SONDAPPA 5:12 - WUKE SUSI WATTI'U AL᷊AL᷊USASSA

¹² Wuṛṛu i mangitou mangngantari ringannu tingikka apan ma'ikkatta, “Ana'u Domba apan suete nipototta udde, ṛinone manengkama taṛṛino, pa'a'ala, apande wuṛṛu atattohassa; I Tou ṛinone addatanna, wantuhanna wuṛṛu raddaloanna!”

SONDAPPA 5:12 Iomraidhean Croise

ZAKARIA 13:7

Mawu Apan Lembontaṛṛino nabbisara, “Darisikke, ei hal᷊ele, wuṛṛu pangaloite mallal᷊u'adda apan mammanara ringang-Ku! Patete i tou, ne manga domba sarun massal᷊iawukka. I Ya'u sarun mamangalo uma-U,

MATIUS 28:18

Mawu Yesus nangundani mangitou wuṛṛu nabbisara, “Anambon taṛṛino su surga wuṛṛu su runia suete tinantilla si Ya'u.

YOHANES 1:29

Su allo tiṛṛabbine, i Yohanes naasilo Mawu Yesus nirumanta ringanni tou. See i Yohanes nabbisara, “Pa'ellega, eteudde Ana'u Domban Ruata apan namappassa rosan runia indi.

YOHANES 17:2

Iamangnga suete nangonggolu taṛṛino su Ana'a ipamarenta anambon taumata, tadea'u i Tou mangonggolu wiakka tutune wuṛṛu saran mal᷊annu-l᷊annu su anambon taumata apan nionggolu Iamangnga si Tou.

2 KORINTUS 8:9

Ana waugu i yamiu masingkata atonna manungku i ite lembon arangnguanni Yesus Kristus Mawun kite. I Tou ala, arawe i Tou nattingkaola'a asiangnga ana waugu i ite, tadea'u ringannu paa'asiangnge udde i yamiu maola'a ala.

1 TIMOTIUS 1:17

Ruata, Ratu su al᷊o'engngu tempo, ṛinone addatanna wuṛṛu siddutu raloanna, ana waugu ete i Tou punnu sal᷊amatta sarangkal᷊o'engnge, apan tawe iasilo wuṛṛu tinggassa! Amin.

SONDAPPA 1:6

wuṛṛu nandiadi si ite sambau walahannu manga imam, apan mangngimbe Ruata, Iamang-Nge. Mawu Yesus Kristus eteudde awantuhanne wuṛṛu uataṛṛino sarangkal᷊o'engnge. Amin!

SONDAPPA 13:8

Winatangnga udde sarun subbannu anambon taumata apan mabbiakka su wowon runia indi, tabbene'e manga taumata apan aranne niwoṛṛeta tantal᷊anna runia indi taambe nariaddi, sulal᷊ummu wuken taumata wiakka pussa'an Ana'u Domba apan suete nipototta.

SONDAPPA 15:3

Wuṛṛu i mangitou mangantari antari Musa, allangngu Ruata, wuṛṛu antarin Ana'u Domba. Arendi tingikke, “Mawu, Ruata Lembon Taṛṛino, tumaniten wahewalla wuṛṛu ma'atiangnga manga inolaan-Nu! Ratun al᷊awo'u walahanna tumaniten matul᷊idda wuṛṛu tawe sal᷊ane manga inolaan-Nu!

SONDAPPA 19:1

Napawe wua'udde i ya'u naaringikka sambau naal᷊ihidda tingikku taumata nambo wuassu surga apan u'ui, “Paddalote Ruata! Ruatang kite eteudde Ruata apan mannal᷊amatta; i Tou Ruata awantuhanne wuṛṛu mataṛṛino!

SONDAPPA 4:11

“O Mawu, O Ruatang kami! Tumba'u I'o sassane apan wotongnge manengkama daralo, addata wuṛṛu taṛṛino. Ana waugu ete I'o apan na'ola'a sarangkanambone, wuṛṛu wuassu apulu-Nu lai sarangkanambone udde suete nariaddi wuṛṛu wiakka.”

SONDAPPA 5:13

See i ya'u naaringikka al᷊awo'u riadianna su langitta, su runia, su wantan runia wuṛṛu sulal᷊ummu tahal᷊oangnga – aunne al᷊awo'u riadianna su ul᷊ilim pati'uppa indi – mangngantari, “I Tou apan ua'ianna su adderan araratuanna, wuṛṛu Sangkatou Ana'u Domba udde, mangke raddaloanna wuṛṛu a'addatanna see awantuhanne wuṛṛu uataṛṛino saran mal᷊annu-l᷊annu!”

SONDAPPA 5:6

Wua'udde i ya'u naasilo sambau Ana'u Domba apan uarisikka supattangngannu adderan araratuanna udde, papal᷊iwutannu sire appata riadianna wuṛṛu anambon piaṛṛange. Ana'u Domba udde aellehanna naal᷊ihida ere suete nipototta. I tou pia pitu tatandu'a wuṛṛu pitu mata; eteudde pitu Ghaṛṛahon Ruata apan suete nirolokka su ahewallu runia.

SONDAPPA 5:8

Tantal᷊anna Ana'u Domba udde ma'ola'a aroddi, inumaruutta sire appata riadianna udde wuṛṛu sire ruam pul᷊o appata piaṛṛange udde su saruan-Ne. I mangitou sangkatou-sangkatou uaaggasa kecapi wuṛṛu mangko wul᷊awanna lal᷊oṛṛoannu amania, eteudde manga aal᷊iomannu walahannu Ruata.

SONDAPPA 5:9

I mangitou mangngantarin sambau antari apan bakku: “I'o wotongnge manganu wuke udde wuṛṛu mamesangnga manga segelene. Ana waugu I'o suete nipate, wuṛṛu ringannu papate-Nu, taumata wuassu al᷊awo'u ṛuanganna wahasa, araratuanna, wuṛṛu walahanna suete niwallian-Nu hunane su Ruata.

SONDAPPA 6:1

Wua'udde i ya'u naasilo Ana'u Domba udde namesangnga segele paarorone su wallatu segele pitu udde. See ya'u naaringikka sambau su wallatu riadianna udde nabbisara, “Wette!” Tingikke naal᷊ihidda ere tingikku rallu'a.

SONDAPPA 7:12

I mangitou u'ui, “Amin! Dalo su Ruatang kite apan mawantuga wuṛṛu pande. I Tou ṛinone onggol᷊annu al᷊awo'u aadiangkamanna wuṛṛu addata. I Tou uataṛṛino wuṛṛu matohassa saran mal᷊annu-l᷊annu! Amin.”