SONDAPPA 21:12 - WUKE SUSI WATTI'U AL᷊AL᷊USASSA

¹² Darandunge uapal᷊iwutta matanggaka wahewalla, ringannu ngarane mapul᷊o dua, wuṛṛu rariagannu sire mapul᷊o dua mala'ekatta. Suapan ngarane uawoṛṛetta manga arannu mapul᷊o dua walahannu Israel.

SONDAPPA 21:12 Iomraidhean Croise

2 TAWARIKH 9:19

Su pentakke aiṛṛi wuṛṛu su pentakke aikkatanna suapan tal᷊ataddu tuaddu addera udde pia paal᷊uannu singa – sarangkanambone mapul᷊o dua su waune. Tawe addera aroddi su al᷊awo'u araratuanna su runia indi.

EZRA 9:9

Sutempo i yami ta'e su patataṛṛuallanga, I'o tawe nanantangngi yami. I'o na'ola'a si yami raddangnguannu manga ratun Persia wuṛṛu niwala mabbiakka see na'ola'a apia Wal᷊en-Nu apan ete winal᷊alanna udde. I'o nangongonggolla si yami atanaanna isindi, su Yehuda wuṛṛu Yerusalem.

NEHEMIA 12:27

Sutempo darandungngu soa Yerusalem nilaghu, manga taumatan Lewi niwaggoanna wuassu al᷊awo'u tampa tatanaanni mangitou, tadea'u isudde lai maddamean arariaddianna udde ringannu manga aantari aadiangkamanna, wuṛṛu ringannu musikku gambus wuṛṛu kecapi.

DARALO 122:7

Antimanna pia paddarame sulal᷊ummu araratuannu, wuṛṛu langnganna su manga tanda'a watunu.”

DARALO 51:18

I'o maddirin sasamba laṛṛatanna; unnu wisara i ya'u nangonggolu sasamba itattambuna, ne I'o maddiri.

SASABANGNGA 28:21

Suapan permata ṛinone uitannu su wallatu sambau aranna wuassu siri mapul᷊o dua ana'i Yakub maola'a tatialan pananaungannu manga ṛuangannu Israel.

YESAYA 54:12

Manga tanda batu Ta'u iapararisikka wuassu watun delima, manga ngara pasallangannu ahewalla wuassu watu permata, manga darandungngu wuassu ratna mutu manikam.

YESAYA 60:18

Tate lai batti'a su ola'u araṛṛagissa su wanuanu, su ola'u araṛṛimunsa'a ahahohakka su wageangngu letangngu. Naal᷊ihidda darandungnga i Ya'u ual᷊u'adda si'o, wuṛṛu i'o sarun maddalo si Ya'u mananal᷊amannu.

MATIUS 18:10

“Paatehamma! Arie pangaddio'a sangkatou wuassu wallattu taumata maraddio'a indi. Ana waugu naunge, manga mala'ekatti mangitou sidutu su saruannu Iamangku su surga. [

LUKAS 15:10

Aroddi lai mala'ekattu Ruata lulluassa napawe pia sangkatou taumata lal᷊eo nawal᷊u wuassu manga rosane. Pangimante!”

LUKAS 16:22

Taumata asiangnga udde see natete wuṛṛu niapiddu mala'ekatta watukku tampa awantuhanne su sandiṛṛanni Abraham su surga. Taumata ala udde nate lai wuṛṛu see nilabingnga.

WATTI'U MANGA RASUL 26:7

Ete pa'aire udde lai apan a'antimannu sire mapul᷊o dua walahannu Israel, na'oman sara i mangitou mangke mattaṛṛa Ruata allo wuṛṛu ṛabbi. Wuṛṛu ana waugu i ya'u mangngimanna paaire udde, Tuangnga apan mawantuga, i ya'u niapaasal᷊a manga taumatan Yahudi.

IBRANI 1:14

Amungkangu aroddi, manga mala'ekatta udde apa i mangitou? Ete i mangitou udde manga ghaṛṛaho apan mangngimbe Ruata, wuṛṛu apan iradolokku Ruata iapaatul᷊ungngu manga taumata apan sarun manengkamma asasal᷊amatta.

SONDAPPA 21:13

Pia tatallu ngara apan uasaruanna suapan punnu anginna: tatallu su samba'an ra'i, tatallu su samba'an timukka, tatallu su samba'an sawannaka, wuṛṛu tatallu su samba'an waṛṛata.

SONDAPPA 21:15

Mala'ekatta apan uahahatto'u udde pia tatumma'inna auukka wuassu wul᷊awanna, ipanguukka soa udde, manga ngarane wuṛṛu darandunge.

SONDAPPA 21:25

Manga ngaran soa udde wawu'anna miallo-miallo; tawe iṛṛuuda, ana waugu isudde tawe ṛabbine.

SONDAPPA 22:14

Lal᷊umanna'a su taumata apan nabbansala jubahne na'oman sara nawaresi, ana waugu i mangitou wotongnge umanna wuassu alum pabbawiakka wuṛṛu sumutta sulal᷊ummu soa udde sumabbi ngarane.