SONDAPPA 22:7 - WUKE SUSI WATTI'U AL᷊AL᷊USASSA

⁷ “Panutukke indi!” wisara Mawu Yesus, “I Ya'u sarun mal᷊ihakka rumanta. Lal᷊umanna'a su taumata apan tuttuṛṛuta manga ṛengetanna sulal᷊ummu wuke indi!”

SONDAPPA 22:7 Iomraidhean Croise

SONDAPPA 1:11

Tingikka udde nabbisara, “Woṛṛetta'a apa apan niasiloannu, wuṛṛu onggol᷊a'a wuke udde su pitu jamaatta apan isassago indi: Efesus, Smirna, Pergamus, Tiatira, Sardis, Filadelfia, wuṛṛu Laodikia.”

SONDAPPA 1:3

Lal᷊umanna'a su taumata apan mabbasa wuṛṛu maddaringikka watti'u papattam wuke indi see tuttuṛṛuta apa apan uawoṛṛetta sulal᷊ummu wuke indi. Ana waugu tate mal᷊annu lai sarangkanambone indi sarun mariaddi.

SONDAPPA 16:15

“Daringiṛṛete! I Ya'u rumanta ere taṛṛa ta'o! Al᷊al᷊uassa su taumata apan sidutu uataṛṛapa wuṛṛu uariaga peddene, ma'oman sara i tou tawe umamatta tantol᷊e wuṛṛu masili su saruannu awadaalla!”

SONDAPPA 2:16

Ana waugu udde, awal᷊ute wuassu manga rosanu! Amungkangu tawe, tate mal᷊annu lai Ya'u sarun rumanta ringanni yamiu wuṛṛu mamangalo manga taumata udde ringannu hal᷊ele apan uaraddo su moṛṛong-Ku.

SONDAPPA 22:12

“Panutukke indi” wisara Mawu Yesus, “Tate mal᷊annu lai I ya'u sarun rumanta ringannu uaapiddu lal᷊antakke ipabbal᷊issa al᷊awo'u taumata tumuṛṛuttu inolaannu sambau-sambau.

SONDAPPA 22:18

Su al᷊awo'u taumata apan naaringikka manga wisara papatta sulal᷊ummu wuke indi, ya'u, Yohanes, mangonggolu pananaunganna indi: amungkangu pia taumata manamba manga wisara su papatta indi, ne Ruata sarun manamba lai ṛuumannu taumata udde ringannu manga asasusa apan niwoṛṛeta sulal᷊ummu wuke indi.

SONDAPPA 22:19

Wuṛṛu amungkangu taumata nanggaingnga salaiwe sampaddi wuassu manga wisaran papatta indi, ne Ruata lai sarun manggaingnga wageangnge apan niwoṛṛeta sulal᷊ummu wuke indi – eteudde wageangnge wuassu punnu wiakka wuṛṛu wuassu soa susi udde.

SONDAPPA 22:20

I Tou apan namasingkatu anambon watti'a indi nabbisara, “Atonna, i Ya'u mal᷊ihakke rumanta!” Amin! Rantate, o Mawu Yesus!

SONDAPPA 22:21

Sal᷊andeanna Mawu Yesus sarun mangonggolu al᷊aman-Ne su anambon al᷊aṛṛana'u Ruata!

SONDAPPA 3:11

I Ya'u mal᷊ihakke rumanta! Paariagai paapia-pia apa apan tatahuananni yamiu, tadea'u tawe saran sangkatou mangaṛṛo lal᷊antaku auntungannu.

SONDAPPA 3:3

Nariaddi, naungete apia-apa apan suete niaṛṛa'a si yamiu rorone wuṛṛu apa apan suete niaringiṛṛani yamiu. Ola'e udde wuṛṛu awal᷊ute wuassu manga rosanu. Amungkangu i yamiu tawe maatimpu'o, i Ya'u sarun rumanta ringanni yamiu ere sangkatou taṛṛa ta'o; wuṛṛu i yamiu wagga tingngerate tempone i Ya'u rumanta.