SONDAPPA 4:7 - WUKE SUSI WATTI'U AL᷊AL᷊USASSA

⁷ Riadianna paarorone aellehanna naal᷊ihida singa, aruane naal᷊ihida sapi esakka. Atallune hatine naal᷊ihida hatin taumata. Aiappane aellehanna naal᷊ihida manu'a rajawali tantal᷊anna tuttalla'a.

SONDAPPA 4:7 Iomraidhean Croise

PANDARIADDI 49:9

I Yehuda naal᷊ihidda singa saṛṛen tumuwo; i tou namate seenne, ana see nabelengnga su sal᷊akke; i tou nagaṛṛuannata ana see nilumallowanga, wuṛṛu tawe saran sangkatou apan baṛṛani manal᷊asa'i tou.

2 SAMUEL 1:23

I Saul wuṛṛu i Yonatan, aroddi masaṛṛionto'a wuṛṛu arangnguanna; sidutu uaaukka sulal᷊ummu wiakka wuṛṛu papate; i mangitou mallihaṛṛanna wuassu manu'a garuda mattohasanna wuassu singa saṛṛentumuwo.

AMSAL 28:2

Amungkangngu walahanna marosa, piaṛṛangnge ual᷊al᷊ol᷊ossa; amungkangngu piaṛṛangnge pande, walahanna sarun matatana'a wuṛṛu sidutu su lal᷊umanna'a.

YESAYA 40:31

Arawe taumata apan mangunsandakka su Mawu, sarun maasomba atatohassa wakku. I mangitou naal᷊ihidda manu'a rajawali apan tuttalla'a matanggakka ringannu atatohassu papaidde. I mangitou tuttal᷊angnga wuṛṛu tawe maapendamma mal᷊otakka, i mangitou u'amatta wuṛṛu tawe mabbal᷊i mallome.

YEHEZKIEL 1:10

Suapan riadianna udde pia appatta hatine apan uapapaṛṛala; hatin taumata su saruanne, hatin singa su aikkatanna, hatin bantenga su aiṛṛine, wuṛṛu hatin rajawali su liudde.

YEHEZKIEL 1:8

Su liuddu appatta hati wuṛṛu ruan pare papaidda udde, i mangitou lai pia ta'iakku taumata su al᷊ungngu suapan papaidda.

YEHEZKIEL 10:14

Suapan mala'ekatta udde uatahuanna appata hati apan uapapaṛṛala. Hati paarorone eteudde hatin bantenga, aruane hatin taumata, atallune hatin singa, wuṛṛu aippanne hatin rajawali.

YEHEZKIEL 10:21

Manga mala'ekatta udde sambau-sambau uatahuanna appata hati, ruan pare papaidda, wuṛṛu lai sambau apan naal᷊ihidda ta'iakku taumata su al᷊ungngu manga papaidda udde.

DANIEL 7:4

Iapa paarorone lihidde ere singa, erawe i tou uatahuanna papaiddu manu'a garuda. Sutempo i ya'u ma'ellega si tou, inaṛṛombanganne papaidde nasawutta wuṛṛu napallossa; i tou nawengketta wuassu leta'a wuṛṛu niaparisikka su leddane ruan ba'a ere taumata wua'udde nionggol᷊annu ringiddu taumata.

OBAJA 1:4

Salaiwe i'o ma'ola'a wal᷊enu ere atanggakku sal᷊aku manu'a rajawali, wuṛṛu ere atanggakku manga anumpitanna su langitta, i'o sarun Ta'u iema'a.

REENGANNA 23:24

Walahanna udde naddisikka naal᷊ihidda singa wawine, wuṛṛu uarisikka matul᷊idda naal᷊ihidda singa esakka. I tou tawe lumallowangnga tantal᷊anna taambe niuminassa seenne wuṛṛu ma'inumma daṛṛan binatangnga sasamba apan tinamboanne.”

REENGANNA 24:9

Walahanna udde naal᷊ihidda singa esakka wuṛṛu singa wawine, apan uarammangnga wuṛṛu uatattere. Isai waṛṛani mamu'o si tou? Doronganna taumata apan mangal᷊amatta si'o sarun al᷊amatanna, wuṛṛu taumata apan mamontoga si'o sarun wontohanna.”

1 KORINTUS 14:20

Manga tuṛṛangnga! Arie paṛṛingidda ere al᷊aṛṛana'a. Sulal᷊ummu al᷊al᷊eo, ṛinone i yamiu uatatana'a ere ana'a maradio'a. Arawe sulal᷊ummu paṛṛaṛṛingidda, ṛinone i yamiu maola'a taumata apan timmaddete.

TAHIUL᷊E 28:49

Sambau walahanna apan tawe asunnanni yamiu wisarane sarun iaparantan Mawu wuassu pentakku runia iaparoappa si yamiu. Naal᷊ihidda manu'a iamba i mangitou mangametta si yamiu.

SONDAPPA 4:6

Pia lai isudde su saruannu adderan araratuanna sambau apan aellehanna ere tahal᷊oangnga kaca, matilangnga ere kristal. Uapal᷊iwutta adderan araratuanna, suapan sandiṛṛane, pia appata riadianna, apan su saruanne wuṛṛu su liudde napene mata.

SONDAPPA 6:3

Wua'udde Ana'u Domba udde namesangnga segele aruane, wuṛṛu ya'u naaringikka riadianna aruane nabbisara, “Wette!”

SONDAPPA 6:5

See Ana'u Domba udde namesangnga segele atallune. Wuṛṛu i ya'u naaringikka riadianna atallune nabbisara, “Wette!” I ya'u na'ellega, ne niasiloangku sambau awal᷊o ma'itumma sumasa'ene uaaggasa sampare tatimbanganna su limane.

SONDAPPA 6:7

Wua'udde Ana'u Domba udde namesangnga segele aiappane. Wuṛṛu i ya'u naaringikka riadianna aippane nabbisara, “Wette!”