SONDAPPA 2:3 - WUKE SUSI WATTI'U AL᷊AL᷊USASSA

³ I yamiu masabare wuṛṛu i yamiu uatataṛṛanga ana waugu i Ya'u, wuṛṛu naungngi yamiu tawe maadio'a.

SONDAPPA 2:3 Iomraidhean Croise

DARALO 37:7

Ṛaddoite Mawu ringannu naungnga matammuda, ṛaddoite ringannu asasabare ma'oman sara i Tou mammanara. Arie suminggawanga su taumata apan napantaingu wiakke, ara'e iapa manarane mammahia.

DARALO 69:7

Arie pabbala'a i ya'u mandantan asasili su manga taumata apan uaantimma Si'o, oh Ruata, Ruata Apan Lembontaṛṛino. Arie pabbala'a i ya'u mandantan lal᷊ela su manga taumata apan massubba Si'o oh Ruatan Israel!

MIKHA 7:9

I ite narosate su Mawu, ana waugu udde orassa indi i ite ṛinone mamendamma asasa'u-Ne. Arawe tate mal᷊annu lai i Tou sarun manamba'a si ite wuṛṛu mangonggollu atatul᷊idda si ite. i Tou sarun mangapiddi ite sumabbangnga watukku asasemakka; i ite sarun maapendamma sassane manungku i Tou nanal᷊amatta si ite.

MARKUS 15:21

Su tangngan dal᷊anna i mangitou namata'u sangkatou iapapasanna arussa Mawu Yesus. Taumata udde wakkute wuassu ampungnga inai watukku soa. (Aranne i Simon, – wuassu Kirene – iamangngi Aleksander wuṛṛu i Rufus.)

LUKAS 14:27

Taumata apan maddiri mamasanna arussane wuṛṛu tumantalongnga si Ya'u, tawe maola'a mallal᷊aṛṛenggeng-Ku.

LUKAS 18:1

Wua'udde Mawu Yesus nabbati'u sambau sasumandingnga ipangaṛṛa'a manga mallal᷊aṛṛenggen-Ne tadea'u i mangitou sidutu u'al᷊iomanna wuṛṛu tawe ma'adio'a naungnge.

LUKAS 21:19

Amungkangngu i yamiu mataṛṛangnga wuṛṛu masabare i yamiu masal᷊amatta.”

LUKAS 5:5

“Iamangnga Huru,” sasimbakki Simon, “su al᷊o'engngu ṛabbi yami mammanara maṛṛimadda, arawe tawe naahau saran sambua! Arawe ana waugu Iamangnga nandolokka, aroddite; i ya'u sarun mallombon soma apia.”

LUKAS 8:15

Wualanna nanawo su leta'a masuwukka isassumandingnga su taumata madaringikka watti'a udde, see sinahipunna sulal᷊ummu naungnge apan baresi wuṛṛu matul᷊ida. I mangitou natataṛṛangnga na'oman sara nabua.”

YOHANES 15:21

Sarangkanambone udde sarun olaanni mangitou si yamiu, ana waugu i yamiu mallal᷊aṛṛenggeng-Ku, ana waugu i mangitou tawe maaillal᷊a si Tou apan nandolo-U.

ROMA 12:12

Ṛinone i yamiu mangngantimma Mawu ringannu mal᷊uassa, paasabare sulal᷊ummu asasusa, wuṛṛu paaṛṛimadda umal᷊iomanna.

ROMA 16:12

Tabea'u si Trifena wuṛṛu si Trifosa apan mammanara maṛṛimadda mangngimbe Mawu, wuṛṛu si Persis apan arangnguangku. I tou lai suete nammanara maṛṛimadda manara Mawu.

ROMA 2:7

Ruata mangonggolu wiakka tutune wuṛṛu saran mal᷊annu-l᷊annu si mangitou apan sidutu ma'ola'a apapia tadea'u maasomba apan awantuhanne, wuṛṛu apan aaddatanna wuṛṛu apan sarun uatialu.

ROMA 8:25

Arawe amungkangngu i ite mangngantimma apa apan taambe niasiloanni ite, ne i ite ṛinone uaraṛṛado ringannu asasabare.

1 KORINTUS 13:7

I tou maṛṛaddana sumaruanna al᷊awo'u wawono'a wuṛṛu maapulu mangngimanna apan apianne wuassu al᷊awo'u taumata; sulal᷊ummu olangnge apan tumaniten susa, taumata apan mandangngu udde tawe awul᷊iannu antimma wuṛṛu masabbare maṛṛado sarangkanambone apan sarun mariaddi.

1 KORINTUS 16:16

I ya'u maddorongnga ringannu atonna-tonna tadea'u i yamiu tumuṛṛutta papiaṛṛa'u manga taumata ereudde, wuṛṛu manga taumata waine apan mammanara suadio'a wuṛṛu mangngimbe suadio'a ringanni mangitou.

2 KORINTUS 10:15

I yami tawe naddalo watanganni yami su manaran taumata waine apan su liuddu passaranna apan buatte tinantunnu Ruata si yami. Arawe i yami sidutu sulal᷊ummu passaranna apan suete tinantunnu Ruata si yami wuṛṛu mangngantimma manungku i yamiu lembon mangngimanna si Kristus, tadea'u i yami wotongnge mappa'ola'a manara apan lembon ahewal᷊anne su wallatti yamiu.

2 KORINTUS 11:23

I mangitou lai daroloṛṛanni Kristus? Aringiṛṛanna naal᷊ihida ere i ya'u inawul᷊ianten apande, arawe atonna i ya'u daroloṛṛanna apan lembon apianne wuassi mangitou sarangkanambone! I ya'u aṛṛimaranne mammanara, i ya'u asokkanne itaṛṛo sulal᷊ummu tuttupanna, i ya'u asokkanne sansaranna wuṛṛu masokka lai maraniten mate.

2 KORINTUS 4:1

I yami ma'ola'a manara indi ringannu ahewallu naungngu Ruata. Ana waugu udde i yami tawe mangillol᷊o.

2 KORINTUS 4:16

Ana waugu udde i yami tawe mangillol᷊o. Salaiwe sulal᷊ummu wadangngi yami al᷊al᷊eo aatambanna, arawe su pangangimanna i yami a'olaanna wakku su miallo-miallo.

2 KORINTUS 5:9

Ana waugu udde yami sidutu madea'a atonna-tonna ipalluassa naung-Nge, mawae tantal᷊anna i yami ta'e uatana'a su wal᷊en kami isindi, ara'e poiaroddi.

2 KORINTUS 6:5

i yami nisansaranna, niṛṛuumanna, wuṛṛu niṛṛimpulunanna, i yami mammanara maṛṛimadda, mal᷊awa matiilla, wuṛṛu masokka lai tawe maasomba anna.

GALATIA 6:2

Ṛinone i yamiu uatatul᷊ungnga uapasanna winabbawan taumata waine tadea'u ringannu aroddi yamiu tuttuṛṛuta parentan Kristus.

GALATIA 6:9

Ana waugu udde arie i ite mawusa ma'ola'a manga inolaanna mapia; ana waugu amungkangu i ite tawe illol᷊one mammanara manara udde su paassa i ite sarun mangitingnga wuane.

FILIPI 4:3

Su hawe'u apan matuṛṛuta, i ya'u madorongnga lai tadea'u tuṛṛanga massumbala wawine darua udde. I mangitou suete nammanara maṛṛimadda ringangku mabatti'u Watti'u Al᷊al᷊uassa wuassu Ruata; ere lai Klemen wuṛṛu anambon taumata waine apan mammanara suadio'a ringangku. Manga aranni mangitou uawoṛṛetta sulal᷊ummu Wuken Taumata Wiakka.

KOLOSE 1:11

Doronganna ringannu taṛṛinon Duata apan mawantuga, i yamiu tohasanna ma'oman sara i yamiu wotongnge matataṛṛanga ringannu sabbare wuṛṛu naungnga mal᷊uassa

1 TESALONIKA 2:9

Asinungka i yamiu ta'e maanaungnga ereapa aṛṛimade i yami mattinsahadda wuṛṛu mammanara. Allo ṛabbi yami mammanara tadea'u i yami tawe mapaasusan saran sangkatou wuassi yamiu su tempo yami mammasingkatu Watti'u Al᷊al᷊uassu Ruata udde si yamiu.

1 TESALONIKA 5:12

Manga tuṛṛangnga, i yami sumal᷊ande tadea'u i yamiu mangaddata taumata apan mammanara su pattangngani yamiu; eteudde i mangitou apan suete nipilen Mawu mamiaṛṛa'a wuṛṛu manantiro si yamiu.

2 TESALONIKA 3:13

Arawe i yamiu arie paawusa ma'ola'a apapia.

2 TESALONIKA 3:5

Doronganna Mawu mangehetta si yamiu ana see wotongnge lembon maasunna manungku Ruata marangngu si yamiu wuṛṛu manungku Kristus nangonggollu atatamudda si yamiu.

2 TESALONIKA 3:8

I yami tawe mammo'on annu taumata ringannu tawe mamaekka. Ewe'e allo ṛabbi yami mammanara mattinsahadda tadea'u i yami tawe mapaasusan sai-sai wuassu wallatti yamiu.

1 TIMOTIUS 4:10

Ana waugu udde i ite mammanara maṛṛimadda, ana waugu i ite pia antimma atonna su Ruata apan wiakka; eteudde Punnu Sal᷊amattu anambon taumata, nangillembo taumata apan mangngimanna.

1 TIMOTIUS 5:17

Piaṛṛa'u jamaatta apan ma'ola'a manarane ringannu mapia, ṛinone onggol᷊annu aaddata paarua anambone, nangillembo wuassi mangitou apan maṛṛimadda mannase wuṛṛu mangaṛṛa'a.

IBRANI 10:36

I yamiu ṛinone masabare, tadea'u i yamiu wotongnge mapa'ola'a apulun Ruata wuṛṛu ringannu aroddi yamiu manengkamma apa apan suete nipa'iren Tou.

IBRANI 12:1

Ne, su ola'i ite sassane, uapaal᷊iwutta si ite manambo atonna mattatiala! Ana waugu udde wette i ite mandammen anambon apa apan mammakkata si ite wuṛṛu rosa apan sidutu uareeta si ite. Wuṛṛu wette i ite ringannu ma'udduppa sumutta su pattalumanna apan sasaruannani ite.

IBRANI 13:13

Ana waugu udde, wette i ite inai ringanni Tou su liuddu padasananna wuṛṛu mamendama aal᷊uandaga suadio'a ringanni Tou.

IBRANI 6:10

Ruata wal᷊ine Ruata tawe matul᷊ida. I Tou tawe maabul᷊i apa apan mammanaranni yamiu si Tou, wuṛṛu darangngu apan niapaasilong kamiu si Tou su tempo nantul᷊ungu manga tuṛṛanga apan pangangimanna sambau, dorone wuṛṛu sara orassa indi.

IBRANI 6:12

I yami maddiri yamiu mabbal᷊i wolo'a. Arawe i yami maapulu tadea'u i yamiu mabbiakka ere manga taumata apan mannengkama apa apan suete pina'iren Ruata, ana waugu mangngimanna si Tou wuṛṛu ana waugu uaraṛṛaddo ringannu asasabare.

IBRANI 6:15

Abraham uaṛṛado ringannu sabare, ne i tou nanengkamma apa apan pina'iren Ruata si tou.

2 PETRUS 1:6

wuṛṛu su liuddu pia asingkatta, i yamiu lai wotongnge maaul᷊inna apulu naungngu. Wuṛṛu su liudde maaul᷊inna apulu naungnga, ṛinone lai yamiu mandiagga ririnu ana see masabbare sumaruanna al᷊awo'u manimmala. Su liuddu masabare sumaruanna al᷊awo'u manimmala, i yamiu lai ṛinone mabbiakka tuttuṛṛuta apulun Duata.

SONDAPPA 1:9

I ya'u Yohanes, tuṛṛangu apan mal᷊uassa wuṛṛu massusa suadio'a ringanni yamiu sulal᷊ummu asasusa apan naṛṛia'a su mallal᷊aṛṛenggenni Kristus. I ite masabare matataṛṛanga ana waugu walahanna pussa'a-Ne. I ya'u niramme su Patmos ana waugu i ya'u mammasingkatu tanatan Ruata, apan tinohassu Mawu Yesus sulal᷊ummu tiala-Ne.

SONDAPPA 3:10

Ana waugu i yamiu suete tinumuṛṛuta parenta-U tadea'u mangngimanna, i Ya'u lai sarun manillumma si yamiu wuassu tempon asasusa apan sarun mariaddi su ahewallu runia. Olangnge udde sarun mariaddi ipamono'a anambon taumata su runia.