SONDAPPA 18:19 - WUKE SUSI WATTI'U AL᷊AL᷊USASSA

¹⁹ Ne i mangitou nangalassen awu su pua mangitou maola'a tatiala lullal᷊o, see nilumuai wuṛṛu u'ui, “Uare, wal᷊ine hampa silakane soa apan wahewalla indi! Pa'a'alane suete naaola'a anambon taumata apan uatahuanna apalla su tahal᷊oangnga nabbal᷊i ala! Arawe tumba'u sulal᷊ummu sangkaorassa, i tou inawul᷊ianten al᷊awo'u sarannapa!”

SONDAPPA 18:19 Iomraidhean Croise

SONDAPPA 18:10

I mangitou sarun rumarisikka wuassu marau ana waugu i mangitou matta'uttu asasusane. I mangitou nabbisara, “Uare, wal᷊ine hampa silakane soa apan tinumelengke indi – soam Babel apan matohassa! Tumba'u sulal᷊ummu sangkaorassa ṛuumannu suete niapaamatta!”

YOSUA 7:6

I Yosua wuṛṛu manga piaṛṛa'u ṛuangannu Israel mangke massusa na'oman sara i mangitou nanggesa'a laubbi mangitou, wuṛṛu su al᷊o'engngu allo maddatingu ṛabbi i mangitou u'al᷊intudda su saruannu Wantalu Pa'aire Mawu ringannu nangaddon awu su pua mangitou maola'a sambau tatiala massusa.

YEHEZKIEL 27:30

I mangitou lulluain ola'u pabbiaṛṛannu, sassal᷊iomanna wuṛṛu lulluai ringannu massusa. I mangitou nanal᷊iawukku awu su pua wuṛṛu tinumal᷊inggi sulal᷊ummu awu tatiala massusa.

SONDAPPA 18:3

Ana waugu al᷊awo'u walahanna suete na'inumma anggoru apulum pasasandage. Manga ratu su runia sussandaga ringanni tou, wuṛṛu manga mabbawal᷊u'a su runia nabbal᷊i ala ringannu apulune apan tawe ia'ul᷊inna udde.”

AYUB 2:12

Arawe ro'en ta'e marau i mangitou tallu naasilote si tou, i mangitou ete addio'a tate maaillal᷊a lai si tou. I mangitou nilumuai ringannu ma'ikkatta wuṛṛu nanggesa'a laubbi mangitou see nangalassu awu su winalanganna wuṛṛu su pua.

SONDAPPA 18:8

Ana waugu ete olangnge udde, ne tumba'u sulal᷊ummu allo massallo i tou sarun maasomba silaka – radda'a, asasusa wuṛṛu al᷊aṛṛutumma. Wuṛṛu i tou sarun tutungannu putungnga, ana waugu Mawu Ruata piate taṛṛino ipakkuungngi tou udde.”

1 SAMUEL 4:12

Sangkatou wuassu ruanganni Benyamin tinumal᷊angnga wuassu tampa papangaloanna watukku Silo, wuṛṛu na'omate isudde su allo udde lai. Naola'a tatialan lullal᷊o, i tou nanggesa'a laungnge wuṛṛu niaddo su leta'a ana see puane niandangannu leta'a.

NEHEMIA 9:1

Su allo darua pul᷊o appatta wul᷊anna udde lai, tumana'u Israel naammulla. I mangitou nappuasa tadea'u mapal᷊iatta'u sasassilla ana waugu manga rosan mangitou. I mangitou naṛṛaen batanganne wuassu anambon taumata raho. Naola'a tatiala massusa, i mangitou nalluṛṛen nasa karongnga wuṛṛu nanal᷊iawukku leta'a su pua. Wua'udde i mangitou dirumarisikka wuṛṛu nanga'u al᷊awo'u rosan mangitou wuṛṛu rosan al᷊amonan mangitou.

2 SAMUEL 13:19

Ana see i Tamar nangaddon awu su puane, wuṛṛu nanggesa'a jubane, ana see niumamatta lapiddu uataappa hatine ringannu limane ruan ba'a, lapiddu lulluai.

SONDAPPA 17:16

Mapul᷊o tatandu'a apan aellehannu udde wuṛṛu winatangnga udde sarun marantinu sumasandaga udde. I mangitou sarun mangaṛṛo al᷊awo'u sarannapa apan tatahuananne, wuṛṛu mapaatantol᷊en tou. I mangitou sarun uminassa ṛemessi tou wuṛṛu mamate si tou ringannu putungnga.

YESAYA 13:19

Wuassu anambon araratuanna, ete Babel udde aṛṛansanganne wuṛṛu naola'a ilalluassu tumanangnge. Arawe i Ya'u, Mawu, sarun makkimunsa'a, ere buatte Ta'u niola'a su Sodom wuṛṛu Gomora.

LAL᷊ALLU 2:10

Manga matatimmadu soa ua'ianna nimmoune su leta'a; i mangitou mannal᷊iawukku awu su pua wuṛṛu nalluṛṛen nasa karongnga tatialan massusa. Manga maṛṛuala lai niumaruutu puane sara leta'a.