate wuṛṛu inai mattudan tampam papatene. Manga taumata apan mabbiakka su runia, apan aranne tawe uawoṛṛetta sulal᷊ummu Wuken Taumata Wiakka tantal᷊anna runia taambe niriaddi sarun tumiangnga napawe maasilo winatangnga udde. Ana waugu winatanga udde rorone suete nabbiaka. Orassa indi i tou tate nabbiaka lai, arawe i tou sarun rumanta apia.

SONDAPPA 20:1

Napawe wua'udde i ya'u naasilo sangkatou mala'ekatta sinumossoka wuassu surga. Su limane uaaggasa a'unsin rampisu papate wuṛṛu sambau ṛaṛṛapussa apan masallaka.

SONDAPPA 20:10

See Setanna apan nangawusu si mangitou udde, tinuntunga sulal᷊ummu tahal᷊oangngu putungnga wuṛṛu belerangnga. Ete isudde tampane winatangnga wuṛṛu nabi awusu udde niramme paarorone. I mangitou sarun sansaranna allo ṛabbi saran mal᷊annu-l᷊annu.

SONDAPPA 6:13

Manga anumpitanna mannawo wuassu langitta su wowon runia naal᷊ihidda wuang kalu ara apan taambe nal᷊aha napul᷊idda wuassu alune su tempo niio'u anginna ma'ikkatta.

SONDAPPA 8:10

Wua'udde mala'ekatta atallune nattiuppa trompeti tou, ne sambau anumpitanna apan wahewalla, lukkenggama ere sol᷊o, nanawo wuassu langitta, see nema'a su sepertiga wuassu manga sal᷊ukka wuṛṛu al᷊imatan ua'e.

SONDAPPA 8:12

See mala'ekatta aiappane nattiuppa trompeti tou. Ne niapuulle sepertiga wuassu matannallo, sepertiga wuassu wul᷊anna, wuṛṛu sepertiga wuassu manga anumpitanna, na'oman sara nawul᷊ite sepertiga wuassu semakki mangitou. Wuṛṛu lai sepertiga wuassu allo tawe maasemakka wuṛṛu aroddi lai sepertiga wuassu ṛabbi.

SONDAPPA 8:2

See i ya'u naasilo sire pitu mala'ekatta uarisikka su saruannu Ruata, wuṛṛu i mangitou nionggol᷊annu pitum bua trompeta.

SONDAPPA 9:2

Anumpitanna udde nionggol᷊annu a'unsin rampisu papate. Ne anumpitanna udde namu'a rampisu papate udde, see timbula sinumabbanga wuassu lal᷊umme ere timbula wuassu sunggila apan wahewalla. Matannallo wuṛṛu winalanganna nabbal᷊i maranduma ana waugu timbula wuassu rampisa udde.