SONDAPPA 3:14 - WUKE SUSI WATTI'U AL᷊AL᷊USASSA

¹⁴ “Su mala'ekattu jamaatta su Laodikia, woṛṛetta'a arendi: Ete indi tanata wuassu Awantuhanne Amin, Mattatiala apan matammuda wuṛṛu naṛṛino, punnu al᷊awo'u sarannapa apan niola'u Ruata.

SONDAPPA 3:14 Iomraidhean Croise

PANDARIADDI 49:3

I Ruben, ana'u pahul᷊une, ete i'o auatangku, wua paarorone wuassu atatoha'u. I'o awaṛṛanianne wuṛṛu atohasanne su wallatu anambon ana'u.

AMSAL 14:5

Matatiala apan matul᷊idda sidutu mabbatti'u ṛinone, matatiala apan tawe apangimananna sidutu mammahia.

AMSAL 8:22

I ya'u niriaddin Mawu naola'a paarorone, ete i ya'u lanna'u manara-Ne apan paarorone sutempon al᷊amona.

YESAYA 55:4

Mangke atonna, i tou Ta'u itenega piaṛṛa'a wuṛṛu panglima, tialan taṛṛino-U su manga walahanna.

YESAYA 65:16

Suapan taumata su wanua udde apan maddorongnga al᷊amatta, sarun maddorongnga al᷊amatannu Ruata apan satia. Suapan taumata apan massalu, sarun massalu ringannu arannu Ruata apan satia. Ana waugu asasusa apan dorone nawul᷊ite wuṛṛu nitimbul᷊ianante.”

YEREMIA 42:5

I mangitou nabbisara si ya'u, “I yami sumal᷊ande si Papa umal᷊iomanna su Mawu Ruatang kite, ana waugu i yami tumuṛṛutte si Tou, tadea'u wiakki yami maola'a mapia. Nariaddi, mapia ara'e lal᷊eo tanata Mawu udde, i yami sarun tumuṛṛutta. Wala'e Mawu maola'a matatialane apan matul᷊idda wuṛṛu satia si yami, amungkangngu i yami tawe tumuṛṛutta anambon parenta nionggollu Mawu si yami wuassi Papa.”

YOHANES 1:3

Sarangkanambone niola'a sulal᷊ummi Tou, wuṛṛu wuassu al᷊awo'u apan piate, tawe saran sambau apan inola'a tawedi Tou.

YOHANES 8:14

Mawu Yesus sinumimbakka, “Salaiwe i Ya'u mangngonggolu tatiala su ola'u riri-U sassane, tatiala-U udde atonna; ana waugu i Ya'u masingkatta wuassuapa i Ya'u nirumanta wuṛṛu watukku apa i Ya'u inai. I yamiu wagga wuassuapa i Ya'u nirumanta wuṛṛu watukku apa i Ya'u inai.

2 KORINTUS 1:20

Ana waugu sulal᷊ummi Tou Ruata suete nabbisara “Ore” su al᷊awo'u paaire-Ne. Ana waugu udde i ite mabbisara “Amin” su Ruata ana waugu Yesus Kristus. I yami na'ola'a aroddi tadea'u Ruata wantuhanna.

TAHIUL᷊E 21:17

I tou ṛinone mangonggolu wageangnga paarua anambone wuassu pa'a'alane su ana'a esakka pahul᷊une, salaiwe ana'a udde wal᷊ine ana'a wuassu awingnga arangnguanne. Pussaan ana'a pahul᷊u ṛinone a'uannu iamangnge, wuṛṛu su ana'a udde ṛinone onggol᷊annu leta'a apan maola'a pussaane tumuṛṛuttu tita.”

KOLOSE 1:15

Eteudde Kristus hambaranna apan matualaga wuassu watangannu Ruata apan tawe asiloanna; eteudde Kristus Ana'a pahul᷊une, apianne wuassu manga al᷊awo'u inolaanna.

KOLOSE 1:18

Ete i Tou tembonannu wuassu wadang-Nge, eteudde jamaatta, ana waugu ete i Tou punnu pabbawiakku jamaatta udde. Ete i Tou Ana'a pahul᷊une, apan paarorone niapaawiakka apia wuassu papate, tadea'u i Tou sassane apan maola'a apianne wuassu al᷊awo'u riadianna.

KOLOSE 2:1

I ya'u maapulu i yamiu maasingkata ereapa ahewalle i ya'u mammanara hunan kamiu, wuṛṛu hunan mangitou su Laodikia see anambon taumata apan tawe maaillal᷊a si'u sassane.

KOLOSE 4:16

Napawe suratta indi suete niwasan kamiu, suapan botongnge wasa'a lai ringannu jamaatta su Laodikia. Aroddi lai yamiu sassane ṛinone mabbasan suratta apan sarun iroho wuassu Laodikia si yamiu.

SONDAPPA 1:11

Tingikka udde nabbisara, “Woṛṛetta'a apa apan niasiloannu, wuṛṛu onggol᷊a'a wuke udde su pitu jamaatta apan isassago indi: Efesus, Smirna, Pergamus, Tiatira, Sardis, Filadelfia, wuṛṛu Laodikia.”

SONDAPPA 1:5

wuṛṛu wuassi Yesus Kristus, mattatiala apan matuṛṛuta. Ete i Tou apan paarorone niapaawiakka apia wuassu papate wuṛṛu ete i Tou ahebbal᷊anne uaparenta manga ratun runia. Mawu Yesus mandangngu si ite, wuṛṛu ringannu papate-Ne, i Tou napaal᷊iung kite wuassu manga rosang kite,

SONDAPPA 19:11

Wua'udde i ya'u naasilo surga nawu'a, see niasiloanna sambau awal᷊o mawira. Sumasa'e-Ne aranne Matuṛṛuta wuṛṛu Atonna. I Tou matul᷊idda sulal᷊ummu mangema'u ṛuumanna wuṛṛu sulal᷊ummu pangalo apan niolang-Nge.

SONDAPPA 2:1

“Su mala'ekattu jamaatta su Efesus, woṛṛetta'a arendi: Ete indi tanata wuassi Tou apan uaagassa anumpitanna pitu su lima uanan-Ne, wuṛṛu u'amatta su wallatu pitu leddan sol᷊o wul᷊awanna udde.

SONDAPPA 21:6

See i Tou nabbisara, “Nasuete! Ete i Ya'u paarorone wuṛṛu pangudusanne; ete i Ya'u Mawu apan wuassu Panattaṛṛanne ma'omam Panginsueanne. Suapan taumata marou, Ta'u iapa'inumma ringannu tawe bawaekke, wuassu al᷊imatan ua'e apan mangngonggolu wiakka.

SONDAPPA 22:13

Ete i Ya'u apan paarorone wuṛṛu pangudusanne; Ete i Ya'u Mawu apan Panattaṛṛanne ma'oman sara Panginsueanne.”

SONDAPPA 22:6

See mala'ekatta udde nabbisara si ya'u, “Manga wisara indi atonna wuṛṛu wotongnge apangimananna. Mawu Ruata apan nangonggolu Ghaṛṛaho-Ne su manga nabi, suete nandolokku malaekan-Ne mamantingida su manga allang-Nge apa apan sarun mal᷊ihakke mariaddi.”

SONDAPPA 3:7

“Su mala'ekattu jamaatta su Filadelfia, woṛṛetta'a arendi: Ete indi tanata wuassi Tou apan susi wuṛṛu tutune. Ete i Tou uaaggasa a'unsi apan tatahuananni Daud; amungkangu i Tou mamu'a, tawe saran sangkatou wotongnge maaṛṛu'uda, wuṛṛu amungkangu i Tou maṛṛuuda, tawe saran sangkatou wotongnge maawu'a.