SONDAPPA 21:8 - WUKE SUSI WATTI'U AL᷊AL᷊USASSA

⁸ Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”

SONDAPPA 21:8 Iomraidhean Croise

AMSAL 19:5

Taumata apan mammahia su pallaṛṛuunganna, tawe mal᷊iu wuassu ṛuumanna.

AMSAL 19:9

Taumata apan mangngawusu su pallaṛṛuunganna sarun iṛṛuumanna wuṛṛu pateanna.

YESAYA 51:12

Mawu nabbisara, “Ete i Ya'u Mawu apan malluassa si yamiu. Anio i'o matta'uttu taumata apan mattate, su taumata apan niramme ere wal᷊abbuka?

YESAYA 57:11

Mawu nabbisara, “Isaite manga monganna udde apan naaola'a si yamiu matta'utta, na'oman sara i yamiu mangngawusu wuṛṛu tate mannaungnga si Ya'u? Apa i yamiu tate massubba si Ya'u lai ana waugu i Ya'u tumanite mal᷊annu uatine?

YESAYA 9:15

Manga piaṛṛa'u walahannu udde buatte nangal᷊iwu wuṛṛu nanongkakku tumana'u soa.

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

MATIUS 10:28

Arie mata'utti mangitou apan mammate wadangnga, arawe tawe taṛṛino mamate niawa. Ata'utten Duata apan uataṛṛino mamate, mapia ete wadangnga aroddi lai ṛimuudda sulal᷊ummu naraka.

MATIUS 25:25

I Ya'u matta'utta aroddi ya'u inai namunin doittu mawu sulal᷊ummu leta'a. Indete roinnu Mawu.’

MATIUS 8:26

“Anio i yamiu matta'utta?” unnu Mawu Yesus. “Pangangimanni yamiu si Ya'u mattul᷊ungnga!” Wua' udde Mawu Yesus dirumarisikka wuṛṛu nandona anginna wuṛṛu rano udde. See rano udde nabbal᷊ite nal᷊enakka atonna.

MARKUS 9:44

Poiaroddi putungnga tawe mappadumma wuṛṛu ul᷊ida tawe mate.]

YOHANES 8:44

Ete Setanna iamangngu, wuṛṛu i yamiu tuttuṛṛutta apulun iamangngu. Ro'en panataṛṛanne Setanna udde taṛṛa pate. I tou taambe saran paassa manamba'a apapia, ana waugu tawe apapia si tou. Amungkangngu i tou mangawusu, udde naṛṛino ana waugu ete aroddi pallal᷊agune. I tou taṛṛa awusu wuṛṛu punnu al᷊awo'u awusu.

TAHIUL᷊E 20:8

Manga tembonannu tantara lai ṛinone mamasingkattu indi si yamiu, ‘Apa suwallati yamiu pia taumata apan itattangngone wuṛṛu matal᷊o? Amungkangngu pia, i tou wotongngete mapul᷊e, tadea'u i tou tawe maaurangnga naungngu taumata wal᷊ine.’

2 TESALONIKA 2:9

Taumata lal᷊eo udde sarun rumanta ringannu sambau taṛṛino apan wahewalla wuassu Setanna. I tou sarun ma'ola'a al᷊awo'u hatin al᷊aṛṛindu'a wuṛṛu manga inolaanna apan wahewalla napenen bawahia.

1 TIMOTIUS 4:2

apan niapaasingkatu taumata lilangkamal᷊e'a wuṛṛu taṛṛa wahia. Lal᷊ummu naungngu manga taumata udde marandumpe.

TITUS 1:16

I mangitou mabbisara manungku i mangitou maaillal᷊a Ruata, wutte'e inolaanni mangitou massinaaddu Ruata. I mangitou maarantinna, wuṛṛu i mangitou tawe tumuṛṛutta, ete i mangitou udde taumata apan tawe maaola'a manarane apan mapia.

IBRANI 12:24

I yamiu nirumanta sumaruanna Mawu Yesus, Uatangnga pa'aire apan wakku udde; i yamiu sumaruanna ṛaṛṛa wawokka apan wotongnge maola'a tatubbusu inolaanna apan lembon apianne wuassu apan nitubbusanu ṛaṛṛan Habel.

IBRANI 13:4

Anambon taumata ṛinone mamasilon addatta su pa'a'awingnga, ana waugu udde ṛinone sangkawinganna warararingikka sangkatou ringannu waine. Taumata apan lal᷊eo wuṛṛu taumata masandaga sarun parikisannu Ruata.

1 YOHANES 2:22

Isai nangawusu eteudde taumata apan nabbisara manungku Mawu Yesus wal᷊inewe Ratun Punnu Sal᷊amatta apan pina'iren Duata. Taumata udde Seetti Kristus; i tou tawe manga'u Iamangnga ara'e Ana'a.

1 YOHANES 3:15

Taumata apan maddantinnu tuṛṛangnge, eteudde taṛṛa pate, wuṛṛu yamiu masingkata manungku sangkatou taṛṛa pate tawe maatahuanna wiakka tutune wuṛṛu saran mal᷊annu-l᷊annu.

1 YOHANES 5:10

Ana waugu udde, taumata apan mangngimanna su Ana'u Ruata, suete nanengkamma tatiala udde sulal᷊ummu naungnge; arawe taumata apan tawe mangngimanna Ruata, nassunnate manungku Ruata taṛṛa wahia, ana waugu i tou tawe mangngimanna apa apan iwabal᷊on Duata su ola'u Anang-Nge.

SONDAPPA 14:10

taumata udde sarun ma'inumma anggore wuassu Ruata, eteudde anggoru asasa'u-Ne apan suete nilal᷊inni Tou sulal᷊ummu tampane, apan tawe nihaingnga sarang kadio'a! Anambon taumata udde sarun sansaranna sulal᷊ummu putungnga wuṛṛu belerangnga su saruannu manga mala'ekatta susi wuṛṛu su saruannu Ana'u Domba udde.

SONDAPPA 19:20

Ne winatangnga udde niasametta suadio'a ringannu nabi awusu apan suete na'ola'a manga al᷊aṛṛindu'a su saruannu winatangnga udde. (Ringannu manga al᷊aṛṛindu'a uddewe winatangnga udde nangawusu manga taumata apan uatahuanna tatialam binatangnga udde, wuṛṛu manga taumata apan massubba paal᷊uannu winatangnga udde.) See winatangnga udde wuṛṛu nabi awusu udde niramme ta'e wiakka sulal᷊ummu tahal᷊oangngu putungnga apan lukkenggama ringannu belerangnga.

SONDAPPA 2:11

Isai-sai apan botongnge maaringikka, ṛinone manutukka apa apan iapaasingkatu Ghaṛṛaho Ruata su manga jamaatta. I mangitou apan naauntunga, saran paassa tawe matataṛṛanga papate aruane.”

SONDAPPA 2:2

I Ya'u masingkatu apa apan a'olaanni yamiu: I yamiu mammanara maṛṛimadda wuṛṛu yamiu matammuda atonna. I Ya'u masingkata manungku i yamiu tawe mangonggolu naungnga su taumata lal᷊eo. Wuṛṛu manga taumata mangnga'u watanganne rasul, wutte'e wal᷊ine, suete niannamanni yamiu wuṛṛu niasombanganni yamiu, manungku i mangitou taṛṛa awusu.

SONDAPPA 21:27

Arawe taumata apan inolaanne ma'arantina, ara'e taumata taṛṛa wahia – aunne al᷊awo'u alal᷊eo, tawe maasutta sulal᷊umme. Apan botongnge maasutta tumba'u taumata apan aranne uawoṛṛetta sulal᷊ummu Wuken Taumata Wiakka, Wuken Ana'u Domba udde.

SONDAPPA 22:15

Arawe manga taumata apan ma'ola'a pallal᷊agu lal᷊eo, taṛṛa wal᷊i'i mata, manga taumata sussandaga, taṛṛa pate, masasubba paal᷊uanna, wuṛṛu manga taumata taṛṛa wahia, mapia ringannu wisara ara'e lai ringannu pallal᷊agu, anambon taumata udde tampane su liuddu soa udde.

SONDAPPA 9:17

Wuṛṛu sulal᷊ummu aellega, i ya'u naasilo manga awal᷊o udde wuṛṛu manga sumasa'ene. Manga sumasa'ene ual᷊uṛṛen laubba atta'a maṛṛamu lukkenggama, ma'elomma naal᷊ihidda watu nilam, wuṛṛu maririkka naal᷊ihidda belerangnga. Pua manga awal᷊o udde naal᷊ihidda puan singa, wuṛṛu wuassu moṛṛonge sussabbanga putungnga, timbula, wuṛṛu belerangnga.

SONDAPPA 9:21

I mangitou lai tawe manantangngu manga inolaanni mangitou apan lal᷊eo, eteudde pamamate, wal᷊iimmata, pasasandaga wuṛṛu panana'o.

MAL᷊AṚṚUUNGNGA 7:3

Nariaddi, al᷊iata'e su tantaranu, ‘Isai apan uapendamma matta'utta, paal᷊ihakka manantangngu Wowon Gilead indi mabelengnga su wal᷊ene.’ ” Ne pia 22.000 su atoune apan napul᷊e; wuṛṛu tumba'u 10.000 su atoune apan natana'a.