SONDAPPA 18:6 - WUKE SUSI WATTI'U AL᷊AL᷊USASSA

⁶ Ola'awe i tou su ereapa i tou suete na'ola'a si yamiu; wal᷊isete i tou paarua wuassu anambon pallal᷊agu apan suete niolangnge. Loṛṛoi mangkone ringannu ua'e inumanna apan paarua maattiṛṛana wuassu ua'e inumanna apan nasaddiate iapa'inumma si yamiu.

SONDAPPA 18:6 Iomraidhean Croise

DARALO 137:8

Ei Babel, i'o sarun ṛaddaanna! Lal᷊umanna'a su taumata apan nabbal᷊issa si'o al᷊al᷊eo apan niolangngu su saruanni yami.

DARALO 28:4

Ṛuumana'e i mangitou ana waugu inolaanni mangitou, ana waugu al᷊al᷊eo apan niola'i mangitou. Ṛuumana'e i mangitou uasul᷊ungu pallal᷊aghun mangitou; i mangitou onggol᷊eten ṛuumanna uasul᷊ungngu rosane.

YESAYA 40:2

Paatammudde naungngu taumatan Yerusalem, pasingkata'e manungku patataṛṛualange nasuete. Pasasal᷊a mangitou buatte Ta'u niampunganna, manga rosa mangitou buatte Ta'u niṛṛuumanna paarua.”

YESAYA 61:7

Ana waugu i yamiu naasombate asasili paarua lappuanna, wuṛṛu luhudda wuṛṛu aal᷊uandaga naola'e wageangnge, ne i yamiu sarun maasomba pussa'a paarua lappuanna lai su wanuanu wuṛṛu uatahuanna al᷊al᷊uassa tutune.

YEREMIA 16:18

Rosa wuṛṛu al᷊al᷊eo mangitou sarun Ta'u iwal᷊issa ringannu ṛuumanna paarua anambone, ana waugu i mangitou buatte nandal᷊eo wanua-U ringannu manambo paal᷊uanna. Manga paal᷊uanna udde tawe niawane ere asuangnga.”

YEREMIA 17:18

Doronganna iapa mangngenggenna wuṛṛu mangngallangnga si ya'u, pansilian-Nu wuṛṛu penean-Nu ringannu atata'utta. Arawe ariewe ma'ola'a aroddi si ya'u, oh Mawu. Rantate asasilaka si mangitou ma'oman sara i mangitou masue mawinasa.

YEREMIA 50:15

Intul᷊ia'e hahoressan pangalo pamal᷊iwuta'a soa udde! Orassa indi Babel nawaddote. Manga darandungnge buatte nihohakka wuṛṛu naṛṛaate. I Ya'u tantal᷊anna mabbal᷊issa Babel. Ana waugu udde sansaraite i mangitou ere lai i mangitou mannansara taumata waine.

YEREMIA 50:29

Mawu nabbisara, “Doloṛṛa'e manga taṛṛa piti'a mamangalo Babel. Ammul᷊a'e suapan taumata apan pande mamiti'a. Talliwunete soa udde wuṛṛu arie pabbala'a saran sangkatou apan matal᷊angnga. Wal᷊isete anambon inolaanne wuṛṛu ola'e i tou uasul᷊ungngu inolaanne, ana waugu i tou buatte na'ola'a tawe addanne su saruang-Ku, Apan Lembonsusi, Ruatan Israel.

YEREMIA 51:24

Mawu nabbisara, “Pa'ellete ringannu matanu sassane erepa i Ya'u orassa indi mabbal᷊issa Babel wuṛṛu tumanangnge al᷊awo'u al᷊al᷊eo apan niola'i mangitou su Yerusalem.

YEREMIA 51:49

Manambo taumata su ahewallu runia nate niapate ana waugu Babel, arawe orassa indi Babel sarun manawo ana waugu taumatan Israel nipate. I Ya'u, Mawu, buatte nabbisara.”

LAL᷊ALLU 3:64

Ṛuumana'e i mangitou uasul᷊ungngu inolaanni mangitou, oh Mawu.

ZAKARIA 9:12

Pabbelengke ei manga taumata apan niwuangnga, orassa indi i yamiu uatahuanna antimma. Pabbelengke watukku tampa passirungannu, i Ya'u sidutu mangal᷊amatta si yamiu. Paddaringikke: Paarua lipanne i Ya'u mangal᷊amatta si yamiu ana waugu al᷊awo'u asasusa apan buatte niapendamanni yamiu.

2 TIMOTIUS 4:14

Aleksander, taṛṛa ola'a witu'a udde suete na'ola'a manga inolaanna apan lal᷊eo si ya'u. Mawu sarun mabbal᷊issa si tou tumuṛṛuttu inolaanne.

SONDAPPA 13:10

“Taumata apan ṛinone iṛṛuumanna, atonna i tou sarun iṛṛuumanna. Wuṛṛu taumata apan ṛinone pateannu hal᷊ele, atonna i tou sarun pateannu hal᷊ele. Ana waugu udde walahannu Ruata ṛinone matammuda wuṛṛu matuṛṛuta.”

SONDAPPA 14:10

taumata udde sarun ma'inumma anggore wuassu Ruata, eteudde anggoru asasa'u-Ne apan suete nilal᷊inni Tou sulal᷊ummu tampane, apan tawe nihaingnga sarang kadio'a! Anambon taumata udde sarun sansaranna sulal᷊ummu putungnga wuṛṛu belerangnga su saruannu manga mala'ekatta susi wuṛṛu su saruannu Ana'u Domba udde.

SONDAPPA 16:19

Soa wahewalla udde natahia tallung kaadoanna, wuṛṛu naṛṛimunsa'e lai manga soa su anambon araratuanna su runia. See Ruata naanaungnga Babel apan wahewalla udde. Ne Ruata napa'inummi tou anggore wuassu cawannu Ruata – eteudde anggoru asasa'u-Ne apan nangillembo.

SONDAPPA 17:2

Manga ratun runia ma'ola'a al᷊al᷊eo ringanni tou, wuṛṛu tumana'u runia nabbal᷊i wu'anna ana waugu na'inumma anggoru sasandage.”

SONDAPPA 17:4

Wawine udde ual᷊uṛṛen laubba ungu wuṛṛu maṛṛamu uaitumma, see lal᷊ogaṛṛanu wul᷊awanna, manga permata, wuṛṛu mutiara. Su limane i tou uaaggasa sambau mangko wul᷊awanna napenen inolaanne apan maarantina wuṛṛu lal᷊eo, hessin sasandage.

SONDAPPA 18:20

Ei surga, lala'e ana waugu aṛṛaṛṛimunsa'u soa udde! Ei, al᷊aṛṛana'u Ruata, manga rasul, manga nabi, lala'e! Ana waugu Ruata suete naṛṛuumanni tou maola'a sambau bawal᷊issu sarangkanambone apan niola'i mangitou si yamiu!