SONDAPPA 6:11 - WUKE SUSI WATTI'U AL᷊AL᷊USASSA

¹¹ I mangitou sangkatou-sangkatou nionggol᷊annu jubah mawira sambau. See i mangitou nirolokka niapaillol᷊o tal᷊ang kadio'a lai, ma'oman sara masuungnga reengannu manga hawe sangkamanaranna wuṛṛu manga tuṛṛangi mangitou apan sarun pateanna lai ere i mangitou.

SONDAPPA 6:11 Iomraidhean Croise

DANIEL 12:13

I'o Daniel, paatuṛṛutte maddatingngu panguddusanne. I'o sarun mate, arawe sarun mabbangunna tadea'u manengkamma lal᷊antakku su panguddusannu tempo.”

MATIUS 10:21

Sarun mariaddi manungku taumata sarun manantillu tuṛṛangnge sassane iapapate. Wuṛṛu udde lai sarun mariaddi su wallattu iamangnga wuṛṛu anangnge. Al᷊aṛṛana'a sarun lumawangnga hagurangnge, wuṛṛu manantilli mangitou iapapate.

LUKAS 15:22

Arawe iamangnge namago manga mangangimbene wuṛṛu nabbisara, ‘Paal᷊ihakka! Panganu laubba apianne, wuṛṛu luṛṛea'e si tou. Luṛṛea'a lai sinsingnga su tal᷊imadone, wuṛṛu sapatu su leddane.

YOHANES 16:2

I yamiu sarun iapaasabangnga wuassu manga wal᷊em pattataṛṛamawuanna. Wuṛṛu sarun a'omanna tempone manungku taumata apan mamate si yamiu massunna i tou massubba Ruata.

WATTI'U MANGA RASUL 20:24

Arawe i ya'u ma'ielem bagga ringannu wia'u indi, sambal᷊iate i ya'u napanginsue manara apan tinantillu Mawu Yesus si ya'u wuṛṛu sambal᷊iate i ya'u maatuṛṛutta na'oman sara pangudusannu wia'u ipammasingkattu Watti'u Al᷊al᷊uassa udde su ola'u darangngun Ruata.

2 TESALONIKA 1:7

Wuṛṛu si yamiu apan orassa indi uatataṛṛanga – aroddi lai si yami – Ruata sarun mangonggolu al᷊al᷊uassa su allo Mawu Yesus sumossokka wuassu surga wuṛṛu mamasilom batangan-Ne ringannu manga mala'ekatta apan matohassa,

2 TIMOTIUS 4:7

I ya'u suete nattalumma ringannu mapia-pia, wuṛṛu na'omate su akkitta panginsueanne. I ya'u sidutu tuttuṛṛuta Mawu Yesus saran pangudusanne.

IBRANI 11:40

ana waugu Ruata pia pandumanna apan lembon apianne si ite. Pandumanne eteudde manungku tumba'u uaaukka su sambau ringanni ite i mangitou sarun masuungnga.

IBRANI 12:23

I yamiu nassemodda su ammulanna apan maal᷊uassa – ammul᷊annu al᷊aṛṛana'a pahul᷊un Ruata, apan manga aranne uawoṛṛetta sulal᷊ummu surga. I yamiu nirumanta sumaruanna Ruata, Mallaṛṛuungngu walahannu taumata. I yamiu sumaruanna manga ghaṛṛaho manga taumata mapia, apan suete niola'a nasuungnga.

IBRANI 4:10

Ana waugu taumata apan nanengkamma pangangillol᷊o apan nipa'iren Ruata si tou udde, sarun mangillol᷊o lai wuassu anambon manarane, ere lai Ruata.

SONDAPPA 10:6

I tou nassalu ringannu arannu Ruata apan wiakka saran mal᷊annu l᷊annu, apan nandiaddi langitta wuṛṛu runia wuṛṛu tahal᷊oangnga see lai manga al᷊awo'a apan mabbiakka sulal᷊umme. Mala'ekatta udde nabbisara, “Tempone tate lai iasoṛṛota!

SONDAPPA 13:15

Winatangnga aruane udde niwala mangonggolu singangu su paal᷊uanna udde, na'oman sara paal᷊uanna udde wotongnge mabbisara wuṛṛu mamate anambon taumata apan maddiri massubba si tou.

SONDAPPA 14:13

See i ya'u naaringikka tingikka wuassu surga mabbisara, “Woṛṛetta'a indi: Manattaka orassa indi, al᷊al᷊uassa su manga taumata apan nate tantal᷊anna mangngimbe Mawu!” “Atonna!” sasimbaku Ghaṛṛahon Ruata. “I mangitou sarun mangillol᷊o mammanara masahadda, ana waugu hessim pangangimbe mangitou sidutu uatantalongnga si mangitou.”

SONDAPPA 17:6

See i ya'u naasilo manungku wawine udde niwu'annu ṛaṛṛam walahannu Ruata wuṛṛu ṛaṛṛa manga taumata apan nipate ana waugu matuṛṛuta Mawu Yesus. Su tempo i ya'u naasilo wawine udde, ya'u tinumiangnga.

SONDAPPA 7:14

“I ya'u wagga Tuangnga. I Tuangnga sassane masingkata,” sasimba'u. Ne i tou nabbisara si ya'u, “Ete indi manga taumata apan suete ringannu sal᷊amatta naralukka wuassu pananansara apan wahewalla. I mangitou suete nabbansala jubah mangitou wuṛṛu niola'i mangitou nabbal᷊i mawira ringannu ṛaṛṛan Ana'u Domba udde.

SONDAPPA 7:9

Wua'udde i ya'u na'ellega apia, see niasiloanna taumata tumanite manambo – tawe saran sangkatou taumata apan wotongnge maareengngu anambone. I mangitou udde manga taumata wuassu al᷊awo'u walahanna, ṛuanganna, araratuanna, wuṛṛu wahasa. Ringannu uapeddetu jubah mawira-wira wuṛṛu ringannu uaaggasa manga rannang kalu palem su limane, manga taumata manambo udde dirumarisikka sinumaruanna adderan araratuanna wuṛṛu sinumaruanna Ana'u Domba udde.