SONDAPPA 19:10 - WUKE SUSI WATTI'U AL᷊AL᷊USASSA

¹⁰ I ya'u nassumaga su saruannu mala'ekatta udde ana waugu nassubba si tou, arawe i tou nabbisara si ya'u, “Arie! Arie passubba si ya'u, passubbate Ruata! Ana waugu i ya'u lai allangnga ere i'o wuṛṛu ere anambon tuṛṛangu apan uaaggasa matohassa su watti'u Mawu Yesus!” Ana waugu ete watti'u Mawu Yesus udde mannantiro manga taumata apan mabatti'u papatta.

SONDAPPA 19:10 Iomraidhean Croise

2 MARARATU 17:36

Pangaddate si Ya'u, Mawu, apan buatte nangapiddi yamiu sinumabbanga wuassu Mesir; passubbate si Ya'u wuṛṛu pangonggole sasamba si Ya'u.

DARALO 45:11

Ei Maṛṛuala ana'u ratu, paaddaringikke manga wisara'u, timbul᷊ianete walahanna wuṛṛu ṛuangannu hawenu.

SASABANGNGA 34:14

Imbaṛṛangnga massubba Mawu waine, ana waugu i Ya'u Mawu, eteudde Ruata apan tawe iasul᷊ungngu manga apa su ruania indi.

DANIEL 2:46

Ana see niumalintuddate Ratu Nebukadnezar su saruanni Daniel wuṛṛu namarenta tadea'u Daniel addatanna wuṛṛu si tou ionggolla sasamba itattambunna see lai manga sasamba waine.

DANIEL 7:10

wuṛṛu putungnga manggelekka wuassu adderan araratuanna. Su riwune taumata mangngimbe si Tou, wuṛṛu su jutane taumata uarisikka su saruan-Ne. Wua'udde nitattakke ammul᷊annu pallaṛṛuungnga, wuṛṛu buke niwu'ate.

MATIUS 4:10

Mawu Yesus sinumimbakka, “Passal᷊iu i'o mamamono'a! Sulal᷊ummu Wuke Susi, uawoṛṛetta: Passubbate Mawu Ruatanu, wuṛṛu pangimbete si Tou sassane!”

MARKUS 5:22

Nirumantate sangkatou aranne i Yairus. I Tou sangkatou piaṛṛa'u wal᷊em pattataṛṛamawuanna su soa udde. Napawe i tou naasilo Mawu Yesus, i tou inumal᷊intuda su saruan-Ne,

MARKUS 7:25

Sangkatou inangnga, apan pia anangnge wawine niasuttannu ghaṛṛaho lal᷊eo, naaringikka su ola'u Mawu Yesus. I tou nirumanta ringannu Mawu Yesus wuṛṛu nassubba su saruan-Ne,

LUKAS 1:19

Mala'ekatta udde sinumimbakka, “I ya'u indi Gabriel. I ya'u mangngimbe Ruata wuṛṛu ete i Tou nandolo'u mamasingkattu watti'a mapia indi si'o.

LUKAS 24:44

Wua'udde i Tou nabbisara si mangitou, “Ete indi manga inolaanna apan suete Ta'u niwal᷊o si yamiu su tempo i Ya'u ta'e su sambau ringanni yamiu manungku manga inolaanna apan uawoṛṛetta matataṛṛino si Ya'u sulal᷊ummu manga wuke Musa, Manga Nabi, wuṛṛu Mazmur, ṛinone matipussa.”

YOHANES 5:39

I yamiu mangngurumma Wuke Susi ana waugu mangngantimma manungku ringannu olangnge udde i yamiu maatahuanna wiakka tutune wuṛṛu saran mal᷊annu-l᷊annu. Wuṛṛu Wuke Susi udde sassane mattiala su ola'u riri-U.

WATTI'U MANGA RASUL 10:43

Anambo manga nabi mabatti'i Tou. I mangitou mabbisara manungku anambon taumata apan mangngimanna Mawu Yesus, sarun ampunganna rosane ringannu taṛṛino wuassu Ruata.”

WATTI'U MANGA RASUL 13:27

ana waugu manga taumata apan uatanaa'a su Yerusalem wuṛṛu manga piaṛṛa'i mangitou tawe maatutukka manungku ete i Tou punnu sal᷊amatta udde. I mangitou tawe maasunna al᷊aṛṛa'u manga nabi apan iwabasa su manga allon Sabatta, na'oman sara i mangitou nakkuumannu Mawu Yesus. Arawe ringannu na'ola'a aroddi, i mangitou napaatipussa manungku apa apan iapaasingkattu manga nabi udde nariaddite.

2 KORINTUS 8:7

Yamiu apianne wuassu al᷊awo'u taumata; i yamiu apianne su ola'u pangangimanna, su ola'u mapaasabangngu ṛingidda, su ola'u asingkata, sulal᷊ummu al᷊awo'u hati manara, wuṛṛu sulal᷊ummu darangngu si yami. Ana waugu udde, mappianne i yamiu lai apianne sulal᷊ummu manara apan mapia indi.

EFESUS 5:15

Ana waugu udde, panutukka paapia-pia ereapa i'o mabbiakka. Arie mabbiakka ere taumata woddo; pabbiakke ere taumata pande.

EFESUS 5:33

Arawe tatialane udde pia sasampange lai ringanni yamiu; Ṛinone suapan esakka mandangngu awingnge wawine ere lai i tou mandangngu wadangnge sassane wuṛṛu ṛinone suapan wawine mangaddatta awingnge esakka.

FILIPI 3:3

Sumbal᷊i ete i ite manga taumata apan suete nanarimmattu sunatta apan tutune, wal᷊inewe i mangitou. I ite massubba Ruata ringannu aehettu Ghaṛṛahon Duata sassane, wuṛṛu i ite maadiangkamanna ana waugu i ite mabbiakka su sambau ringanni Kristus Yesus. I ite tawe uatundeeta su manga inolaanna apan a'olaannu taumata.

1 TESALONIKA 5:15

Paariagai tadea'u arie pia taumata apan mabal᷊issu al᷊al᷊eo ringannu al᷊al᷊eo. Paddea'e sidutu ringannu ma'ola'a apapia, sangkatou ringannu waine wuṛṛu su anambon taumata.

IBRANI 1:14

Amungkangu aroddi, manga mala'ekatta udde apa i mangitou? Ete i mangitou udde manga ghaṛṛaho apan mangngimbe Ruata, wuṛṛu apan iradolokku Ruata iapaatul᷊ungngu manga taumata apan sarun manengkamma asasal᷊amatta.

IBRANI 12:25

Ana waugu udde, paatehamma arie ma'oman sara i yamiu maddiri maddaringikka si Tou apan mabbisara udde. I mangitou apan maddiri maddaringikka si Tou apan nirumanta su runia wuṛṛu namasingkatu watti'u Ruata, tawe maatal᷊angngu watanganne. Lembonete lai i ite indi apan uararingikka si Tou mabbisara wuassu surga! Amungkangu i ite maddiri maddaringikka si Tou, i ite tawe maatal᷊angnga wuassu ṛuumanna!

1 YOHANES 5:10

Ana waugu udde, taumata apan mangngimanna su Ana'u Ruata, suete nanengkamma tatiala udde sulal᷊ummu naungnge; arawe taumata apan tawe mangngimanna Ruata, nassunnate manungku Ruata taṛṛa wahia, ana waugu i tou tawe mangngimanna apa apan iwabal᷊on Duata su ola'u Anang-Nge.

1 YOHANES 5:21

Manga al᷊aṛṛana'u, paaraua'e watanganni yamiu wuassu al᷊awo'u paal᷊uanna!

SONDAPPA 1:1

Lal᷊oṛṛon wuke indi mabatti'a su ola'u apa apan suete niapaal᷊iatta'u Mawu Yesus su ola'u manga arariaddianna apan sarun mariaddi. Ruata namasingkata Mawu Yesus tadea'u i Tou mamasingkata su manga allangngu Ruata, apa apan ṛinone mal᷊ihakke mariaddi. Kristus nandolokku mala'ekan-Ne si Yohanes, allang-Nge, iapapasingkatu manga arariaddianna udde si tou.

SONDAPPA 1:9

I ya'u Yohanes, tuṛṛangu apan mal᷊uassa wuṛṛu massusa suadio'a ringanni yamiu sulal᷊ummu asasusa apan naṛṛia'a su mallal᷊aṛṛenggenni Kristus. I ite masabare matataṛṛanga ana waugu walahanna pussa'a-Ne. I ya'u niramme su Patmos ana waugu i ya'u mammasingkatu tanatan Ruata, apan tinohassu Mawu Yesus sulal᷊ummu tiala-Ne.

SONDAPPA 12:11

Manga tuṛṛangi ite suete napaarugin tou ringannu ṛaṛṛan Ana'u Domba udde, wuṛṛu ringannu watti'a apan atonna wuassu Ruata apan niwatti'i mangitou. I mangitou mal᷊uassa nanantillu niawa mangitou ma'oman sara mate.

SONDAPPA 12:17

Naga mangke nasa'u atonna su wawine udde, na'oman sara i tou inaite namangalo walahanna waine wuassu wawine udde, eteudde anambon taumata apan tuttuṛṛuta manga parentan Ruata, wuṛṛu nattiala su ola'u Mawu Yesus wuṛṛu taṛṛino-Ne.

SONDAPPA 14:7

Mala'ekatta udde u'ui ringannu tingikka apan ma'ikkatta, “Aata'utten Ruata wuṛṛu paddalote awawantu-Ge! Ana waugu nia'omante tempone Ruata mamarikissa taumata. Subbaite i Tou apan nandiaddi langitta, runia, tahal᷊oangnga wuṛṛu al᷊awo'u al᷊imatan ua'e!”

SONDAPPA 15:4

Isai apan tawe matta'uttu, Mawu? Isai maddiri mamasingkatu awawantu-Gu? Tumba'u I'o apan na'ukkassa. Al᷊awo'u walahanna sarun rumanta massubba Si'o ana waugu manga parenta-Nu apan matul᷊idda suete niaasiloannu anambon taumata.”

SONDAPPA 19:9

See mala'ekatta udde nabbisara si ya'u, “Woṛṛetta'a indi: ‘Lal᷊umanna'a su taumata apan niwagoanna su andeangngu awingngu Ana'u Domba udde.’ ” See mala'ekatta udde nanamba apia, “Ete indi watti'a atonna wuassu Ruata.”

SONDAPPA 4:10

sire ruam pul᷊o appata piaṛṛange udde uaaruutta su saruannu taumata apan ua'ianna su adderan araratuanna udde, see massubba si Tou apan wiakka saran mal᷊annu-l᷊annu. Wua'udde i mangitou nanuntungngu manga araposan araratuanni mangitou su saruannu adderan araratuanna udde lapiddu nabbisara,