SONDAPPA 18:7 - WUKE SUSI WATTI'U AL᷊AL᷊USASSA

⁷ Onggol᷊a'a si tou papaṛṛanga wuṛṛu asasusa apan anambone uasul᷊ungngu awawantuga wuṛṛu pa'a'ala apan nionggole su wadange sassane. Ana waugu i tou sidutu mabbisara su watanganne, ‘I ya'u indi ratu apan mammarenta: I ya'u wal᷊ine wawine wal᷊u; i ya'u sarun tawe mamendama asasusa!’

SONDAPPA 18:7 Iomraidhean Croise

ESTER 6:10

Wua'udde ratu nabbisarate si Haman, “Pasaṛṛawutta, panganu laubba wuṛṛu awal᷊o udde wuṛṛu onggol᷊a'e anambon aaddatta udde si Mordekhai, taumatan Yahudi udde. Ola'e ere apan niwisaranu tanginna, ringannu tawe manggaingnga saran sambau. I tou wotongnge sombannu tantal᷊anna ua'ianna su saruannu ngara sasuttannu wal᷊en araratuanna.”

DARALO 10:6

Wisarane sulal᷊ummu naungnga, “Apulu'u tawe apeleanna, wuṛṛu sara papapulunne ere taumata apan tawe mabbiakka su all᷊al᷊eo.”

DARALO 45:9

Peddenu pia hal᷊urun amania, gaharu wuṛṛu cendana; mananalangnga ronsi su wal᷊en araratuanna lal᷊ogaṛannu gadinga wuṛṛu naal᷊uassa si'o.

YEREMIA 13:18

Mawu nabbisara si ya'u, “Doloṛṛa'a ratu wuṛṛu wo'i lumintukka wuassu adderan araratuanna, ana waugu makotane apan maṛṛansanga nanawite wuassu puane.

LAL᷊ALLU 1:1

Aroddi al᷊annabbe Yerusalem orassa indi, soa apan al᷊amonane rame atonna. Dorone tinumelengnga wuassu al᷊awo'u manga walahanna, orassa indi naola'e ere wawine wal᷊u. Dorone soa apan mangke raddaloanna, orassa indi niola'e allangnga.

OBAJA 1:3

I'o niaawusuannu naungngu apan mawunga. Inangngu soanu uddewe wowon batu apan matohassa; tampa tatanaannu su puiddu wowone apan matanggakka. Ana waugu udde i yamiu maṛṛingidda, ‘Isai apan wotongnge mangema'u?’

ZEFANYA 2:15

Ete udde apan sarun mariaddi su soa apan lullala'a udde wuṛṛu massunna watanganne mal᷊angnganne su runia. Al᷊annabbawe eteapa wageangngu leta'a udde, taweddu uatana'a tumba'u manga winatangngu ahuranganna apan massal᷊akka isudde! Suapan taumata apan sumabbi su soa udde sarun ṛuminddu'a wuṛṛu maapendamma atata'utta.

1 TIMOTIUS 5:11

Arie pabboṛṛeta'a su wuke udde manga wawine wal᷊u apan ta'e dario'a. Ana waugu amungkangu apendammu apulu naungngi mangitou matohassa apia, i mangitou maapulu maawingnga apia, wuṛṛu manantangken Kristus.

SONDAPPA 18:3

Ana waugu al᷊awo'u walahanna suete na'inumma anggoru apulum pasasandage. Manga ratu su runia sussandaga ringanni tou, wuṛṛu manga mabbawal᷊u'a su runia nabbal᷊i ala ringannu apulune apan tawe ia'ul᷊inna udde.”

SONDAPPA 18:9

Manga ratun runia apan suadio'a sulal᷊ummu inolaanne sussandaga wuṛṛu apulu naungngu wawine udde sarun lumuai wuṛṛu lumallun soa udde napawe i mangitou naasilo timbulla sussal᷊oi wuassu putungnga apan mannutungnga si tou.