SONDAPPA 8:3 - WUKE SUSI WATTI'U AL᷊AL᷊USASSA

³ Sangkatou mala'ekatta waine, apan uaapiddu sambau pananutunganna amania wul᷊awanna, nirumanta wuṛṛu dirumarisikka su saruannu meddan sasamba. Si tou nionggol᷊annu manambo amania ipanguntudu manga aal᷊iomannu anambon walahannu Ruata wuṛṛu iaddo su meddan sasamba wul᷊awanna apan uaraddo su saruannu adderan araratuanna.

SONDAPPA 8:3 Iomraidhean Croise

DARALO 141:2

Sengkammawe aal᷊iomangku maola'a ere sambau sasamba amania, wuṛṛu lima'u apan uawilatta maola'a sasamban ṛabbi.

SASABANGNGA 40:26

Mezbah wul᷊awanna niaddo sulal᷊ummu Rasanna, su saruannu mal᷊aṛṛenessa,

YESAYA 6:6

Wua'udde sambau suwallattu riaddianna udde tinumalla'a ringangku uaapiddu waṛṛa apan nianun sasipitta wuassu mezbah.

YEHEZKIEL 41:22

Atanggakke sambau setenga metere wuṛṛu al᷊alakke sambau su meterene. Manga pabbuuanne, apampakke wuṛṛu darandunge niola'a wuassu alu. Esakka udde nabbisara si ya'u, “Eteindi medda apan uaraddo su saruannu daranta Mawu.”

AMOS 9:1

I ya'u naasilo Mawu uarisikka maranin mezbah. I Tou nangonggollu parenta indi, “Puulle pa'ikka-ikkatta manga puan diṛṛi su Wal᷊e-U tadea'u ahewallu panumbal᷊ene umio'a. Paṛṛaa'e manga diṛṛi udde su puan manga taumata. I mangitou apan tawe mate sarun Ta'u pateanna sulal᷊ummu pangalo. Tawe saran sangkatou apan tawe maatal᷊angngu watanganne, tawe saran sangkatou apan maal᷊aassangnga.

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

REENGANNA 4:11

Wua'udde i mangitou ṛinone mamataddu sangkul᷊appa mal᷊aṛṛenessa ma'elomma su wowon mezbah wuassu wul᷊awanna udde, wuṛṛu taapannu sangkul᷊appa pisi al᷊ussa, ana see manuṛṛin alu papasannu mezbah udde.

LUKAS 1:10

Tantal᷊anna amania tattutunganna taumata nambo u'al᷊iomanna su liudde.

ROMA 8:34

Apa pia taumata apan mapaasal᷊an kite? Kristus Yesus sarun manamba'a si ite. Ete i Tou apan buatte nate, ara'e ete i Tou apan buatte nabbiakka apia wuassu papate wuṛṛu tampane ringannu Ruata, isudde i Tou mammarenta.

IBRANI 7:25

Ana waugu udde saran mal᷊annu-l᷊annu Mawu Yesus wotongnge manal᷊amatta manga taumata apan nirumanta ringannu Ruata sulal᷊ummi Tou, ana waugu i Tou mabbiakka saran mal᷊annu-l᷊annu ipangapiddu sasal᷊ande su Ruata, hunane su manga taumata udde.

IBRANI 9:4

Sulal᷊ummu wabbo'a udde pia medda pangangadoannu sasamba apan niola'a wuassu wul᷊awanna panutunganna dupa, wuṛṛu pia lai Wantalu Pa'aire apan sarangkahewalle papi'unannu wul᷊awanna. sulal᷊ummu wantala udde pia urinna wul᷊awanna lal᷊oṛṛoannu manna, ta'inni Harun apan nassollate, wuṛṛu ruang kul᷊appa watu pamamoṛṛetanna apan su wowone wawoṛṛetannu mapul᷊o titan Ruata.

SONDAPPA 10:1

See i ya'u naasilo sangkatou mala'ekatta matohassa waine sinumossoka wuassu surga. I tou papi'unannu winabbawa wuṛṛu sambua randipakka arak naggial᷊o uapal᷊iwutta su puane. Hatine lullansiangnga naal᷊ihida matannallo, wuṛṛu leddane naal᷊ihidda pal᷊iaṛṛanu putungnga.

SONDAPPA 14:18

Napawe wua'udde, sangkatou mala'ekatta waine, apan uataṛṛino putungnga, nirumanta wuassu mezbah. Ringannu tingikka ma'ikkatta i tou inumui su mala'ekatta apan uaaggasa hal᷊ele maṛṛoro udde, “Limbea'e hal᷊elenu udde wuṛṛu ti'ote manga wuan anggore su runia, ana waugu manga wuane nal᷊ahate!”

SONDAPPA 5:8

Tantal᷊anna Ana'u Domba udde ma'ola'a aroddi, inumaruutta sire appata riadianna udde wuṛṛu sire ruam pul᷊o appata piaṛṛange udde su saruan-Ne. I mangitou sangkatou-sangkatou uaaggasa kecapi wuṛṛu mangko wul᷊awanna lal᷊oṛṛoannu amania, eteudde manga aal᷊iomannu walahannu Ruata.

SONDAPPA 6:9

Wua'udde Ana'u Domba udde namesangnga segele al᷊imane. Ne i ya'u naasilo su al᷊ungngu meddan sasamba pia ṛimuuddu manga taumata nate nipate ana waugu mannohassa tanatan Ruata sulal᷊ummu tiala mangitou.

SONDAPPA 7:2

See i ya'u naasilo sangkatou mala'ekatta waine nilumapputa wuassu samba'an ra'i. I tou uaapiddu segele wuassu Ruata apan biakka. Ringannu tingikka ma'ikkatta mala'ekatta udde namaggo sire appata mala'ekatta apan suete naasomba taṛṛino Ruata ipanggohakku ammaranne wuṛṛu tahal᷊oangnga.

SONDAPPA 8:4

Su sambau ringannu manga aal᷊iomannu walahannu Ruata, timbbulu dupa apan luṛṛenggama udde tuttimbula madduitta wuassu lima mala'ekatta apan uarisikka su saruannu Ruata udde.

SONDAPPA 8:5

Wua'udde mala'ekatta nanganu pananutunganna amania udde, wuṛṛu niloṛṛoantem putungnga wuassu meddan sasamba, see tinuntunga su wowon dunia. Ne rallu'a naposete wuṛṛu sawallo ma'ilatte, wuṛṛu nariaddite linukka.

SONDAPPA 9:13

Wua'udde mala'ekatta ai'annume nattiuppa trompeti tou. Ne i ya'u naaringikka tingikka nirumanta wuassu appatu pabbuuannu Mezbah wul᷊awanna apan uaraddo su saruannu Ruata.