SONDAPPA 2:25 - WUKE SUSI WATTI'U AL᷊AL᷊USASSA

²⁵ Arawe ma'oman sara i Ya'u rumanta apia, ṛinone i yamiu sidutu tuttuṛṛuta apa apan suete niatahuananni yamiu.

SONDAPPA 2:25 Iomraidhean Croise

YOHANES 14:3

Napawe i Ya'u suete nanaddia tampang kamiu, i Ya'u sarun mabelengnga wuṛṛu manal᷊oho si yamiu, tadea'u suapa i Ya'u isudde, isudde lai yamiu.

WATTI'U MANGA RASUL 11:28

Su wallatti mangitou pia sangkatou aranne i Agabus. Wuassu piaṛṛa'u Ghaṛṛahon Ruata i tou nabbati'a manungku su ahewallu runia sarun mariaddi tempon al᷊aṛṛutumma apan bahewalla. (Wuṛṛu olangnge udde natipusse su tempo i Klaudius uaparenta.)

ROMA 12:9

Pandangngute ringannu ahewallu naungngu. Paaraua'a al᷊al᷊eo, wuṛṛu pa'ola'e apapia.

1 KORINTUS 11:26

Atonna suapan tempo i yamiu umanna roti wuṛṛu ma'inumma anggore indi, yamiu mapaasingkatu papate Mawu ma'oman sara i Tou rumanta.

1 KORINTUS 4:5

Ana waugu udde, amungkangu taambe tempone, arie i yamiu mal᷊iha-l᷊ihakka manantunna manungku sangkatou nassal᷊a ara'e tawe. Paṛṛadote Ruata rumanta. Ete i Tou sarun mamu'a al᷊awo'u addapingnga apan uawuni sulal᷊ummu ararandumma. Ete i Tou apan mamongkakku anambon pandumanna apan uawuni sulal᷊ummu naungngu taumata. Su tempo udde suapan taumata wakkute udde maasengkamma daralo wuassu Ruata apan wotongnge sengkamanni tou.

1 TESALONIKA 5:21

Sarangkanambone ṛinone iannamma, wuṛṛu apapia sarun tattuṛṛutanna.

IBRANI 10:23

Ṛinone i ite uaagasa atonna su antima apan pangimananni ite, ana waugu Ruata wotongnge apangimananna wuṛṛu i Tou sarun manuungngu pa'aire-Ne.

IBRANI 3:6

Arawe i Kristus matuṛṛuta ere sangkatou Ana'a apan uariaga Wal᷊en Ruata. Wuṛṛu ete i ite indi Wal᷊en Ruata, amungkangu i ite sidutu maṛṛimadda wuṛṛu sidutu mangngimanna maasomba apa apan aantimanni ite.

IBRANI 4:14

Ana waugu udde i ite ṛinone uaaggasa matohassa su panga'uannu pangangimanni ite. Ana waugu i ite uatahuanna Imam Bahewa lembon mawantuga, apan suete sinumutta na'oma su saruannu Ruata – eteudde Yesus Kristus Ana'u Ruata.

2 PETRUS 3:10

Arawe Allo darantan Mawu sarun rumanta ere darantan taṛṛa ta'o. Su Allo udde langitta sarun mawul᷊i ringannu tingikka ruddallu'a, wuṛṛu manga saranapa su langitta sarun masue matutungnga, wuṛṛu runia ringannu al᷊awo'u lal᷊oṛṛone sarun mawul᷊i.

SONDAPPA 1:7

Pa'ellega i Tou rumanta sulal᷊ummu winabbawa! Anambon taumata sarun ma'ellega si Tou, nasutta i mangitou lai apan nangusu'a si Tou. Anambon walahanna su runia sarun lumal᷊on Tou. Ore, Atonna! Amin!

SONDAPPA 22:20

I Tou apan namasingkatu anambon watti'a indi nabbisara, “Atonna, i Ya'u mal᷊ihakke rumanta!” Amin! Rantate, o Mawu Yesus!

SONDAPPA 22:7

“Panutukke indi!” wisara Mawu Yesus, “I Ya'u sarun mal᷊ihakka rumanta. Lal᷊umanna'a su taumata apan tuttuṛṛuta manga ṛengetanna sulal᷊ummu wuke indi!”

SONDAPPA 3:11

I Ya'u mal᷊ihakke rumanta! Paariagai paapia-pia apa apan tatahuananni yamiu, tadea'u tawe saran sangkatou mangaṛṛo lal᷊antaku auntungannu.

SONDAPPA 3:3

Nariaddi, naungete apia-apa apan suete niaṛṛa'a si yamiu rorone wuṛṛu apa apan suete niaringiṛṛani yamiu. Ola'e udde wuṛṛu awal᷊ute wuassu manga rosanu. Amungkangu i yamiu tawe maatimpu'o, i Ya'u sarun rumanta ringanni yamiu ere sangkatou taṛṛa ta'o; wuṛṛu i yamiu wagga tingngerate tempone i Ya'u rumanta.