SONDAPPA 18:22 - WUKE SUSI WATTI'U AL᷊AL᷊USASSA

²² Tingikku musikka wuassu mananalangnga kecapi, wuassu manga taṛṛa antari, wuassu manalangnga wansi wuṛṛu wuassu mananiuppa trompeta, tate lai iaringikka wuassu lal᷊ummu soam Babel! Tate lai asombanganna sangkatou mammamanara apandeanne isudde, wuṛṛu tingikku watung gahilinganna lai tate aringiṛṛana.

SONDAPPA 18:22 Iomraidhean Croise

AYUB 3:7

Wala'e ṛabbi mapenen ararandumma tawe sasaṛṛionto'a, tawe al᷊al᷊uassa.

MANNANASE 12:4

Ramea su lal᷊anna na'oma su tal᷊inganu ringannu nunnenne'a. Tingikku musikka wuṛṛu hahilinganna maranin tawe aringiṛṛanna. I'o tawe maatiilla mal᷊angnga. Tingikku manu'u winalanganna lai naapu'o si'o.

YESAYA 23:12

Wisara Mawu, “Ei soa Sidon! I'o sarun tawe mallal᷊umanna'a apia. Tumanangngu allanganna. Salaiwe i mangitou mamengkangnga watukku Siprus, i mangitou tawe matammudda.” (

YEREMIA 16:9

Paddaringikke si Ya'u, Mawu Apan Lembontaṛṛino, Ruatan Israel, indete mabbisara si'o. Tingikku al᷊al᷊uassa wuṛṛu lal᷊ala'a su andeangngu awingnga Ta'u iapaal᷊annabba abbi. Olangnge udde sarun aellehannu manga taumata wiakka sutempo udde.

YEREMIA 25:10

Manga tingikki mangitou apan lullala'a wuṛṛu ramean andeangngu awingnga sarun Ta'u iapaaddo. I mangitou sarun tawe maatahuanna lana ipande'omma sol᷊o, wuṛṛu gandummi mangitou sarun masue.

YEREMIA 33:11

Arawe su manga tampa udde sarun aringiṛṛanna apia tingikku al᷊al᷊uassa wuṛṛu lal᷊ala'a see aantari manga taumata apan uaapiddu sasamba aadiangkamanna watukku wal᷊e-U. I mangitou sarun mabbisara, ‘Pa'adiangkamante su Mawu Apan Lembontaṛṛino, ana waugu i Tou mapia wuṛṛu darangngu-Ne tawe patta'al᷊anne.’ Wanua indi sarun Ta'u olaanna manambo wiakke ere dorone. I Ya'u, Mawu, buatte nabbisara.”

YEREMIA 7:34

Wanua indi sarun maola'a wadda'a lol᷊okka. Tingikku al᷊aluassa wuṛṛu tingikku andeangngu awingnga sarun Ta'u iaddo su manga soan Yehuda wuṛṛu su manga lal᷊annu Yerusalem.

YEHEZKIEL 26:13

I Ya'u sarun mapaaddo al᷊awo'u antarinu wuṛṛu musikku kecapinu.

MATIUS 9:23

Wua'udde Mawu Yesus na'omate su wal᷊em piaṛṛa'u wal᷊em pattataṛṛamawuanna udde. Napawe i tou naasilo mananalangngu musikku lumal᷊al᷊o wuṛṛu taumata nambo mangke maggio,