SONDAPPA 4:8 - WUKE SUSI WATTI'U AL᷊AL᷊USASSA

⁸ Siri appata riadianna udde, sambau-sambau pia papaidde annuma, wuṛṛu su ahewallu wadange, wuṛṛu sulal᷊umme napene mata. Allo ṛabbi manga riadianna udde tawe illol᷊one mangngantari, “Susi, susi, susi arannu Mawu, Ruata Lembon Taṛṛino; apan nirumanta, suete nirumanta, wuṛṛu nirumantate sarangkal᷊o'engnge.”

SONDAPPA 4:8 Iomraidhean Croise

PANDARIADDI 17:1

Napawe i Abram uukke sioten pul᷊o sio su tonnane, Mawu naipasilon batanganne si tou wuṛṛu nabbisara, “Ete i Ya'u Ruata Apan Lembontaṛṛino. Paatuṛṛutte si Ya'u wuṛṛu sidutu pa'ola'e apulu-U.

DARALO 91:1

Taumata apan uatillumma su Apan Atanggaṛṛanne, wuṛṛu uatana'a sulal᷊ummu lu'addu Apan Lembontaṛṛino,

SASABANGNGA 15:11

Ruata suapane apan botongnge maasul᷊ungnga Si'o, oh Mawu Apan Lembon Mawantuga wuṛṛu na'ukkassa? Isai wotongnge mappa'ola'a manga al᷊aṛṛindu'a wuṛṛu inolaanna apan bahewalla ere Mawu?

SASABANGNGA 3:14

Unnu Ruata, “I Ya'u eteudde I YA'U INDI. Eteindi apan iwisaranu su balahannu Israel, i Tou apan isassaggo I YA'U INDI, buatte nandolo'u ringanni yamiu.

YESAYA 13:6

Lalluaite, ana waugu allo Mawu maranite, eteudde allon papate apan niaparanta Mawu Apan Lembontaṛṛino.

YESAYA 62:1

Ana waugu Yerusalem i Ya'u sarun mabbisara, ana waugu Sion i Ya'u tawe uatatana'a mal᷊annabba, maddatingngu i tou iapaasal᷊amatta wuṛṛu auntunganna mabbanala ere sasol᷊oanna sutempo ṛabbi.

YEHEZKIEL 1:18

Manga wolan roda udde napene mata.

YEHEZKIEL 1:5

Su pattangngannu winabbawa udde, i ya'u naasilo siri appatta mala'ekatta eteudde riadianna wiakka apan naal᷊ihidda taumata,

YEHEZKIEL 1:6

wuṛṛu sambau-sambau pia gatine wuṛṛu ruan pare papaidda.

YEHEZKIEL 10:12

Ahewallu wadangngi mangitou, liudde, limane, papaidde wuṛṛu manga bolane lai napene mata.

YOEL 1:15

Allon Mawu maranite, allo apan maata'utta; sutempo Apan Lembon Taṛṛino mandantan araṛṛimunsa'a.

WATTI'U MANGA RASUL 20:31

Ana waugu udde paariagga! Paanaunge manungku tallu tonna al᷊annune ringannu anambon allommata, allo ṛabbi, ya'u tawe illol᷊one mangngaṛṛa'a awadaalla wuṛṛu si yamiu.

2 KORINTUS 6:18

I Ya'u sarun maola'a Iamangngu, wuṛṛu i yamiu sarun maola'a al᷊aṛṛana-U ete aroddi wisaran Mawu Apan Lembon Mataṛṛino.”

1 TESALONIKA 2:9

Asinungka i yamiu ta'e maanaungnga ereapa aṛṛimade i yami mattinsahadda wuṛṛu mammanara. Allo ṛabbi yami mammanara tadea'u i yami tawe mapaasusan saran sangkatou wuassi yamiu su tempo yami mammasingkatu Watti'u Al᷊al᷊uassu Ruata udde si yamiu.

1 TIMOTIUS 4:16

Paariagai ririnu wuṛṛu paariagai lai al᷊aṛṛangngu. Ṛinone i'o matuṛṛuta ma'ola'a sarangkanambone udde, ana waugu ringannu aroddi i'o sarun manal᷊amatta mawae su ririnu sassane aroddi lai manga taumata apan maddaringikka si'o.

2 TIMOTIUS 4:2

Ṛinone i'o mamasingkatu watti'a wuassu Ruata udde, wuṛṛu sidutu mammata'a tadea'u taumata maddaringikka, apa i mangitou maapulu ara'e maddiri. Ṛinone i'o mapaangimannu taumata, manta'en pasasal᷊a, wuṛṛu mangonggolu sasasa si mangitou. Aṛṛa'ete taumata ringannu anambon asasabbare.

IBRANI 13:8

Yesus Kristus uasul᷊ungnga, mapia rorone, orassa indi, wuṛṛu saran mal᷊annu-l᷊annu.

SONDAPPA 1:4

Manga tuṛṛanga apan uatana'a su pitu jamaatta su leta'u Asia! I ya'u Yohanes, mangngantimma i yamiu onggol᷊annu al᷊amatta wuṛṛu al᷊al᷊uassa wuassu Ruata – eteudde i Tou apan nirumanta, apan nirumantate wuṛṛu apan nirumanta sarangkal᷊o'engnge – wuṛṛu lai wuassu pitu ghaṛṛaho apan uatana'a su saruannu adderan araratuannu Ruata,

SONDAPPA 1:8

“Ete i Ya'u apan paarorone wuṛṛu pangudusanne,” wisaran Mawu Ruatan, apan nirumanta, apan nirumantate, wuṛṛu nirumanta sarangkal᷊o'engnge, Apan Lembon Taṛṛino.

SONDAPPA 11:17

I mangitou nabbisara, “Mawu, Ruata Lembon Taṛṛino, apan nirumanta, wuṛṛu nirumantate! I yami ma'adiangkamanna Si'o ana waugu I'o suete nappa'attu taṛṛino-Nu apan bahewalla, wuṛṛu nanattakke mammarenta!

SONDAPPA 14:11

Timbula wuassu putungnga apan mannansara manga taumata udde sidutu tuttimbula saran mal᷊annu-l᷊annu. Allo ṛabbi tawe illol᷊one i mangitou sassansaranna, eteudde i mangitou apan massubba winatangnga udde wuṛṛu paal᷊uanne, anambon taumata apan pia tatialan arannu winatangnga udde!”

SONDAPPA 14:3

Su saruannu adderan araratuanna wuṛṛu sire appata riadianna wuṛṛu manga piaṛṛange uapal᷊iwutta adderan araratuanna udde, 144.000 su atoune udde mangngantari sambau antari wakku. Antari udde tawe aurumannu saran sangkatou, tumba'u sire 144.000 su atoune udde apan suete nipallosa wuassu runia.

SONDAPPA 15:3

Wuṛṛu i mangitou mangantari antari Musa, allangngu Ruata, wuṛṛu antarin Ana'u Domba. Arendi tingikke, “Mawu, Ruata Lembon Taṛṛino, tumaniten wahewalla wuṛṛu ma'atiangnga manga inolaan-Nu! Ratun al᷊awo'u walahanna tumaniten matul᷊idda wuṛṛu tawe sal᷊ane manga inolaan-Nu!

SONDAPPA 15:7

Wua'udde sambau wuassu wallatu riadianna appata udde nangonggola su sire pitu mala'ekatta udde pitum bau cawanna wul᷊awanna apan napenen asasa'un Ruata, – Ruata apan wiakka saran mal᷊annu-l᷊annu.

SONDAPPA 16:14

I mangitou eteudde manga ghaṛṛaho lal᷊eo apan ma'ola'a manga al᷊aṛṛindu'a. Tatallu ghaṛṛaho udde inaite su anambon manga ratu su ahewallu runia wuṛṛu nangammule mangitou mapapangalo su Allo apan wahewalla, eteudde Allo wuassu Ruata Lembon Taṛṛino.

SONDAPPA 16:7

Ana see i ya'u naaringikka tingikka wuassu mezbah nabbisara, “Mawu, Ruata Lembon Taṛṛino, atonna wuṛṛu su atatul᷊idda manga ṛuumanna apan niema'a si yami!”

SONDAPPA 19:15

Wuassu moṛṛo-Nge sinumabanga sammata hal᷊ele apan maṛṛoro wuṛṛu ringannu hal᷊ele udde i Tou sarun mapaarugi manga walahanna, wuṛṛu i Tou sarun mamarenta si mangitou ringannu tatumma'ina atta'a. I Tou sarun mamakkan anggore sulal᷊ummu pamamakkannu anggoru asasa'un Ruata Apan Lembon Taṛṛino.

SONDAPPA 19:4

Ne sire ruam pul᷊o appata piaṛṛange wuṛṛu sire appata riadianna apan uapal᷊iwutta adderan araratuanna udde inumaruutta wuṛṛu nassubba Ruata apan ua'ianna su adderan araratuanna. I mangitou nabbisara, “Amin! Paddalote Ruata!”

SONDAPPA 21:22

I ya'u tawe naasilo Wal᷊en Ruata su soa udde, ana waugu Wal᷊en Ruatane eteudde Mawu sassane, Ruata Lembon Taṛṛino, wuṛṛu Ana'u Domba udde.

SONDAPPA 3:7

“Su mala'ekattu jamaatta su Filadelfia, woṛṛetta'a arendi: Ete indi tanata wuassi Tou apan susi wuṛṛu tutune. Ete i Tou uaaggasa a'unsi apan tatahuananni Daud; amungkangu i Tou mamu'a, tawe saran sangkatou wotongnge maaṛṛu'uda, wuṛṛu amungkangu i Tou maṛṛuuda, tawe saran sangkatou wotongnge maawu'a.

SONDAPPA 4:4

Sulal᷊ummu atokke mal᷊imbulunna apan uapal᷊iwutta adderan araratuanna udde, pia ruam pul᷊o appata adderan araratuanna waine. Isudde ua'ianna ruam pul᷊o appata piaṛṛange apan uapedettu mawira, wuṛṛu ual᷊uṛṛen araposa wul᷊awanna.

SONDAPPA 4:6

Pia lai isudde su saruannu adderan araratuanna sambau apan aellehanna ere tahal᷊oangnga kaca, matilangnga ere kristal. Uapal᷊iwutta adderan araratuanna, suapan sandiṛṛane, pia appata riadianna, apan su saruanne wuṛṛu su liudde napene mata.

SONDAPPA 4:9

Siri appata riadianna udde mangngantari antarin daralo, addata wuṛṛu a'adiangkamanna si Tou apan ua'ianna su adderan araratuanna udde, eteudde i Tou apan wiakka saran mal᷊annu-l᷊annu. Wuṛṛu su tempo manga riadianna udde mangngantari,

SONDAPPA 5:6

Wua'udde i ya'u naasilo sambau Ana'u Domba apan uarisikka supattangngannu adderan araratuanna udde, papal᷊iwutannu sire appata riadianna wuṛṛu anambon piaṛṛange. Ana'u Domba udde aellehanna naal᷊ihida ere suete nipototta. I tou pia pitu tatandu'a wuṛṛu pitu mata; eteudde pitu Ghaṛṛahon Ruata apan suete nirolokka su ahewallu runia.

SONDAPPA 6:1

Wua'udde i ya'u naasilo Ana'u Domba udde namesangnga segele paarorone su wallatu segele pitu udde. See ya'u naaringikka sambau su wallatu riadianna udde nabbisara, “Wette!” Tingikke naal᷊ihidda ere tingikku rallu'a.

SONDAPPA 6:6

Wuṛṛu i ya'u naaringikka sambau apan niaringiṛṛana ere tingikka apan u'ui wuassu pattangngannu sire appata riadianna udde. Tingikka udde nabbisara, “Salliteṛṛe gandumma apan mapia, aregan lal᷊antaku allo massallo, wuṛṛu tallun liteṛṛe gandumma paṛṛalane aregane ere lal᷊antaku allo massallo lai. Arawe imbaṛṛanga mandal᷊eo manga alun Zaitun wuṛṛu waillu anggore!”

SONDAPPA 7:11

Anambon mala'ekatta uarisikka uapal᷊iwutta adderan araratuanna wuṛṛu manga piaṛṛange see sire appata riadianna udde. Manga mala'ekatta udde uaruutta su saruannu adderan araratuanna see nassubba Ruata.

SONDAPPA 7:15

Ana waugu udde i mangitou uarisikka su saruannu adderan araratuannu Ruata, wuṛṛu mattaṛṛamawu si Tou allo ṛabbi su Wal᷊e Mawu. Wuṛṛu i Tou apan ua'ianna su adderan araratuanna udde sarun masemodda ringanni mangitou wuṛṛu manirungnga si mangitou.