SONDAPPA 4:2 - WUKE SUSI WATTI'U AL᷊AL᷊USASSA

² I ya'u lapiddu niintaṛṛoannu Ghaṛṛahon Ruata. See i ya'u naasilo su surga pia sambau adderan araratuanna, wuṛṛu pia sangkatou ua'ianna su adderan araratuanna udde.

SONDAPPA 4:2 Iomraidhean Croise

1 MARARATU 22:19

I Mikha nabbisara apia, “Orassa indi paddaringikka apa apan niwisaran Mawu! I ya'u naasilo Mawu ua'ianna su aṛṛa'uan-Ne su surga, wuṛṛu anambon mala'ekan-Ne uarisikka marani-Ne.

DARALO 11:4

Mawu su Wal᷊en-Ne apan susi, aianan-Ne su surga. I Tou ma'ellega umattu taumata wuṛṛu maasingkatta al᷊awo'u inolaanni mangitou.

YESAYA 6:1

Sulal᷊ummu tonna i Ratu Uzia nate, i ya'u naasilo Mawu. I Tou ua'ianna su adderan araratuan-Ne apan matanggakka wuṛṛu mawantuga. Juba-Ne uataappa ahewallu Wal᷊en Mawu.

YEREMIA 17:12

Wal᷊en Mawu kite ere wal᷊en araratuanna apan mawantuga, su wowone apan matanggakka ro'en paarorone.

YEHEZKIEL 1:26

Al᷊iu rosone su atuppa udde pia sambau saranapa lihidde ere adderan araratuanna wuassu watu nilam, wuṛṛu rosone ua'ianna sangkatou ere taumata.

YEHEZKIEL 1:28

wuṛṛu manambo kalurene ere randipakka. Eteudde semakka lullansiangnga apan mapal᷊iatta'u daranta Mawu. Naasilo udde, i ya'u nanawo uarammangnga su leta'a. See i ya'u naaringikka tingikka apan

YEHEZKIEL 10:1

Ana see i ya'u na'ellega watukku atuppa apan roso su pua manga mala'ekatta udde, wuṛṛu i ya'u naasilo sambau apan ere adderan araratuanna wuassu watu nilam.

DANIEL 7:9

Tantal᷊anna i ya'u sidutu mannutukka, manga pira adderan araratuanna tantal᷊anna iaaddo. Ana see i Tou apan wiakka saran mal᷊annu-l᷊annu ua'ianna su wowon wallattu sambau wuassu manga adderan araratuanna udde. Laung-Nge wuṛṛu utang-Nge mawira ere sangarenna. Adderan araratuan-Ne ringannu manga bolane lukkenggamma ana waugu renggammu putungnga,

MATIUS 22:43

“Amungkangngu aroddi,” aiwal᷊o Mawu Yesus, “anio Ghaṛṛahon Ruata nangaṛṛa'a si Daud managgon Ratum Punnu Sal᷊amatta ‘Mawu’? Ana waugu i Daud nabbisara,

IBRANI 8:1

Punnu anambon hatto indi eteudde: I ite uatahuanna Imam Wahewa apan ereudde, apan ua'ianna mammarenta su sambau ringannu Ruata Lembon Ahebal᷊anne su surga.

SONDAPPA 1:10

Su allo Mawu, i ya'u niaasuttannu Ghaṛṛahon Ruata, see i ya'u naaringikka tingikka apan ma'ikkatta – nassul᷊ungngu tingikku trompeta – mabbisara su liu'u.

SONDAPPA 12:5

See wawine udde nangunsiweten sangkatou ana'a esakka apan sarun mamarenta anambon walahanna ringannu tatumma'inna atta'a. Arawe ana'a udde niaṛṛo wuassu wawine udde, see niapidda ringannu Ruata wuṛṛu su saruannu adderan araratuan-Ne.

SONDAPPA 17:3

See Ghaṛṛahon Ruata nangintaṛṛo si ya'u, wuṛṛu mala'ekatta udde nangapi'u watukku wadda'a. Poiaroddi ya'u naasilo sangkatou wawine ua'ianna su wowon sambau winatangnga wambul᷊une maṛṛamu uaitumma, wuṛṛu napenem boṛṛetta ringannu manga aranna aal᷊uandaga su Ruata. Winatangnga udde puane pitu wuṛṛu tatandunge mapul᷊o.

SONDAPPA 19:4

Ne sire ruam pul᷊o appata piaṛṛange wuṛṛu sire appata riadianna apan uapal᷊iwutta adderan araratuanna udde inumaruutta wuṛṛu nassubba Ruata apan ua'ianna su adderan araratuanna. I mangitou nabbisara, “Amin! Paddalote Ruata!”

SONDAPPA 20:11

Napawe wua'udde i ya'u naasilo sambau adderan araratuanna mawira apan bahewalla wuṛṛu i Tou apan ua'ianna su wowone. Langitta wuṛṛu runia nawul᷊i wuassu saruan-Ne na'oman sara tate lai iasilo.

SONDAPPA 21:10

Ne Ghaṛṛahon Ruata nangintaṛṛo si ya'u, wuṛṛu mala'ekatta udde nangapi'u watukku wowone apan tumaniten matanggaka. I tou namantingiddu Yerusalem si ya'u, soa susi udde, soa udde nonto'a wuassu surga, wuassu Ruata,

SONDAPPA 21:5

See i Tou apan ua'ianna su adderan araratuanna udde nabbisara, “Orassa indi sarangkanambone Ta'u olaanna wakku!” I Tou nabbisara lai si ya'u, “Woṛṛetta'a indi, ana waugu manga wisara indi atonna, wuṛṛu wotongnge apangimananna.”

SONDAPPA 3:21

I mangitou apan naauntunga, sarun Ta'u iwala uma'ianna su adderan araratuang-Ku su sambau ringang-Ku, ere i Ya'u sassane lai suete na'auntunga wuṛṛu orassa indi ua'ianna suadio'a ringannu Iamang-Ku su adderan araratuan-Ne.

SONDAPPA 4:10

sire ruam pul᷊o appata piaṛṛange udde uaaruutta su saruannu taumata apan ua'ianna su adderan araratuanna udde, see massubba si Tou apan wiakka saran mal᷊annu-l᷊annu. Wua'udde i mangitou nanuntungngu manga araposan araratuanni mangitou su saruannu adderan araratuanna udde lapiddu nabbisara,

SONDAPPA 4:5

Wuassu adderan araratuanna udde lukkena semakku sawallo wuṛṛu sinumabanga tingikku rallu'a mappose. Wuṛṛu su saruannu adderan araratuanna udde pia pitu sol᷊o lukkenggama; eteudde pitu Ghaṛṛaho Ruata.

SONDAPPA 4:9

Siri appata riadianna udde mangngantari antarin daralo, addata wuṛṛu a'adiangkamanna si Tou apan ua'ianna su adderan araratuanna udde, eteudde i Tou apan wiakka saran mal᷊annu-l᷊annu. Wuṛṛu su tempo manga riadianna udde mangngantari,

SONDAPPA 5:1

Wua'udde i ya'u naasilo sambau lul᷊unnu wuke su liman i Tou apan ua'ianna su adderan araratuanna udde. Wuke udde napenem woṛṛetta su ruam baane wuṛṛu nireetannu pitum bau segele.

SONDAPPA 5:13

See i ya'u naaringikka al᷊awo'u riadianna su langitta, su runia, su wantan runia wuṛṛu sulal᷊ummu tahal᷊oangnga – aunne al᷊awo'u riadianna su ul᷊ilim pati'uppa indi – mangngantari, “I Tou apan ua'ianna su adderan araratuanna, wuṛṛu Sangkatou Ana'u Domba udde, mangke raddaloanna wuṛṛu a'addatanna see awantuhanne wuṛṛu uataṛṛino saran mal᷊annu-l᷊annu!”

SONDAPPA 6:16

Su manga wowone wuṛṛu su manga watu udde, i mangitou u'ui, “Aema'e si yami! Wunia'awe i yami wuassu aellegi Tou apan ua'ianna su adderan araratuanna, wuṛṛu wuassu asasa'un Ana'u Domba udde!