SONDAPPA 4:5 - WUKE SUSI WATTI'U AL᷊AL᷊USASSA

⁵ Wuassu adderan araratuanna udde lukkena semakku sawallo wuṛṛu sinumabanga tingikku rallu'a mappose. Wuṛṛu su saruannu adderan araratuanna udde pia pitu sol᷊o lukkenggama; eteudde pitu Ghaṛṛaho Ruata.

SONDAPPA 4:5 Iomraidhean Croise

PANDARIADDI 15:7

Wua'udde Mawu nabbisara apia si tou, “Ete i Ya'u Mawu, apan buatte namiaṛṛangngu sinumabbangnga wuassu wanua Ur su Babilonia, tadea'u panantilannu leta'a indi si'o maola'a pusaanu.”

DARALO 68:35

Panga'ute taṛinon Duata apan uaparenta su Israel, taṛino-Ne naddatingngu langitta.

SASABANGNGA 19:16

Su allo atallune, su tempo marua allo, pia dallu'a wuṛṛu sawallo. Winabbawa apan maappala nilumapputa wuassu puiddu wowone wuṛṛu niaringikke tingikku trompetta apan tumaniten ma'ikatta. Anambon taumata su paddasananna mangngindon atata'utta.

SASABANGNGA 20:18

Napawe manga taumata naaringikka rallu'a wuṛṛu tingikku trompeta, apiddu naasilo sawallo wuṛṛu wowone pia timbulla, i mangitou mangngiladda matta'utta wuṛṛu dirumarisikka marau-rau.

SASABANGNGA 25:37

Pa'ola'e pitu sol᷊o su leddan sol᷊o udde wuṛṛu addoa'e paapia-pia tadea'u semakke manawo su saruanna.

SASABANGNGA 37:23

Su leddan sol᷊o udde niolangnge pitu sol᷊o ringannu bawaresi sumbun sol᷊o wuṛṛu pangadoanne wuassu wul᷊awanna tutune.

YEHEZKIEL 1:13

Su pattangngannu manga riadianna udde pia sambau apan aasiloanna ere waṛṛan putungnga ara'e obore lukkenggamma apan u'al᷊ore tawe illol᷊one. Putungnga udde lukkawiassa wuṛṛu maṛṛente'u ṛenggamme ere sawallo.

YOEL 3:16

Mawu u'ui wuassu Sion, wowonen Tou; wuasu Yerusalem nirumallu'a tingik-Ke. Langitta wuṛṛu runia niumio'a ana waugu i Tou. Arawe Mawu sidutu sarun mannamba'a wuṛṛu manirungnga Israel, uman-Ne.

ZAKARIA 4:2

“Apa apan niasiloannu?” aiwal᷊one. “Sambau leddan sol᷊o wuassu wul᷊awanna,” sasimba'u. “Su pentakke al᷊iu rosone pia tampan lanane, wuṛṛu uapal᷊iwutta pia pitu sol᷊o, apan sambau-sambau uatahuanna pitu tampan nanal᷊i ara'e sumbune.

MATIUS 25:1

“Napawe Ana'u Taumata rumanta ere Mawu, olangnge ere sulal᷊ummu sasumandingnga indi: Sire mapul᷊o maṛṛuala mamantuga ma'aawingnga, sangkatou-sangkatou nanganu sol᷊o, see inai manal᷊oho ma'aawingnga esakka.

MATIUS 3:11

I ya'u mannaṛṛani si yamiu ringannu ua'e, udde mappaal᷊iatta'a manungku i yamiu nawal᷊ute wuassu paddarosang kamiu, arawe apan sarun dumanta sal᷊immurine wuassia'u, sarun manaṛṛani si yamiu ringannu Ghaṛṛahon Duata wuṛṛu putungnga. I Tou maggewal᷊anna wuassia'u saran mangapiddu sapatune lai Ya'u tawe su ṛinone.

WATTI'U MANGA RASUL 2:3

See i mangitou naasilo manga lila ere ṛenggammu putungnga mangngeekka su al᷊awo'u tampa wuṛṛu inumarunna si mangitou sangkatou-sangkatou.

SONDAPPA 1:4

Manga tuṛṛanga apan uatana'a su pitu jamaatta su leta'u Asia! I ya'u Yohanes, mangngantimma i yamiu onggol᷊annu al᷊amatta wuṛṛu al᷊al᷊uassa wuassu Ruata – eteudde i Tou apan nirumanta, apan nirumantate wuṛṛu apan nirumanta sarangkal᷊o'engnge – wuṛṛu lai wuassu pitu ghaṛṛaho apan uatana'a su saruannu adderan araratuannu Ruata,

SONDAPPA 10:3

See i tou inumui ringannu tingikka ma'ikkatta naal᷊ihidda tingikku manga singa. Napawe mala'ekatta udde suete niumui, pitu rallu'a sinumibakka ringannu tingikka mappose.

SONDAPPA 11:19

Ne, nawu'ate Wal᷊en Ruata su surga, wuṛṛu niasiloante Wantalu Pa'aire sulal᷊umme. See nariaddite sawallo ma'ilatta wuṛṛu tingikku rallu'a mappose wuṛṛu ruddallu'a, see lai linukka wuṛṛu uranna eissa apan masassaga.

SONDAPPA 3:1

“Su mala'ekattu jamaatta su Sardis, woṛṛetta'a arendi: Ete indi tanata wuassi Tou apan uatahuanna pitu ghaṛṛaho wuassu Ruata wuṛṛu anumpitanna pitu udde. I Ya'u masingkata apa apan a'olaanni yamiu. Unni Tou i yamiu wiakka, wutte'e nate!

SONDAPPA 5:6

Wua'udde i ya'u naasilo sambau Ana'u Domba apan uarisikka supattangngannu adderan araratuanna udde, papal᷊iwutannu sire appata riadianna wuṛṛu anambon piaṛṛange. Ana'u Domba udde aellehanna naal᷊ihida ere suete nipototta. I tou pia pitu tatandu'a wuṛṛu pitu mata; eteudde pitu Ghaṛṛahon Ruata apan suete nirolokka su ahewallu runia.

SONDAPPA 8:5

Wua'udde mala'ekatta nanganu pananutunganna amania udde, wuṛṛu niloṛṛoantem putungnga wuassu meddan sasamba, see tinuntunga su wowon dunia. Ne rallu'a naposete wuṛṛu sawallo ma'ilatte, wuṛṛu nariaddite linukka.