SONDAPPA 2:23 - WUKE SUSI WATTI'U AL᷊AL᷊USASSA

²³ Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.

SONDAPPA 2:23 Iomraidhean Croise

1 TAWARIKH 17:18

Apate lai apan ta'u iwisara Si'o, oh Mawu Ruata? I'o masingkattu sarangkanambone su allang-Ngu indi, arawe I'o nangonggolu a'addatta si ya'u.

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

1 TAWARIKH 29:17

I ya'u masingkatta I'o mannal᷊u'atta naungngu taumata wuṛṛu maapulun taumata apan naungnge waresi. Ringannu asasaṛṛionto'a wuṛṛu al᷊al᷊uassu naungnga sarangkanambone indi ta'u ionggolla Si'o. I ya'u buatte na'ellega ereapa al᷊aṛṛanang-Ngu apan uasemodda isindi uaapiddu aonggolli mangitou Si'o ringannu al᷊al᷊uassu naungnga.

2 TAWARIKH 6:30

antimanna I'o sulal᷊ummu atatanaan-Nu su surga maddaringikka lapiddu mangampungnga si mangitou. Tumba'u I'o masingkattu lal᷊ummu naungngu taumata. Ana waugu udde ṛuumana'e suapan taumata tumuṛṛuttu manga inolaanne,

AYUB 24:23

Ruata nangonggolla si tou wiakka su lal᷊umanna'a, arawe ual᷊u'adda si tou tawe illol᷊one.

DARALO 139:1

Su piaṛṛa'u mangangantari. Daralon Daud. Oh Mawu, I'o maasunna si ya'u wuṛṛu masingka'u.

DARALO 26:2

Saṛṛasirewe i ya'u, oh Mawu, wuṛṛu sal᷊u'ate'o i ya'u, parikisewe apulu'u wuṛṛu ṛingirangku.

DARALO 44:21

Unnu wisara i yami tate lai massubba Ruata, ewe'e u'al᷊iomante su mawu waine,

DARALO 62:12

Paapirate i ya'u naaringikka Ruata mabbisara manungku taṛṛino darantane wuassi Tou,

DARALO 7:9

I'o makkungngu umattu taumata; i ya'u onggol᷊eten atatul᷊idda, oh Mawu, ana waugu i ya'u tawe sal᷊ane.

YEREMIA 11:20

Ana see i ya'u inumal᷊iomanna, “Oh Mawu Apan Lembontaṛṛino, I'o mallaṛṛuungnga apan matul᷊idda; ete I'o apan masingkattu ṛingidda wuṛṛu naungngu taumata. Hatto'u indi ta'u itantilla Si'o. Doronganna i ya'u wotongnge maasilo Si'o mabbal᷊issa inolaannu manga taumata udde.”

YEREMIA 17:10

I Ya'u, Mawu, mannaṛṛassidda naungnga, naungngu taumata Ta'u i uji. Suapan taumata sarun Ta'u wal᷊isanna tumuṛṛuttu pallal᷊agune, wuṛṛu Ta'u olaanna uasul᷊ungngu inolaanne.”

YEREMIA 20:12

Arawe, oh Mawu Apan Lembontaṛṛino, ringannu atatul᷊idda I'o nanal᷊u'atta taumata; I'o masingkattu naungnga wuṛṛu ṛingiranni mangitou. Ana waugu udde walaawe i ya'u ma'ellega Si'o mabbal᷊issa al᷊al᷊eon seetta ana waugu tumba'u Si'o ta'u itantilla hatto'u.

ZEFANYA 1:11

Lalluaite wuṛṛu sassangitte sutempo i yamiu maaringikka udde ei tumana'u soa su wageangnge wowa, ana waugu anambon mabbawal᷊u'a wuṛṛu manga taumata apan mappaawallassu roitta buatte nate nipate!

MATIUS 16:27

Tate mal᷊annu lai Ana'u Taumata, su sampunna ringannu manga mala'ekanNe, sarun dumanta ringannu taṛṛinon IamangNge. Su tempo udde i Tou sarun mabbal᷊issa manga taumata tumuṛṛuttu inolaannu sangkatou-sangkatou.

LUKAS 16:15

Arawe Mawu Yesus nabbisara si mangitou, “Ete i yamiu taumata apan su saruannu taumata waine ellehanna mapia, arawe Ruata masingkattu lal᷊oṛṛo naungngu. Ana waugu apa apan sassunnannu taumata matanggakka, su aellegu Ruata udde mawawo.

YOHANES 21:17

Su atallune Mawu Yesus naiwal᷊o si tou, “Simon ana'i Yona, atonna i'o marangngu si Ya'u?” I Petrus nasusa naungnge ana waugu Mawu Yesus naiwal᷊o si tou na'oman sara atallune. Ne i Petrus sinumimbakka apia, “Mawu, Mawu masingkattu sarangkanambone. Mawu masingkatta manungku i ya'u marangngu Mawu!” See Mawu Yesus nabbisara si tou, “Padul᷊ianete manga domba-U.

YOHANES 4:16

“Roote, waggoi awingngu, see pabelengnga apia isindi,” unnu Mawu Yesus.

WATTI'U MANGA RASUL 1:24

See i mangitou inumal᷊iomanna. I mangitou nabbisara, “Mawu, I'o masingkattu naungngu awadaalla. Yudas suete niaddo wuassu manarane sangkatou rasul wuṛṛu see natete. Nariaddi pantingira'a si yami isai wuassu wallattu ruang katou indi apan pileannu Mawu onggol᷊annu manara ipallol᷊ossa si Yudas.”

ROMA 14:12

Nariaddi i ite sambau-sambau ṛinone pia sasimbakka su ola'u al᷊awo'u inolaanni ite su Ruata.

ROMA 8:27

Ne Ruata, apan masingkatu lal᷊oṛṛo naungngu taumata, maasunna apulun Ghaṛṛaho udde; ana waugu Ghaṛṛaho udde sussal᷊ande Ruata hunan al᷊aṛṛana'u Ruata wuṛṛu nassul᷊ungngu apulun Duata.

2 KORINTUS 5:10

Ana waugu atonnate i ite sarangkanambone sarun iapaasaruanna pamamarikisanni Kristus, wuṛṛu sangkatou-sangkatou sarun maasomba wawal᷊inne uasul᷊ungngu inolaanne su runia indi – ala'uanna mapia ara'e ala'uanna lal᷊eo.

GALATIA 6:5

Ana waugu sangkatou-sangkatou ṛinone mamasanna winabbawane sassane.

TAHIUL᷊E 13:11

Ne anambon balahannu Israel sarun maaringikka ola'u pamamate udde wuṛṛu mabbal᷊i mata'utta, ma'oman sara tawe saran sangkatou lai apan baṛṛani ma'ola'a al᷊al᷊eo udde.

TAHIUL᷊E 17:13

Anambon taumata sarun maaringikka ola'u arariadianna udde wuṛṛu mata'utta, ma'oman sara tate sangkatou apan ma'ola'a inolaanna aroddi.”

TAHIUL᷊E 19:20

Anambon taumata sarun maaringikka olangnge udde wuṛṛu mabbal᷊i mata'utta, na'oman sara tate lai taumata ma'ola'a al᷊al᷊eo udde.

TAHIUL᷊E 21:21

Ana see manga esakka wuassu soa udde ṛinone manuntungngu watu su ana'a udde ma'oman sara mate. Ringannu aroddi yamiu mangnginsue al᷊al᷊eo udde. Anambon taumatan Israel sarun maaringikka arariadianna udde wuṛṛu mabbal᷊i mata'utta.”

IBRANI 4:13

Taweddu sambau riadianna apan uawuni su aellegu Ruata. Al᷊awo'u sarannapa uatantol᷊e wuṛṛu wawu'anna su saruan-Ne. Wuṛṛu i ite sarun mangonggolu sasimbakka si Tou.

1 PETRUS 1:17

I yamiu mannagon Duata udde Iamangnga su tempo i yamiu u'al᷊iomanna si Tou. Ne, ete Ruata udde apan mamarikissa taumata tumuṛṛuttu inolaannu sangkatou-sangkatou ringannu tawe pilene. Ana waugu udde tantal᷊anna i yamiu ta'e su runia indi, ṛinone i yamiu mamantuga Ruata sulal᷊ummu wiakku.

SONDAPPA 2:11

Isai-sai apan botongnge maaringikka, ṛinone manutukka apa apan iapaasingkatu Ghaṛṛaho Ruata su manga jamaatta. I mangitou apan naauntunga, saran paassa tawe matataṛṛanga papate aruane.”

SONDAPPA 2:7

Isai-sai apan ma'aringikka, ṛinone manutukka apa apan iapaasingkatu Ghaṛṛahon Ruata su manga jamaatta! I mangitou apan naauntunga, sarun Ta'u iwala umanna wua wuassu punnu pabbawiakka apan tuttuwo su Waillu Ruata.”

SONDAPPA 20:12

Wuṛṛu i ya'u naasilo manga taumata nate, timmade dario'a, uarisikka su saruannu adderan araratuanna udde. Ne manga wuke niwu'ate. See sambau wuke apan baine niwu'ate, eteudde Wuken Taumata Wiakka. Wua'udde ṛuumanna niema'a su taumata nate, uasul᷊ungngu pallal᷊agune tumuṛṛuttu apan uawoṛṛetta sulal᷊ummu manga wuke udde.

SONDAPPA 20:13

See tahal᷊oangnga nanantillu manga taumata nate sulal᷊umme. Papate wuṛṛu Runiam Papate lai nanantillu manga taumata nate sulal᷊ummi tou. Wuṛṛu manga taumata nate sarangkanambone udde niṛṛuumanna uasul᷊ungngu pallal᷊agu mangitou.

SONDAPPA 22:12

“Panutukke indi” wisara Mawu Yesus, “Tate mal᷊annu lai I ya'u sarun rumanta ringannu uaapiddu lal᷊antakke ipabbal᷊issa al᷊awo'u taumata tumuṛṛuttu inolaannu sambau-sambau.

SONDAPPA 6:8

I ya'u na'ellega, see niasiloangku sambau awal᷊o hatine namillosa. Sumasa'ene aranne Papate. Wuassu liudde, i tou tatantalongannu Runiam Papate marani-rani. Taṛṛino su wageangnge aiappane su runia indi tinantilla si mangitou, tadea'u i mangitou wotongnge mamate sulal᷊ummu pangalo, sulal᷊ummu ṛutumma, ara'e al᷊aṛṛusa'itta wuṛṛu wuassu manga winatangnga mal᷊aṛṛaga.

1 SAMUEL 16:7

Arawe Mawu nabbisara si Samuel, “Arie i'o umanggangu al᷊aṛṛamage wuṛṛu wadangnge mal᷊angkassa; wal᷊ine i tou Ta'u pileanna. I Ya'u tawe ma'ellega wa'ikke, arawe i Ya'u ma'ellega naungnge.”