SONDAPPA 5:9 - WUKE SUSI WATTI'U AL᷊AL᷊USASSA

⁹ I mangitou mangngantarin sambau antari apan bakku: “I'o wotongnge manganu wuke udde wuṛṛu mamesangnga manga segelene. Ana waugu I'o suete nipate, wuṛṛu ringannu papate-Nu, taumata wuassu al᷊awo'u ṛuanganna wahasa, araratuanna, wuṛṛu walahanna suete niwallian-Nu hunane su Ruata.

SONDAPPA 5:9 Iomraidhean Croise

DARALO 144:9

I ya'u sarun mangantarin antari wakku Si'o, oh Ruata, wuṛṛu manengkella kecapi lapiddu mangngantari.

DARALO 149:1

Paddalote Mawu! Pangantariten aantari wakku su Mawu, paddalote si Tou sulal᷊ummu ammul᷊annu al᷊aṛṛanang-Nge!

DARALO 33:3

Pangantariten aantari wakku su Mawu, pannalangke kecapi mapia-pia paggiote ringannu al᷊al᷊uassa!

DARALO 40:3

I Tou namatunna si ya'u wuassu loṛṛangnga apan maasilaka, wuassu labbon lota. I Tou nangaddo'u su wowon wuiddu watu, na'oman sara lempangku naatokka.

DARALO 96:1

Pangantarite aantari wakku su Mawu! Pangantarite su Mawu, ei ahewallu runia!

DARALO 98:1

Daralo. Pangantariten aantari wakku su Mawu, ana waugu manga inolaan-Ne apan maatiangnga! Ringannu taṛṛino wuṛṛu atatohan-Ne sassane, i Tou naauntungke.

YESAYA 42:10

Pangantariten antari wakku su Mawu, paddalote si Tou, ei ahewallu runia! Paddallu'e, ei tahal᷊oangnga wuṛṛu anambon lal᷊oṛṛone, manga wanua apan marau wuṛṛu anambon tumanangnge!

DANIEL 4:1

Eteindi papasingkati Ratu Nebukadnezar apan niiringnge su manga taumata wuassu al᷊awo'u walahanna, ṛuangannu walahanna wuṛṛu wahasa su ahewallu runia: “Tabbean paddarame!

DANIEL 5:19

I tou aroddi ahewalle, na'oman sara manga taumata wuassu al᷊awo'u walahanna, ṛuanganu walahanna, wuṛṛu wahasa, mangngiladda wuṛṛu matta'utti tou. Amungkangngu i tou mappulu manal᷊amatta sangkatou taumata, i tou mangke manal᷊amatta taumata udde. I tou mapatanggakka wuṛṛu mapaawawon sai-sai tumuṛṛuttu apulune.

DANIEL 6:25

Wua'udde ratu namarenta taumata tadea'u iapasametta manga taumata apan buatte mangalaen Daniel. Wua'udde i mangitou suadio'a ringannu manga anangnge wuṛṛu manga awingngi mangitou nitaṛṛo sulal᷊ummu liangngu singa udde. Taambe lai i mangitou na'oma su lal᷊ummu liangnga udde, manga singa udde buatte tinumambo si mangitou wuṛṛu naṛṛimunsa'a manga duṛṛin mangitou.

MATIUS 20:28

Ere lai Ana'u Taumata udde, i Tou nirumanta wal᷊ine tadea'u imbeanna, arawe mangimbe, wuṛṛu manantillu niawa-Ne ipamallossu taumata nambo.”

MATIUS 26:28

Ana waugu indi ṛaṛṛa-U apan mannohassa pa'airen Ruata ṛaṛṛa apan niapaturo ana waugu taumata nambo wuṛṛu ipangampungnga rosa mangitou.

WATTI'U MANGA RASUL 20:28

Ṛinone i yamiu uariaga watangannu wuṛṛu riagai lai anambon jamaatta apan suete tinantillu Ghaṛṛahon Ruata si yamiu iapariaga; ana waugu i yamiu suete nitenega maola'a mandariaga jamaatta udde. Ṛinone i yamiu uariaga jamaattu Ruata udde naal᷊ihidda ere mallal᷊u'adda uariaga dombane, ana waugu Ruata suete na'ola'a jamaatta udde pussaa-Ne sassane sulal᷊ummu papaten Anang-Nge sassane.

1 KORINTUS 6:20

Ruata suete namalli si yamiu wuṛṛu nasueten baekke. Ana waugu udde, paata'e wadangngu aroddi olangnge ma'oman sara Ruata wantuhanna.

1 KORINTUS 7:23

Ruata buatte namalli si'o wuṛṛu nasueten baekke. Ana waugu udde, imbaṛṛangnga i'o manantillu wadangngu maola'a allangngu taumata.

EFESUS 1:7

Ana waugu wuassu papaten Kristus, i ite nipallosu Ruata, atappasanne manungku i Tou buatte nangampunga si ite wuassu manga rosan kite.

EFESUS 5:19

Pappaatte manga wisara Mazmur, antari daralo wuṛṛu antarin taumatan Saṛṛani sulal᷊ummu manga hattong kamiu. Ṛinone i yamiu ringannu naungnga apan mal᷊uassa, mangngantarin daralo su Mawu.

KOLOSE 1:14

Wuassu Anang-Nge udde i ite suete nipallosa; atappasanne manga rosan kite suete niampunganna.

KOLOSE 1:23

Arawe i yamiu ṛinone sidutu matuṛṛutta mangngimanna wuṛṛu matohassa uarisikka su pangangimannu. Imbaṛṛanga i yamiu mamallosu antimma apan suete nionggolla si yamiu su tempo i yamiu nanengkamma Watti'u Al᷊al᷊uassa wuassu Ruata. Watti'a udde suete niapaasingkata su anambon taumata su ahewallu runia. Wuṛṛu ana waugu udde lai ya'u, Paulus, naola'e darol᷊oṛṛan-Ne.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

IBRANI 11:14

Taumata apan nabbisara aroddi mapaal᷊iatta'a ringannu masemakka, manungku i mangitou tantal᷊anna maddea'a wanua apan maola'a leta'a pussa'a atatanaanni mangitou.

2 PETRUS 2:1

Su tempo apan nal᷊iu su wallatu walahannu Ruata suete nirumanta manga nabi awusu. Aroddi lai su wallatti yamiu sarun rumanta lai manga huru awusu. I mangitou sarun mangaṛṛa'u manga al᷊aṛṛa'a nassal᷊a, apan maapate taumata. Wuṛṛu i mangitou sarun maddandilu Tembonanne apan suete namallosi mangitou. Ringannu aroddi mangitou nandantan papate su watanganni mangitou sassane, apan sarun maṛṛia'a si mangitou ringannu mal᷊ihakka.

1 YOHANES 1:7

Arawe amungkangu i ite mabbiakka sulal᷊ummu asasemakka ere lai Ruata sulal᷊ummu asasemakka, ne i ite mabbiakka uaaukka atonna, uasangkapia sangkatou ringannu waine, wuṛṛu ṛaṛṛan Mawu Yesus, Anang-Nge, namaresi si ite wuassu al᷊awo'u rosa.

1 YOHANES 2:2

Ringannu pamamanaran Yesus Kristus uddewe manga rosan kite niampunganna. Wuṛṛu wal᷊ine tumba'u manga rosan kite sassane, ewe'e rosan anambon taumata lai.

SONDAPPA 10:11

Wua'udde i ya'u nirolokka, “Wattia'a paassa lai watti'u Ruata su ola'u manga walahanna, manga araratuanna, manga wahasa, wuṛṛu manga ratu.”

SONDAPPA 11:9

Manga taumata wuassu anambon araratuanna, walahanna, wahasa sarun maasilo winal᷊unanni mangitou, tallu allo mattangnga al᷊annune, wuṛṛu tawe mamalam binal᷊unanna udde ilabbinga.

SONDAPPA 13:7

I tou niwala lai lullawanna walahannu Ruata lapiddu mandugi si mangitou. Wuṛṛu taṛṛino su al᷊awo'u walahanna, araratuanna, wahasa, wuṛṛu walahanna nionggolla si tou.

SONDAPPA 13:8

Winatangnga udde sarun subbannu anambon taumata apan mabbiakka su wowon runia indi, tabbene'e manga taumata apan aranne niwoṛṛeta tantal᷊anna runia indi taambe nariaddi, sulal᷊ummu wuken taumata wiakka pussa'an Ana'u Domba apan suete nipototta.

SONDAPPA 14:6

See i ya'u naasilo sangkatou mala'ekatta waine apan tuttalla'a matanggaka su langitta. Mala'ekatta udde uaapiddu watti'a su ola'u Watti'u Al᷊al᷊uassa apan awasa iapaasingkatta su taumatan runia eteudde su anambon walahanna, ṛuanganna, wahasa wuṛṛu araratuanna.

SONDAPPA 15:3

Wuṛṛu i mangitou mangantari antari Musa, allangngu Ruata, wuṛṛu antarin Ana'u Domba. Arendi tingikke, “Mawu, Ruata Lembon Taṛṛino, tumaniten wahewalla wuṛṛu ma'atiangnga manga inolaan-Nu! Ratun al᷊awo'u walahanna tumaniten matul᷊idda wuṛṛu tawe sal᷊ane manga inolaan-Nu!

SONDAPPA 17:15

Mala'ekatta udde nabbisara lai, “Ua'e apan aellehannu udde, tampan aianannu sumasandaga udde, eteudde manga walahanna, manga tumana'u soa, manga araratuanna wuṛṛu manga wahasa.

SONDAPPA 4:11

“O Mawu, O Ruatang kami! Tumba'u I'o sassane apan wotongnge manengkama daralo, addata wuṛṛu taṛṛino. Ana waugu ete I'o apan na'ola'a sarangkanambone, wuṛṛu wuassu apulu-Nu lai sarangkanambone udde suete nariaddi wuṛṛu wiakka.”

SONDAPPA 5:12

Wuṛṛu i mangitou mangngantari ringannu tingikka apan ma'ikkatta, “Ana'u Domba apan suete nipototta udde, ṛinone manengkama taṛṛino, pa'a'ala, apande wuṛṛu atattohassa; I Tou ṛinone addatanna, wantuhanna wuṛṛu raddaloanna!”

SONDAPPA 5:6

Wua'udde i ya'u naasilo sambau Ana'u Domba apan uarisikka supattangngannu adderan araratuanna udde, papal᷊iwutannu sire appata riadianna wuṛṛu anambon piaṛṛange. Ana'u Domba udde aellehanna naal᷊ihida ere suete nipototta. I tou pia pitu tatandu'a wuṛṛu pitu mata; eteudde pitu Ghaṛṛahon Ruata apan suete nirolokka su ahewallu runia.