SONDAPPA 20:4 - WUKE SUSI WATTI'U AL᷊AL᷊USASSA

⁴ See i ya'u naasilo manga adderan araratuanna, wuṛṛu manga taumata apan ua'ianna su manga adderan araratuanna udde inonggol᷊annu taṛṛino ipangema'u ṛuumanna. I ya'u lai naasilo manga ṛimuuddu taumata apan suete niponggo'a puane ana waugu i mangitou mattiala su ola'u Mawu Yesus, wuṛṛu mammasingkatu tanata Ruata. Manga taumata udde tawe massubba winatangnga, ara'e lai paal᷊uanne. I mangitou lai tawe saran paassa nanengkama tatiala manga winatangnga udde su pakkana ara'e su lima mangitou. Ne i mangitou nabbiakka apia wuṛṛu namarenta ere sangkatou ratu suadio'a ringanni Kristus saṛṛiwu su tonnane al᷊annune.

SONDAPPA 20:4 Iomraidhean Croise

DANIEL 2:44

Sutempo pamamarentan manga ratu udde, Ruata su surga sarun mapararisikku sambau araratuanna apan mattaṛṛangnga saran mal᷊annu-l᷊annu wuṛṛu sarun tawe iawaddon al᷊awo'u walahanna su al᷊awo'u tampa. Araratuanna udde sarun makkimunsa'a al᷊awo'u walahanna su al᷊awo'u araratuanna waine udde.

DANIEL 7:18

Arawe umattu Ruata Apan Atanggaṛṛanne sarun manengkamma manara ipamarenta wuṛṛu pamamarentane sarun mattaṛṛangnga saran mal᷊annu-l᷊annu.”

DANIEL 7:22

Wua'udde i Tou apan mabbiakka saran mal᷊annu-l᷊annu udde nirumanta see nangongollu inappuanne apan napaaṛṛinon umattu Ruata Apan Atanggaṛṛanne. Tempone nia'omante i mangitou manengkamma taṛṛino ipamarenta.

DANIEL 7:27

Taṛṛino wuṛṛu awawantugu al᷊awo'u araratuanna su runia sarun ionggolla su umattu Ruatu Apan Atanggaṛṛanne. Taṛṛinon mangitou ipamarenta tawe panguddusanne wuṛṛu anambon tembonanne su runia sarun mattaṛṛamawu si mangitou ringannu matuṛṛutta.”

DANIEL 7:9

Tantal᷊anna i ya'u sidutu mannutukka, manga pira adderan araratuanna tantal᷊anna iaaddo. Ana see i Tou apan wiakka saran mal᷊annu-l᷊annu ua'ianna su wowon wallattu sambau wuassu manga adderan araratuanna udde. Laung-Nge wuṛṛu utang-Nge mawira ere sangarenna. Adderan araratuan-Ne ringannu manga bolane lukkenggamma ana waugu renggammu putungnga,

MALEAKHI 4:5

Arawe tantal᷊anna taambe allo apan wahewalla wuṛṛu masaddata apan Ta'u tinantunna udde a'omanna, sarun irolokka ringanni yamiu Nabi Elia.

MATIUS 19:28

Mawu Yesus nabbisara si mangitou, “Pangimante: Su Runia apan Bakku, Ana'u Taumata sarun uma'ianna su adderan araratuanna apan mawantuga. Su tempo udde i yamiu mallal᷊aṛṛenggeng-Ku sarun uma'ianna su mapul᷊o dua adderan araratuanna wuṛṛu makkuungnga mapul᷊o dua walahannu Israel.

MATIUS 24:10

Su tempo udde manambo taumata sarun massinaadu Mawu, wuṛṛu mandal᷊eo see masaseetta sangkatou ringannu sangkatou.

MARKUS 6:16

Napawe i Herodes naaringikka hatto udde, i tou nabbisara, “Atonna indi Yohanes Mananaṛṛani apan dorone suete ta'u niapaponggo'a puane. Orassa indi i tou nabbiakke apia!”

MARKUS 6:27

Nariaddi i tou lapiddu namarenta sangkatou mandariagane niapaal᷊appa puan Yohanes Mananaṛṛani. Ne tantara udde inaite su tuttupanna see namonggo'e puan Yohanes.

MARKUS 9:11

Ne i mangitou naiwal᷊o si Tou, “Anio manga hurun agama mabbisara manungku i Elia sarun dumanta paarorone?”

LUKAS 1:17

I Tou sarun maola'a ralol᷊oṛṛannu Mawu apan matohassa wuṛṛu mataṛṛino ere i Elia. I tou sarun mangonggolu paddarame su iamangnga wuṛṛu ana'a, wuṛṛu taumata apan tawe tumuṛṛutta sarun ehetanne apia sulal᷊ammu ṛingiṛṛanna apan mapia. Ringannu aroddi i tou nanaddia sambau walahanna apan nasaddiate huna Mawu.”

LUKAS 14:14

I'o sarun al᷊amatanna, ana waugu manga taumata udde tawe maawal᷊issa apapianu. Apapiannu sarun bal᷊isannu Ruata su tempo manga taumata apan mapia iapaawangunna apia wuassu papate.”

LUKAS 22:30

Ringannu aroddi yamiu wotongnge lumuassa ringang-Ku su tempo i Ya'u maola'a Ratu. Wuṛṛu i yamiu sarun uma'ianna su atanggaṛṛanne su mapul᷊o dua adderan araratuanna wuṛṛu mamarenta mapul᷊o dua walahannu taumatan Israel.”

YOHANES 14:19

Tate mal᷊annu runia maasilo si Ya'u. Arawe i yamiu sarun maasilo si Ya'u. Wuṛṛu ana waugu i Ya'u wiakka, i yamiu lai sarun mabbiakka.

ROMA 11:15

Ana waugu i mangitou tawe tinarimmattu Ruata, ne paa'aukku runia ringannu Ruata naola'e apia; nangillembo lai amungkangngu i mangitou tinarimmattu Ruata! Udde nassul᷊ungngu ere taumata nate nabbiakka apia!

ROMA 8:17

Ne, amungkangngu ete i ite al᷊aṛṛana'u Ruata, ne i ite lai mananahuanna wurru sarun manengkamma manga al᷊amatta apan buatte nissaddian Duata su manga al᷊aṛṛanang-Nge. I ite sarun manengkamma suadio'a ringanni Kristus apa apan buatte nissaddian Duata si Tou; ana waugu amungkangngu i ite uatataṛṛanga su sambau ringanni Kristus, i ite sarun wantuhanna lai su sambau ringanni Kristus.

2 TIMOTIUS 2:12

Amungkangu i ite sidutu matammuda, i ite sarun mamarenta lai suadio'a ringanni Tou. Amungkangu i ite massinaadi Tou, I Tou lai sarun massinaadi ite.

SONDAPPA 1:2

Ne i Yohanes nabbati'en sarangkanambone apan niasiloanne udde; wuṛṛu ete indi watti'i tou su ola'u tanatan Ruata apan tinohassu Mawu Yesus Kristus wuassu tatiala-Ne.

SONDAPPA 1:9

I ya'u Yohanes, tuṛṛangu apan mal᷊uassa wuṛṛu massusa suadio'a ringanni yamiu sulal᷊ummu asasusa apan naṛṛia'a su mallal᷊aṛṛenggenni Kristus. I ite masabare matataṛṛanga ana waugu walahanna pussa'a-Ne. I ya'u niramme su Patmos ana waugu i ya'u mammasingkatu tanatan Ruata, apan tinohassu Mawu Yesus sulal᷊ummu tiala-Ne.

SONDAPPA 11:11

Napawe tallute allo mattangnga, nirumantate sasangngo ipabbiakka wuassu Ruata wuṛṛu sinumutta apia sulal᷊ummu nabi darua udde. Ne i mangitou nabbuatte dirumarisikka, na'oman sara taumata apan naasilo si mangitou nata'utta atonna.

SONDAPPA 11:15

See mala'ekatta appitune nattiuppe trompeti tou, ne su surga niaṛṛingiṛṛante manga tingikka ma'ikkatta apan mabbisara, “Taṛṛino ipamarenta runia orassa indi sulal᷊ummu lima Mawung kite wuṛṛu Ratum Punnu Sal᷊amatta apan suete pina'ire-Ne. I Tou sarun mamarenta saran mal᷊annu-l᷊annu!”

SONDAPPA 11:3

I Ya'u sarun mandolokku ruang katou tiala-U apan ual᷊uṛṛem peddeta ilallal᷊o, wuṛṛu i mangitou sarun mamasingkatu watti'u Ruata al᷊annune 1260 su allone.”

SONDAPPA 11:7

Napawe i mangitou suete nabbatti'u watti'i mangitou, winatangnga apan sinumabanga wuassu rampisu papate sarun lumawanna si mangitou.

SONDAPPA 12:11

Manga tuṛṛangi ite suete napaarugin tou ringannu ṛaṛṛan Ana'u Domba udde, wuṛṛu ringannu watti'a apan atonna wuassu Ruata apan niwatti'i mangitou. I mangitou mal᷊uassa nanantillu niawa mangitou ma'oman sara mate.

SONDAPPA 14:11

Timbula wuassu putungnga apan mannansara manga taumata udde sidutu tuttimbula saran mal᷊annu-l᷊annu. Allo ṛabbi tawe illol᷊one i mangitou sassansaranna, eteudde i mangitou apan massubba winatangnga udde wuṛṛu paal᷊uanne, anambon taumata apan pia tatialan arannu winatangnga udde!”

SONDAPPA 15:2

Napawe wua'udde i ya'u naasilo sambau apan aellehanna naal᷊ihidda tahal᷊oangnga kaca ual᷊al᷊o'an putungnga. I ya'u naasilo lai manga taumata apan suete naauntunga su winatangnga wuṛṛu paal᷊uanne, wuṛṛu naauntunga su manga taumata apan aranne nitialannu woṛṛetu angka ara'e reenganna. Manga taumata apan naa'untunga udde uarisikka su winggin tahal᷊oangnga kaca lapiddu uaaggasa kecapi apan nionggolu Ruata si mangitou.

SONDAPPA 17:8

Winatangnga udde rorone suete nabbiakka, arawe orassa indi tate mabbiakka apia. Ete adio'a lai tou sumabbanga wuassu rampisu papate wuṛṛu inai mattudan tampam papatene. Manga taumata apan mabbiakka su runia, apan aranne tawe uawoṛṛetta sulal᷊ummu Wuken Taumata Wiakka tantal᷊anna runia taambe niriaddi sarun tumiangnga napawe maasilo winatangnga udde. Ana waugu winatanga udde rorone suete nabbiaka. Orassa indi i tou tate nabbiaka lai, arawe i tou sarun rumanta apia.

SONDAPPA 2:26

I mangitou apan naauntunga, wuṛṛu saran pangudusanne ma'ola'a apa ipaapulu-U, sarun Ta'u onggol᷊annu taṛṛino apan uasul᷊ungnga ere Ta'u sinengkama wuassu Iamang-Ku. I mangitou sarun manengkama taṛṛino wuassia-U ipamarenta manga walahanna ringannu ta'inna atta'a, wuṛṛu ipakkimunsa'a manga walahanna udde ere urinna leta'a.

SONDAPPA 20:6

Lal᷊umanna'a su manga taumata apan niapaawangunna apia su panattaṛṛanne udde. I mangitou wotongnge maola'a pussa'an Ruata. Papate aruane tawe maataṛṛino si mangitou. I mangitou sarun maola'a manga imammu Ruata wuṛṛu manga imammi Kristus; wuṛṛu i mangitou sarun mamarenta suadio'a ringanni Tou saṛṛiwu su tonnane al᷊annune.

SONDAPPA 22:5

I mangitou tate mappandumma sol᷊o ara'e semakku matannallo, ana waugu tate ṛabbi lai, wuṛṛu Mawu Ruata sassane sarun manemakka si mangitou. Ne i mangitou sarun mamarenta ere sangkatou ratu saran mal᷊annu-l᷊annu.

SONDAPPA 3:21

I mangitou apan naauntunga, sarun Ta'u iwala uma'ianna su adderan araratuang-Ku su sambau ringang-Ku, ere i Ya'u sassane lai suete na'auntunga wuṛṛu orassa indi ua'ianna suadio'a ringannu Iamang-Ku su adderan araratuan-Ne.

SONDAPPA 4:4

Sulal᷊ummu atokke mal᷊imbulunna apan uapal᷊iwutta adderan araratuanna udde, pia ruam pul᷊o appata adderan araratuanna waine. Isudde ua'ianna ruam pul᷊o appata piaṛṛange apan uapedettu mawira, wuṛṛu ual᷊uṛṛen araposa wul᷊awanna.

SONDAPPA 6:9

Wua'udde Ana'u Domba udde namesangnga segele al᷊imane. Ne i ya'u naasilo su al᷊ungngu meddan sasamba pia ṛimuuddu manga taumata nate nipate ana waugu mannohassa tanatan Ruata sulal᷊ummu tiala mangitou.

SONDAPPA 7:3

Mala'ekatta udde nabbisara, “Paal᷊iwue'o manggohakku ammaranne ara'e tahal᷊oangnga, ara'e manga aaluanna amungkangu yami taambe nangonggolu tatiala segele su pakkanu manga allangngu Ruatang kite.”