SONDAPPA 7:1 - WUKE SUSI WATTI'U AL᷊AL᷊USASSA

¹ Wua'udde, i ya'u naasilo sire appata mala'ekatta uarisikka su appata pabbuuannu runia. I mangitou mannaṛṛanga anginna appata su runia tadea'u tawe anginna apan tumiuppa su ammaranne, ara'e su tahal᷊oangnga, ara'e su manga aaluanna.

SONDAPPA 7:1 Iomraidhean Croise

YESAYA 11:12

Mawu sarun manduittu sambau waneṛṛa su walahanna udde. Udde tatialane i Tou nangammullu apia walahannu Israel wuṛṛu Yehuda apan nassal᷊iawukka su ahewallu runia wuṛṛu nangapiddi mangitou mapul᷊e.

YESAYA 27:3

Ya'u, Mawu, mandariagane; suapan tempo i Ya'u mamamokkane, allo ṛabbi i Ya'u mallu'adda tadea'u tawe piaddu manal᷊awa'a.

YESAYA 27:8

Mawu nakkuumannu uman-Ne ringannu nandamme mangitou watukku wanua awagananna. I Tou nallimbuakka si mangitou ringannu anginna lal᷊eo wuassu ra'i.

YEREMIA 49:36

I Ya'u sarun mapatiuppu anginna su Elam wuassu al᷊awo'u tampa, wuṛṛu manal᷊iawukku tumanangnge su anambon tampa na'oman sara tawe saran sambau wanua apan tawe niarantannu tumatal᷊angnga wuassu Elam udde.

YEHEZKIEL 37:9

Ruata nabbisara si ya'u, “Ei taumata apan mattate, pabbisarate su anginna. Wal᷊oa'e manungku i Ya'u, Mawu Apan Atanggaṛṛanne namarenta si tou tadea'u rumanta wuassu al᷊awo'u pappi'uanne, tadea'u maniuppu sasangngo sulal᷊ummu manga waddangnga apan nate udde tadea'u i mangitou mabbiakka apia.”

YEHEZKIEL 7:2

“Ei taumata apan mattate, i Ya'u, Mawu Apan Atanggaṛṛanne, ṛinone mamasingkattu wisara indi su Israel: Ete indi pangudusannu watti'u ahewallu wanua indi!”

DANIEL 11:4

Arawe su panginsueannu awawantuge, araratuanna udde sarun mapesangnga mabbal᷊i appattu wageangnga. Manga ratu apan wal᷊ine papapulunne sarun mamarenta maola'a hahantine, wuṛṛu i mangitou tawe atatohassa ere i tou.

DANIEL 8:8

Ambingnga mendangenna udde aatambanna ahewalle. Arawe napawe i tou na'omate su pattaal᷊annu taṛṛinone, nappaddite tandungnge apan masallakka udde, ana see su tampa udde tinumuwote appattu wau tandu'a apan mallo'enganna, sambau-sambau watukku tampa apan uapapaṛṛala.

YUNUS 1:4

Yunus nilumintukka su tampa apan al᷊iuwowane wuṛṛu nilumallowangnga isudde, ana see niamatiil᷊anna mal᷊angnga. Wua'udde Mawu nandantan anginna ma'ikkatta su tahal᷊oangnga, ana see nariaddite tandi'a apan wahewalla, apan namuulla apalla udde na'oman sara maranite mapesangnga. Manga mamanaran apalla tumaniten matta'utta wuṛṛu mangngintulite maiontolla, sangkatou-sangkatou su monganne sassane. Su ipanggaingnga asasilaka lumakkubba, i mangitou namarentan lurannu apalla udde su tahal᷊oangnga.

ZAKARIA 6:1

I ya'u naasomba sondappa apan baine. Paassa indi i ya'u naasilo appattu wua keretan pangalo sinumabbangnga wuassu wallattu darua wowone witu'a.

ZAKARIA 6:5

I tou sinumimbakka, “I mangitou inai umamatta watukku appatta lal᷊anna napawe buatte sinumaruanna Mawu ul᷊ilim pati'uppa.

MATIUS 24:31

Trompeta wahewa sarun tiupanna wuṛṛu Ana'u Taumata sarun mandolokku manga mala'ekanne mangammullu al᷊aṛṛanang-Nge wuassu pi'un dunia appatta, wuassu punnu langitta sambau ma'oman sara punnu langitta waine.”

MARKUS 13:27

I Tou sarun mandolokku manga mala'ekatta mangammulu al᷊awo'u walahanna wuassu pi'un runia appatta, wuassu manga pentakku runia wuṛṛu manga pentakku langitta.”

SONDAPPA 20:8

wuṛṛu i tou sarun inai mangawusu walahanna apan uasal᷊iawukka su ahewallu runia, eteudde Gog wuṛṛu Magog. Setanna nangammuli mangitou inai mapapangalo, sambau ammul᷊anna apan wahewalla atonna, ere anne su tahal᷊oangnga.

SONDAPPA 6:6

Wuṛṛu i ya'u naaringikka sambau apan niaringiṛṛana ere tingikka apan u'ui wuassu pattangngannu sire appata riadianna udde. Tingikka udde nabbisara, “Salliteṛṛe gandumma apan mapia, aregan lal᷊antaku allo massallo, wuṛṛu tallun liteṛṛe gandumma paṛṛalane aregane ere lal᷊antaku allo massallo lai. Arawe imbaṛṛanga mandal᷊eo manga alun Zaitun wuṛṛu waillu anggore!”

SONDAPPA 7:3

Mala'ekatta udde nabbisara, “Paal᷊iwue'o manggohakku ammaranne ara'e tahal᷊oangnga, ara'e manga aaluanna amungkangu yami taambe nangonggolu tatiala segele su pakkanu manga allangngu Ruatang kite.”

SONDAPPA 8:7

Mala'ekatta paarorone nattiuppe trompeti tou, ne uranna eisse wuṛṛu putungnga lal᷊o'annu ṛaṛṛa nangansala su runia. Sepertiga wuassu runia nasue natutungnga; aroddi lai sepertiga wuassu manga aaluanna, wuṛṛu al᷊awo'u nannal᷊o apan ma'elomma.

SONDAPPA 9:14

Tingikka udde nabbisara su mala'ekatta aiannume udde, “Pallosa'a sire appata mala'ekatta apan raṛṛapusanna su Sal᷊ukku Efrat udde!”

SONDAPPA 9:4

I mangitou isassingadda umanna nannal᷊o, ara'e aaluanna ara'e manga sinuananna waine. I mangitou tumba'u wotongnge mangenggena manga taumata apan su pakkane tawe segele wuassu Ruata.