SONDAPPA 22:8 - WUKE SUSI WATTI'U AL᷊AL᷊USASSA

⁸ I ya'u Yohanes, suete naaringikka wuṛṛu naasilo sarangkanambone indi. Napawe i ya'u suete naaringikka wuṛṛu naasilo udde, i ya'u inumaruutta su saruannu mala'ekatta apan suete namantingiddu sarangkanambone udde si ya'u, wuṛṛu i ya'u ṛinone massubba si tou,

SONDAPPA 22:8 Iomraidhean Croise

DANIEL 2:46

Ana see niumalintuddate Ratu Nebukadnezar su saruanni Daniel wuṛṛu namarenta tadea'u Daniel addatanna wuṛṛu si tou ionggolla sasamba itattambunna see lai manga sasamba waine.

WATTI'U MANGA RASUL 10:26

Arawe i Petrus nantul᷊ungngi tou niapararisikka, see nabbisara, “Darisikke! I ya'u lai sassane taumata.”

SONDAPPA 1:1

Lal᷊oṛṛon wuke indi mabatti'a su ola'u apa apan suete niapaal᷊iatta'u Mawu Yesus su ola'u manga arariaddianna apan sarun mariaddi. Ruata namasingkata Mawu Yesus tadea'u i Tou mamasingkata su manga allangngu Ruata, apa apan ṛinone mal᷊ihakke mariaddi. Kristus nandolokku mala'ekan-Ne si Yohanes, allang-Nge, iapapasingkatu manga arariaddianna udde si tou.

SONDAPPA 1:4

Manga tuṛṛanga apan uatana'a su pitu jamaatta su leta'u Asia! I ya'u Yohanes, mangngantimma i yamiu onggol᷊annu al᷊amatta wuṛṛu al᷊al᷊uassa wuassu Ruata – eteudde i Tou apan nirumanta, apan nirumantate wuṛṛu apan nirumanta sarangkal᷊o'engnge – wuṛṛu lai wuassu pitu ghaṛṛaho apan uatana'a su saruannu adderan araratuannu Ruata,

SONDAPPA 19:10

I ya'u nassumaga su saruannu mala'ekatta udde ana waugu nassubba si tou, arawe i tou nabbisara si ya'u, “Arie! Arie passubba si ya'u, passubbate Ruata! Ana waugu i ya'u lai allangnga ere i'o wuṛṛu ere anambon tuṛṛangu apan uaaggasa matohassa su watti'u Mawu Yesus!” Ana waugu ete watti'u Mawu Yesus udde mannantiro manga taumata apan mabatti'u papatta.

SONDAPPA 19:19

Wua'udde i ya'u naasilo winatangnga udde, wuṛṛu manga ratun runia ringannu manga ammul᷊annu tantara mangitou, uaammulla mapapangalo lumawanna si Tou apan uasa'e awal᷊o mawira udde, wuṛṛu manga tantara-Ne.