SONDAPPA 22:15 - WUKE SUSI WATTI'U AL᷊AL᷊USASSA

¹⁵ Arawe manga taumata apan ma'ola'a pallal᷊agu lal᷊eo, taṛṛa wal᷊i'i mata, manga taumata sussandaga, taṛṛa pate, masasubba paal᷊uanna, wuṛṛu manga taumata taṛṛa wahia, mapia ringannu wisara ara'e lai ringannu pallal᷊agu, anambon taumata udde tampane su liuddu soa udde.

SONDAPPA 22:15 Iomraidhean Croise

1 MARARATU 22:8

I Ahab sinumimbakka, “Ta'e pia sangkatou, i Mikha ana'i Yimla. Arawe i ya'u maddantinni tou, ana waugu tawe saran paassa i tou maramallu apa apan mapia si ya'u; sidutu apan dal᷊eo.” “Eh, arie pabbisara aroddi!” sasimbakki Yosafat.

AMSAL 12:22

Mawu maddantinnu taumata awusu; arawe i Tou mal᷊uassa su taumata apan matul᷊idda.

AMSAL 7:27

Inai watukku wal᷊ene mangal᷊ene namile lal᷊anna maautta ipattuddan papate.

YESAYA 47:12

Panidutute al᷊awo'u daroanu wuṛṛu wali'imatanu, apan mamma katta si'o ro'en i'o ta'e addio'a. Isai masingkatta udde pia gunane si'o, tadea'u ipamata'utta manga seennu.

YESAYA 47:9

Arawe tumba'u sangkaṛṛondapa, sulal᷊ummu allo massallo, hatto darua udde sarun mariaddi maṛṛindo'a. Salaiwe i'o mappaattu wal᷊i'imata wuṛṛu laṛṛopa, awingngu esakka wuṛṛu anangungu insueanna lai.

YESAYA 57:3

Arawe i yamiu, ammul᷊annu taumata marosa, rantate parikisanna! I yamiu tawe mappianne wuassu taṛṛa wal᷊i'immata, taumata apan apulune sussandagga wuṛṛu mabbal᷊u'u watanganne!

YEREMIA 5:31

manga nabi mangngawusu, manga imam mangngimbe tumuṛṛuttu apulun naungnge sassane wuṛṛu i yamiu uma-U mappulun inolaanna udde. Arawe apa apan sarun olaanni yamiu napawe nia'omante allo panginsueanne?”

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

MATIUS 7:6

Arie mangonggolu sarannapa na'ukkassa su asu, tadea'u asu udde tawe mangawal᷊i'a mamangalo si'o. Wuṛṛu arie mangonggolu mutiara su wawi, tadea'u wawi udde tawe maṛṛinda mutiara udde.”

MATIUS 8:12

Arawe manga taumata apan ṛinone maola'a al᷊aṛṛana'u Ruata sarun iramme su ararandumma su liudde. Isudde i mangitou sarun lumuai wuṛṛu matataṛṛangngu asasusa.”

YOHANES 8:46

Isai su wallatti yamiu wotongnge maatiala manungku i Ya'u pia dosa? Amungkangngu i Ya'u mabatti'u atatul᷊idda, anio i yamiu tawe mangngimanna si Ya'u?

WATTI'U MANGA RASUL 8:11

Mal᷊annute atonna i tou mappaagukku taumata ringannu bal᷊iimmatane, na'oman sara i mangitou mangngimanna si tou.

TAHIUL᷊E 23:18

Wuṛṛu lai roitta ina'ul᷊e sinumandaga imbaṛṛangnga iapidda su Wal᷊en Mawu Ruatanu ipamaekka riandi, ana waugu Mawu Ruatanu maddantinnu sumasandaga su tampan pasasubbanna wuṛṛu roitta wawaekku sussandaga.

FILIPI 3:2

Paatehamma su saruannu manga taumata apan ma'ola'a inolaanna lal᷊eo, manga taumata apan wotongnge isaggo ‘asu’. I mangitou mammata'a tadea'u manga taumata udde iapa sunatta.

KOLOSE 3:6

Manga inolaanna ereudde mapaal᷊atton wontogu Ruata su manga taumata apan mal᷊awangnga.

1 TIMOTIUS 1:10

su manga taumata masandagga, esakka uaapulun esakka, maṛṛarampasa, taṛṛa wahia, matatiala awusu, wuṛṛu suapan taumata apan ma'ola'a inolaanna lullawangnga al᷊aṛṛa'a apan naṛṛino.

SONDAPPA 18:23

Taumata tate lai maasilo semakku sol᷊o sulal᷊ummu soa; wuṛṛu tate aringiṛṛana lai ramea andeangngu awingnga isudde. Manga mabbawal᷊u'i yamiu eteudde manga taumata apan tinumelengke su runia, wuṛṛu ringannu manga apandem wal᷊i'immatanu i'o mangngawusu alawo'u walahanna su runia!”

SONDAPPA 21:27

Arawe taumata apan inolaanne ma'arantina, ara'e taumata taṛṛa wahia – aunne al᷊awo'u alal᷊eo, tawe maasutta sulal᷊umme. Apan botongnge maasutta tumba'u taumata apan aranne uawoṛṛetta sulal᷊ummu Wuken Taumata Wiakka, Wuken Ana'u Domba udde.

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”